|
اقتباس:
عاد من يفكك من نظــره الله يعينك والله لو تجربون الســواقه غير تقلون يالله والله صادقين يوم قالوا اريح لكم خلوكم كــذا تصدقين ان الفتاه السعوديه صنفت هي الاكثر في العالم اقرب شي الى مستوى الملكات من بعض الاسباب انها يتوفر لها من يدير اعمالها من سائق وسياره وهي كا الاميره معه بعدين مالكم ومال الزحمه والله لو تعيشون يومين بس في الرياض وتمسكين طريق الملك فهد الصباح غير توقفين بنص الطريق وتقولين امشي احسن من السياره ...فارجاء فكونا من الزحمه:b56: |
القيصـر لامالك فـــكه
انـــا ابي اســـوق ولاتجيب حجه الزحمه انا مو في الرياض وبعدين الزحمه لها حل يحطوون شوارع اضافه للنساء فقط وانا مستعده اجيب حلول اضافيه |
قصيميهـ مشكوره قلبوووو على الموضوع الحلو
وبصراحه ياليت نسوق ولا منتكم يالرجال اذا قلنا لكم ودونا السوق او للمستشفى تجنون ودول الخليج مو احسن منا تخيلو عاد نسوق وعلينا العبايه والبرقع هع هع ولا وفجاء تطير الغطايه مثل طاش ما طاش وربي راح يربحون الورش منا من كثر الصدمات واولهم انا لو اسوق كان كل يوم لي سياره كل ادعم في الجدران واذبح العالم هههههههههههههههه |
القيصر
الرياض مستحيل نسووق فيها انا على اعصابي وانا بالسياره فكيف لو بسووق بس لو حصل وسقنا ان شاء الله بعد مايعقلون شبابنا طبعاً بسووق بحدود القصيم وبس وه بس فديتها مافيها زحمه وتسووق على راحتك نضره وترحل شرقاويه قولو يـــآرب يتنفذ القرار القيصر خربوني البنات ورجعت عن قناعاتي بوجهة نضرك هههههههههههههههههههه |
يـانظره
العاقل خائفين عليه من الدشره والداشر خائفين عليه تزيد دشرته يمكن ليه ابليس جاته فرصه من ذهب الحين حنا الواحد اذا سافر مكان بعيد معه اهله لابدأ انه ياخذا معه سلاح خوف من الطريق ومصائبه ..تبينا نرتاح ونخليكم تسوقون لوحدكم لاوالله انتم غاليات علينا مانقدر نـتركم لوحدكم تدرين انتم وش بانسبه لنا مثل الجوهره ... الواحد اذا صار عنده جوهره ثمينه وش يسوي فيها شي طبيعي راح يحتفظ فيها ويبعدها عن الناس اللي يخاف منهم خوف من السرقه لانها مغريه انتم مثل كذا في عيوننا مثل الجوهره لابد واجب علينا نحفظكم بعد الله من كل شي يسي لكم ويجيب لكم خطر ...لانكم جواهر الله الذي بعثها لنا فا حق علينا ..المحافظه والعنايه بها ونكون في خدمتكم في كل ماتحتاجون اليه والله ماني متحيز لكن هو تحلليل الى مابعد ها القــفزه اللي ممكن تودينا في ستين داهيه وعسى الله يكتب الله فيه الخير |
قصيــــميه لاهيك ماعم تزبط معي <قلبت لبنانيه
حددي موقفك وخـــلي كلمتك وحده , ودافعــي عنهاا الى اخر قطرة دم << الدعوه صارت موت وحياة! احترماتي لقصووومتي وللجميع فديتكم |
اقتباس:
ماعندك مشكله يعني في الــبر قصدك لا سوقوا وخذوا راحتكم انا اذا طلعت لبر على طـول انزل من السياره واي وحده من خواتي اخليها تسوق ماعندنا احد بس في المدن صعبه شوي صعبه مره مو شوي |
القيصر
كلامك عين العقل وربي فديت كل اللي يخافون علينا عشان كذا اخووي يقولي لاتحلمين تسووقين اثاريه خايف علي فديته والله |
نضره وترحل
شسوي ربي القيصر اقنعني بكلامه حسيت معاه حق 100% اكيد هم مجربين ويشوفون اشياء حنا مانشوفها وغافلين عنها بس نبها بالضروره اذا كان ماعندنا احد يلبي لنا مشاويرنا |
القيصر افهمني الجوهره محتاجه لااحد يحتويها ويحافظ عليها وبرضو يتمسك فيهاا" انا معــكـ
والبنت العاقله الي خايفه ع نفسها ماهي مسافره مسافه لوحدها والي تبي تضيع ولاداشره ع قولتك بتضيع وبتصيع بدون سواقه يعني احنا الى متى ضحية ناس طايشه سوى من البنات او الشباب [وربي اني متفهمه كلامك ومحترمه خوفك ع اخواتك البنات .. ولو كنت انا رجل اكيد بقول نفس كلامك يااخوي .. بهالزمن كثرت المصايب ... وخوفك ذا انا مقدرته وفهمه هالشي .] احترماتي لك القيصر وللجمييع فديتكم >يالي تخافون علينا الله يديمكم |
| الساعة الآن 05:50 PM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.