|
ماموقف تجاه الإعجاب بين البنات وماردت فعلك لو أتت صديق لكى وقالت لكى انا معجبه بكى؟
فهمتى قلبو |
[align=center]أهااا أيوة ياقلبي فهمت عليك
ههههههههههه بس تذكرت أيام المتوسط لان هالمواقف بصراحة صارت لي أذكر وحده من صحباتي أعترفت لي بحبها تخيلوا كانت ترتبك إذا شافتني وتغار علي لو مشيت مع وحدة ثانية من صحباتي بصراحه البنات اللي زي كذا عندهم مرض نفسي ولازم يتعالجوا أكيد أما ويش كان موقفي تجاهها ههههههههه بصراحه ولاشئ اللهم إنها طاحت من عيني خخخخ وامرر للي بعدي [/align] |
وش الأحسن فى نظركم وليش
حياه مع جهل وقمه الترفه أو حياه مع علم وعيشه فقر |
الحياه بالرفاهيه بظل الجهل معرضه للزوال بأي لحظه
لكن حياة الفقر مع وجود العلم أعتقد في إشراقة للأمل ومن المتأمل انها تتغير الحياه للأحسن والأروع .. اللي من بعدي بنظرك وش الدافع الأهم لشباب هذا الزمن لفعل الممنوع مع ان التعليم الحين احسن من قبل والشاب أو الفتاه يلاقي النصائح بكل مكان .. .. .. .. |
[align=center]
بنظرك وش الدافع الأهم لشباب هذا الزمن لفعل الممنوع مع ان التعليم الحين احسن من قبل والشاب أو الفتاه يلاقي النصائح بكل مكان ؟؟ الإسره .. تقريبـآ هو السبب .. وآنآ مآرآح آقول المجتمع .. لآن أسآس بنيآن شخصيه الشـآب أو الفتآه تكون الآسره تربي أبنـآئهـآ على حسب مآهي تربت عليه .. آنآ لآ آسئ إلى تربيه آي آسره ولكن في وقتنآ الحـآضر مع التطور السريع .. يحتـآج الشآب أو الفتـآه إلى شخص يحآورهم يتقرب إليهم .. ولآيمنعهم من فعل شي بدون ذكر آسبآب المنع .. جسر التوآصل بين الآبنـآء هذآ بصرآحه مآتفتقر إليه أسرنـآ .. وبآلتـآلي .. كل ممنوع مرغوب .. فآلشي الممنوع من قبل آي آسره يصبح بنظر الشآب مرغوب .. فآبمآ إني فتـآه .. رآح أتكلم عن الفتآيآت .. في كثير من مجتمعنـآ آلآسره تمنع بنـآتهـآ من لبس عبآه الكتف .. فكم مره صـآدفت فتـآيـآت يدخلن بعبآءه على الرآس .. ويخرجن من غرف القيآس وهن لآبسـآت عبآيه على الكتف .. من السبب في ذلك .. وهذآ أول طريق من طرق السلوك الخآطئ .. آنآ بنظري لو ألآم تقربت من بنتهآ اكثر وأكثر .. كـآن مـآصـآر هيـك .. وموآقف وأمثله كثثثثيييره جدـآ .. فآللي أبي أوضحه لك .. أنو مو العيب في التعليم .. قد مـآهو العيب في طريقه تعآمل الآسره مع اي شـآب أو فتـآه .. وبـس .. سؤـآلـي .. هل ترغب بتغيير منهج حياتك عن ماهو عليها الان ؟ وكيف.[/align] |
[align=center]أكيد أتمنى أغيرة ،،
لان الإنسان دائماَ يسعى للأفضل ،، إذا بالنسبة للمارسات اليومية في حياتي ،، مثلاَ أتمنى أني أخفف من ساعات جلوسي على النت ، أو أني أحدد ساعة كل يوم عشان أقرأ فية كتاب ،، كثير أشياء أتمنى أغيرها ،، أما لو راح أغير منهجي في التعامل مع الغير ،، يمكن أتمنى أني ماأصدق أي أحد و أعطية أسراري على طول ،، إن شاء اللة أكون مافهمت السؤال غلط :show21: طيب سؤالي لليـ بعدي :show111: ماهو رأيك في القرار اللذي صدر مؤخراً واللذي يسمح للمرأة بالاقامة في الفندق من دون محرم ؟ :show111::show111:[/align] |
[frame="3 80"]بخصوص سؤال الاخت دلوعه عن السكن بالفنادق من غير محرم
.. بالبدايه ليعلم الجميع أن هالأمر أتى من بعد دراسه طويله كانت مابين .. ( وزارة الداخليه وهية الامر بالمعروف ووزارة التجاره والهيئه العليا للسياحه ) وشي أكيد راح يكون خلف هذه القرارات ناس مدركه للأمر بداية بالأمير نايف بن عبدالعزيز والموافقه على مثل هذا الأمر لم يترك موافقه وبس طبعا فيه شروط وأساسيات يعملونه حيث انو مثلا أتت فتاه لأحد الفنادق انو لابد حمل الفتاه لهويه شخصيه والهويه طبعا فيها صورتها وكل معلوماتها ويكون الفندق مربوط الكترونيا مع مركز لاشرطه اللي يكون تابع له ويرسلون لهم بيانات الفتاه كامله وقت نزولها بمعنى أن الأمر ليس مجرد قرار وفقط .. .. .. .. .. .. .. وطبعا الشارع السعودي تعددت أرائه حول هذا القرار منهم المعارض ومنهم المؤيد وعن نفسي أشوف انه شي سليم لأنه خدم الفتاه السعوديه ويمكن يكون باب ( مداراه ) لكثير من الابواب السلبيه فـ الآن البنت تقدر تسكن فندق وببطاقتها من غير محرم وقت احتاجت هالشي خلاص مو مجبوره تبحث عن محرم لو بالـ ( كذب ) أو انها تسكن بمكان ( سلبي ) والسبب يرجع لعدم توفر السكن المناسب لها لأن لو الفتاه مالقت لها سكن راح تكون بالشارع صح ؟؟ واللي بالشارع دائما يكون صيد سهل لذئاب الشوارع فدائما نتبع مقولة ( درء المفاسد مقدم على جلب المصالح ) وان شاء الله يكون هالقرار فيه الخير للجميع .. .. .. .. .. سؤالي لمن بعدي !! نلاقي أحيانا صخب وتهميش للـ ( شباب ) السعودي من المجتمع المحيط بهم ونشوف أن كل مسؤل عن اسرته لايحب تواجد أهله في مكان يوجد به شباب ومن هذا فرحتهم بتواجد منتزهات وأسواق خاصه للعوائل تنبذ الشباب وهذا إن دل فهو يدل على ( إفراط ) الثقه مابين أبناء البلد وبالمقابل سمعنا كثييييييرا بالوقت الحالي عن مايعملونه العماله الأجنبيه من عبث وفساد في بلدنا وللأسف انهم متوفرين بكل مكان وأغلب تواجدهم بأماكن تخص المرئه فمثلا بائع بسوق نسائي أو سائق سيارة اجره أو غيره ونلاقي أن رب الاسره يترك أهله يركبون مع سياراة الاجره واهو واثق أو يتركهم يدخلون الاسواق واهو مرتاح مع أن البائع أجنبي والحقيقه اللي شفناها مؤخرا !! أن العماله الجانبيه صارت تتلاعب كثير وصارت تسبب خوف على العوائل السؤال هنا ؟؟ وش سبب ثقة رب الأسره بالرجل الأجنبي أكثر من ابن البلد وتهميشهم للشاب السعودي بنظرتهم له ( الفاشل .. العاطل ) طبعا كلامي مايشمل كل رب اسره لكن هالشي فعلا حاصل مع الأغلب . .[/frame] |
بسم الله الرحمن الرحيمالسؤال هنا ؟؟
وش سبب ثقة رب الأسره بالرجل الأجنبي أكثر من ابن البلد وتهميشهم للشاب السعودي بنظرتهم له ( الفاشل .. العاطل ) طبعا كلامي مايشمل كل رب اسره لكن هالشي فعلا حاصل مع الأغلب... رب الاسرة اللي يثق بالأجنبي لانه يشوف الأجنبي آله تنفيذ فقط والسبب يرجع لجهله بعقلية الأجنبي وحتى مايعرف لغته ,ويظن انه هالأجنبي مايفكر غير بأكله ومسكنه ,ماينظر له كابشر ممكن يكون كفؤ للأمانة ويمكن خطر عليها هم التهميش للسعودين سبب فى لجؤ رب الاسرة للعامل الأجنبي لو سألت بيكون الجواب الشر يعم والخير يخص وعيال ا لحرام ماتركوا لعيال الحلال شيء من الثقة , وبهالزمن أن بغيت تاخذ من بيت فلان (تخطب) أسأل أذا عندهم سواق أو حتى أى عامل أجنبي واذا عندهم أسأله ترى أسرار البيوت العربية عند العمال الخدم والسواقيين.. ـــــــــــــــــــاللهم أدم علينا نعمة الستر والشرف ــــــــــــــــــــــ مع تمنياتي لك بالأبداع الدائم خيو سعــــــ العز ـــودي |
أسفـــــة خذتني الأجابـــة ونسيت أكتب السؤال للي بعدي
|--*¨®¨*--| ســــــــــــؤلي هــــــو|--*¨®¨*--| وش رأيكم فى قرارات الوزارة اللي صدرت فى السنوات الأخيرة من أختبارات قياس ووغيرها؟ |
[align=center](سعودي العز )
أشكرك عزيزي على ردك الأكثر من رائع ... / / أما بالنسبة لسؤال وريقات ،، إذا تقصدين إختبارات القياس اللي تطلب من الطالب قبل التحاقه بالجامعة ... أنا أشوف أنها قرارات ناجحة لأنها تقيس ثقافة الشخص من جميع النواحي ... مثلاً المناهج في المدرسة تختلف كلياً عن الدراسة الجامعية فما هو ضروري الشخص اللي يكون متفوق في المدرسة يكون كذالك في الجامعة ... عشان كذا هالاختبارات عاده تكون أسئلتها عامه وثقافيه لان شئ ضروري الطالب الجامعي يكون ملم بكل شئ حوله وبعدين أغلب دول العالم تستخدم هذي الإختبارات كشرط اساسي للالتحاق بالتعليم العالي ... **** طيب سؤالي لليـ بعدي ،، ماهو رأيك في مقولة (حبيتك من أول نظرة ) :99 (29):[/align] |
| الساعة الآن 06:30 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.