|
{حشمة البنت وحياها والكرامه يلفتــون}
قليل من القصائد التي تجعلنا نُـبحر داخل أبياتـها
إلى أن نغــرق.. وكم يحلو ويطيب لنـا ذلك الغرق ... ! أترككم الآن مع قصيده قد تعجب البعض منكم عند بداية قرائتها لكنـها قد تفــوق ذلك الإعجــاب بمــراحل عند نهـايتهـا ... ! {للامــــــــــانهـ منقـــول } . . كل شبر بهالوسعيـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! مذكـر إنــا ملتقـيـن لا أعرفك من تكوني و لا تعرفي مـن أكـون وإطمأني أن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـا دريتـي مالتشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون وإذا ع البال عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا مانـك تسمعيـن قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع ينزفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون قلت سنّـة هالحيـاة وحـن ترانـا مؤمنيـن الله اللـي مسيّرنّـا بيـن كافـ وبيـن نــون وكل أبونا نختلف مع إننا مـن أصـل طيـن سبحان يلي مصورنا ولله في خلقـه شـؤون يعني حنا كل أبونـا عـاد إسمنـا بنادميـن وليا قضى ربك أمر وقـال لـه كـن فيكـون فينـا يلـي رازقه خيـر رب العالمـيـن وفينا يلي هو لعطفه بحاجة القلـب الحنـون وفينا يلي مـا شكـى مـن علـةٍ كالآخريـن صـمٌ و بكـمٌ و عمـيٌ فـهـم لا يفقـهـون بس قليل عـاد فينـا للنعـم هـم شاكريـن والله يرزق هالخلايق من حيث هم لا يعلمون وتدري عاد يالكفيفة حنا تراى متشابهيـن وإن مانعمت أبصارنا القلوب أهـم إلي يعتمـون يالكفيفة يالعفيفـة إن قلـت آسـف تقبليـن؟ يغفر الله ذنوب عبده ليا خطا وهـل تغفـرون... وسلامتكم |
صح لساانك تركي
كلمااتها رووعه تسلم على القصيدهـ |
قصيده رووعه رووووووعه رووووووعه ,,
مرره ختيييره وربي إبداااااااع , نالت اعجاابي من أولها لنهااااايتها , صح لسان قايلها , وتسلم يدك يا ناقلها ,, يسلمووو يا تركي ع النقل المميز , يعطيك العافيه ,, تحياتي لكـ .. :b41: |
ودر جوري...مفاهيم الخجل
الاروووووووووع مروركم في متصفحي نورتو الصفحــــــــــــــــــهـ يعطيكم العافيهـ..... |
صح لسان قايلها وتسلم على النقل..
كلماتها رووعه واعجبتني,, لاهنت يالغلا.. لكـ كل الــود |
اقتباس:
|
يعطيكم العافيه جميعآ ع المرور
دمتم بخير |
صح لسان قايلها
وتسلم يد ناقلها قصيده رائعه بمعنى الكلمه تقبل مروري // دمت بخير |
مشكووورهـ أختي غـــــــــــــادهـ ع المرور
يعطيكـ الف عافيهـ دمتي بخير |
إنتـي خرسـا أسألـك ولا مانـك تسمعيـن
قالوا ربعي ذي كفيفـة قلـت لا لا تمزحـون صدمه قويه وان بعض الظن اثم وتدري عاد يالكفيفة حنا تراى متشابهيـن وإن مانعمت أبصارنا القلوب أهـم إلي يعتمـون اعجبني هالبيت بقوه والقصيده كلها روووعه وكلماتها قويه وجميله مشكور تركي عالقصيده الرائع |
| الساعة الآن 10:35 PM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.