|
الامس عضو نشيط... واليوم مشرف متميز...وغدا يسلم عليكم طفشان من المنتدى؟؟؟!
[align=center]
أحببت أن تكون هذه المشاركه مشاركتي رقم 4000 بسم الله الرحمن الرحيم بالأمس عضو نشيط..واليوم مشرف متميز..وغداً يسلم عليكم طفشـاااان من المنـتدى..!!!! هذا هو الحال في كثير من المنتديات وهذا هو ما نسميه بالمرض العضال والمتفشي حالياً في ارجاء المكان ندخل في الموضوع على طول....! اخواني الاعزاء الموضوع ومـا فيـه أن افي الآونة الأخيرة بدأ يتفشى في المنتدى موضة جديدة اسمها "" زعلت بترك المنتدى""" ياترى ما هو السبب؟؟؟؟؟ يعنـي أمـس كــان العضو نشيط ومتفاعل ومن قسم الا آخر وماشاء الله عليه مشاركات مميزة ومواضيع رائعـة وطرح جيد... مما كان سبب لترشيحه من قبل الادارة للإشراف أو سبب في اختياره متميز.. المهم الجميع اليوم يبارك له بالاشراف ويدعي له بالتوفيق.. استلم المشرف أحد الملتقيات واجتهد واخلص في عملـة وكـان له نشاط ملمووس ... هــاه وصلنـا عند مربـط الفرس.. وش اللي صــار؟؟؟ وش اللي تغيــر؟؟ العضـو مسيـر على الاقتراحات او الشكاوي أو قسم الترحيب وكـاتب بالخـط العريض ((مــع السلامــة))... طيب ليــش؟؟طبعـاً أنا استثني من هالموضوع الأعضـاء اللي غـادرو المنتدى لظروف قـاهرة أما لمواصلـة دراسـة ولا لسفـر ولا لغيرهاا من الاسبـاب والظرووف.. لو رحـت للعضو اللي أعلن الرحيل وسـألتـه... ياأخ عضوو/هـ: وش السبب ؟؟ ليش تبي تنسحب من المنتدى؟؟ بيجـاوبك على طول ويقول بصراحة الادارة..!! أو من الأسباب اللي فعلا استعجب منها قول البعض.. فلان مايرد على مواضيعي او فلان قاعد لي قعدة.....!!!!!! بالله كم عمرنا حنا...؟؟ وإلى متى نبقى في دائرة الجهل وقلة الادراك يعني بالعربي بيلقي الحمل على ظهر الادارة ويحملهم سبب رحيلـة.. او اي عضو في المنتدى مارد على موضوع له او رد عليه"""بس الرد ما عجبه"""" المهم بيوصل التظلم إلى الادارة والأكثر من كذا وراح يمتلي ظهر الادارة سكـاكيـن..!! انا لا اعني عضو بعينه ولا مشرف بعينه ولا اي مخلوق بعينه انا اتكلم عن واقع ملموس حاصل وجاري وواقع بيننا فلم الانكار والتهرب دون مواجهة الاسباب الحقيقية لهذه الظاهرة والمشكلة ان الاعضاء صاروا يستخدمون هالطريقة كحركة لاثبات "غلاهم" او مكانتهم عند الآخرين اليومـ غائبين وغداً عائدين (استثني اللي عنده ظروف) يعني بالله اين المصداقية هنا .. وكيف للأعضاء ان ينظروا لهذه الشخصية بثقة او احترام الموضوع برمــته رسـالة للي غـادروو واللي في راسهم مشرووع مغادره .. ممكن يكون نقطـة حوار نتباحث حوله عن اسباب رحيل الاعضاء عن المنتدى .. "دَع قلمك يعانق الحرّيه ,فـ[إختلاف الرأي لا يفسد للوّد قضيه].." ودي واحترامي::. جذ1بهـ لحد الأذ1بهـ [/align] |
اختي قطرة ندى موضوعك يستحق النقاش
لكن لاتعليق لانه ماخليتي لنا شي ولكن كل ماذكرتيه صحيح اشكرك وموضوعك مميز لايطرحه الاشخص مميز مثلك يعطيكي العافيه |
[align=center]عوااافي قطووووورة
وهالشي ان دل يدل ع حرصك على المنتدى والاعضاء شكرا لك ع جرأة طرحك لا عدمناك تحيتى [/align] |
جذ1بهـ لحد الأذ1بهـ
أسعد الله مساكـ .. جميلة هي كلماتكـ .. ولاأجمل موضوعكـ . ربما يكون ماقلتيهـ أبلغ مما سمعتيهـ .. ليس لي من تعقيب على كلامكـ غاليتي ,,, ولكن أتمنى من الإدارة الموقره أن تحاول تفداي مثل هذه الأمور بينها وبين العضو ,,, وبالنهاية كلنا أخوان وأهل مكان واحد ,,, ويسلمو على موضوعكـ المميز كما أنت .. وتقبلي مروري ... حمــــــــــــودي |
يعطيكِ العافية قطرة على طرحك الجميل ..
وألف مبرووك الألفية الرابعة ^_^ وبالنسبة لموضوعك ،، أحياناً الشخص فينا حتى في مجال عملة أو في دراستة أو في أي مجال من مجالات الحياة يقل إبداع الإنسان في أوقات .. أكيد هالشئ يرجع لأسباب في حياتة الشخصية هو اللي أثر علية وعلى إبداعة .. لكن هنا تظهر قوة شخصيتة بأنة يتغلب على الصعاب ومايخلي أي شئ يأثر علية ... / :: تقبلي طلتي لموضوعك :b52: |
بصرااحهـ مااعندي شي اقولهـ
بس يسلموو خيتوو ع الموزووع العسلز |
بالله كم عمرنا حنا...؟؟ وإلى متى نبقى في دائرة الجهل وقلة الادراك
.. كل السبب في حضورنا انه عندنا كميه من الابداع نركنها هنا ونرتاح يعني في سلامة الي قاعد لي قعده او ( متربص ) و لك الشكر ومبروك على الالفيـه دمتــي في رعـــاية اللــــه |
[align=center]يسلمو مهاوي على الموضوع
انا فكرت اخذ من الموضوع ابرز الكلمات الحلوه واذا فكرت لازم اخذ الموضوع كله من ابداعك بالوضوع واشكرك مره اخرا على الموضوع الحلو تقبلي مروري لابس[/align] |
اشوف انه مالها داعي المهاوشات الي كذا وهذا تفكير ناقص يعني يترك منتدى بكبره عشان يظن انه احد غلط عليه مره او مرتين نو نو المفروض يتقبل اي شي بصدر رحب والاختلاف لا يفسد للود قضيه يسلمو قطره عالطرح المميز تحياتي |
[frame="12 98"]
بسم الله الرحمن الرحيم [/frame]وأسعد الله أوقاتكم بما يوده قلبكم .............. موضوع جميل ..؟ طبعا جميل وبقوه ويناقش أهم قضايا المنتديات وهي قضية الإنسحابات الملحوظه بالمنتديات ولكن لكل فعل ردة فعل وايضا لكل شيء أسباب تواجده فدعونا نبدأ بسرد النظره المُفربه لهذا الأمر ........... بالبدايه راح أتكلم عن إنسحاب المُشرف اللي كان متميز بوقت كان عضو والله ياعزيزتي قطرة ندى ترا الإشراف برضو مو مسأله سهله الإشراف يبي له مصداقيه وأمانه وثقافه مو بسيطه وقالب معلومات جميل لأن المشرف لابد يكون على وعي أكثر من العضو نفسه فلما يجي أحد الأعضاء المميزين بالمنتدى ويترشح للإشراف من قِبل الإداره طبعا ممكن يفرح بهالشيء لأنه حصل على نتيجة تميزه الملحوظ بس هنا راح يتغير شيء نوعي على تواجده بالمنتدى ماراح يكون مثل ماكان قبل من ناحية التواجد بالأول يدش متى مايبي ويقول اللي يبي بس الحين كلامه صار محسوب عليه نوعا ما .. ولابد يدخل بشكل مُكثف لأنه مسؤل والمسؤل لابد يراعي أمانه مسؤليته !! وبكذا راح يلاقي نفسه متقيد حبتين عن أول وهذا الشيء ممكن يزعجه ولعل بعض المشرفين مايتحمل هالوضع وتطيب النفس من عالم المنتديات كلها وبكذا يلاحظون انسحابه بأقرب وقت يمل فيه وهالنوع نلاحظ انو مافي احد تسبب بإنسحابه سِوا أنه مل من المسؤليه اللي سببت له ملل من المنتدى كله ................ وفيه النوع الثاني ..!! هذا اللي ينسحب واهو عضو .. يعني مو مشرف ولا شيء طبعا لإنسحاب العضو اسباب كثيره مره بداية فيها هي حالته النفسيه !! مو كل عضو تكون حالته النفسيه كل يوم تمام وعال لعال لابد يجي يوم ويطفش ولعل قراراته في هذا اليوم تكون خطيره نوعا ما وفيه أسباب ثانيه يطول شرحها ولكنها مهمه وهي تتعلق بالغرام في المنتديات وهذه النقطه عملت لها موضوع كامل من كتاباتي الشخصيه ولزيادة المعلومات عن هالنقطه تفضلو على هذا الرابط http://www.ahmad9.com/vb/showthread.php?t=12666 ................ وفيه النوع الأهم بِنظري وهذا النوع هو النوع اللي دائما مايكون فيه جدال ونظريات وإتهامات كثيره وهم اللي يقولون ( الادارة..!! ) طيب ياعزيزي الكريم هذا أنا أتكلم وأقول رأيي من أحد منابر الإداراة وليس وجهة نظر عابره أو توقعات مُقربه طبعا مو كل إدارة منتدى تكون على قد من الوعي المطلوب لتحمل المسؤليه لأن أنا شخصيا اعرف منتديات كثير يكونو أصحابها لسا بسن المراهقه وهذا الشيء مايعيبهم .. لكن لعلنا نقول يوجد عندهم نقص خبره إداريه ولعل هذا المدير يعمل شيء من غير القصد ويزعج العضو وبكذا راح ينسحب وهنا تكمُن الخِبره وأهميتها بهذا الجانب لكن أنا راح أتكلم عن المنتديات اللي تكون إدارتها على حد من الوعي الكافي فهي ماظلمت أحد ولا أنقصت من حق أحد ولكنها لاتسلم من الإسائه فلماذا يكون دوما الحِمل على إدارة المنتدى نفسها في إنسحاب العضو ..؟ ليه مايكون العضو يعاني من مشكله نفسيه ..؟ أو انه مراهق وتصرفاته مو محسوبه عليه بل على غيره مثل الإنسحاب ..؟ وليه مايكون يبي يوصل للإداره ولما ماقدر على هالشيء زعل وانسحب ..؟ أسباب كثيره تدور حول هالشي ولكن تبي من يدركها جيدا ولا ننسى الإختلافات في وجهات النظر !! لأنو من الطبيعي يكون فيه إختلافات وجهات نظر مابين الاداره والأعضاء وهذا حال جميع المنتديات بدون إستثناء ولكن ليه مايتذكرو انو الاختلاف بوجهات النظر لايفسد للود قضيه !! فعلى سبيل المثال .. لما يجي عضو في أحد الألعاب ويثقل المزح مع عضو ثاني ويقول له كلمه خارجه عن حدود الذوق وهو يعتبرها عادي هنا يجي دور الإداره انها تنبهه انو هالشيء غلط ولا يتكرر أو يجي شاب في المنتدى ويزعج إحدى البنات في الرسائل الخاصه وكمان يعمل لها مضايقات نفسيه في المواضيع طبعا هو الأخ معجب ومايهمه غير انه يكسبها وبكذا يحرجها بالمواضيع والبنت راح تنزعج وممكن تنسحب من المنتدى بسبب هالإنسان طيب وين حماية الأعضاء بمثل هالأمور ..؟ لابد تتدخل الإداره وتحذف ردوده وتنبهه مايعمل مثل كذا ويكون مثال للذوق والأدب وهنا مربط الفرس في كلامي .. وهو أنو بعض الأعضاء مايعجبه تدخل الإداره في مثل هالأمور ويقول ان الإداره تتدخل في مالا يعنيها وتتحامل علي وغيره من الكلام ويعلن إنسحابه من المنتدى ويجعل الإداره شماعه لإنسحابه واعماله أو تجي بعض الأخوات في المنتدى وتختلف مع إحدى الفتيات بوجهة النظر ولما تتدخل الإداره وتقول الصح .. تزعل المخطئه وتقول الإداره صفت مع فلانه وكمان تعلن إنسحابها والإداره تظل شماعه لإنسحابها !! ............................ وفيه نقطه مهمه دائما تنصب على عاتق الإداره وهو لما تحط الإداره في طاقمها الإداري مسؤلين كِبار كرقابه عامه أو إشراف عام أو إستشاره إداريه وغيرها منو اللي اختار هذا العضو يكون بأحد هذي المناصب ..؟ مو الإداره طيب أكيد الإداره لها نظرتها الخاصه بهالشيء والإداره تشوف الشيء اللي مايشوفه غيرها تجاه هؤلاء الأشخاص وأنا أقول رأيي كمدير موقع لأني أستفيد منهم بأشياء ماحد يعلمها سواي مثلا أرائهم اللي تاتيني بشكل مستمر ..!! أو جهودهم الخفيه بشكل عام طبعا هالنقطه تزعل الكثير من الأعضاء ويعمل فيها فاهم أكثر من الإداره يجي يتفلسف يقول والله الإداره تجامل عضو على حِساب الآخر شوف أنا متميز ووجودي أقوى من فلان أو فلانه .. وهو منصبه قوي وانا لا وطبعا يزعل الأخ وينسحب ويترك المنتدى كله والسبب تفكيره العقيم ياعزيزي العضو ..!! صدقني ماراح تكون افهم من إدارة المنتدى في قراراتها اللي تتخذها فياليت توفر الزعل من هذا الجانب وماتخسر تواجدك لأنك اساسا لك اصحاب وأصدقاء وأسره في هذا المنتدى كيف تتركهم عشان الإداره أو اي عضو كان ..؟ ياليت يكون التفكير أكبر من كذا . . المراقب العام !! غالبا ماتكون إدارة المنتدى تستطلع المنتدى من الأعلى بتواجد مخفي وليس معدوم ..؟ ولكن المراقب العام للمنتدى هو المُكلف في الرقابه بشكل عام والتدخل مع الأعضاء والمشرفين في مشاكلهم وأرائهم ومتطلباتهم فـ عشان هذا الشيء لابد يكون المراقب العام في أي منتدى قد المسؤليه وهذا الحاصل في أغلب المنتديات نجد ان رقابتهم العامه تكون من ناس واعيه ومثقفه وقويه في الشخصيه ولما أتكلم عن دور الرقابه العامه فلابد ان اشيد بالرقابه العامه لدينا { القيصر .. ورد جوري } كثير ما أتكلم مع أصحاب لي يملكون منتديات مشابهه لمنتديات لك عيوني فمن باب المزح بيننا يقول لي عطني القيصر أو ورد جوري وراح اعطيك نصف أعضاء منتداي !! وهذا الشيء إن دل على شيء .. فهو يدل على نجاحهم وقوة حضورهم لأنو بكل صدق وأمانه .. هم قد المسؤليه وفارضين وجودهم فأنا لما يجي لي مشرف أو عضو ويقول رقابتك العامه مو قد المسؤليه ..!! وينسحب أو يترك منصبه عشان هم اعلى منه !! < لاتعليق طيب أنت تظل مجرد ناقل رأيك الشخصي وماعندك خبره إداريه لكن أصحاب المنتديات عرفو قيمتهم وطلبوهم مني ولو كان هالشيء مزح لكن هم فعلا عارفين قيمتهم زين وحبو يبينون لي هالشي بطلبهم ........... والآن راح أتكلم عن آخر نوع من المنسحبين وهم أهل العقول الصغيره اللي يقول فلان أو فلانه مايرد على مواضيعي طيب ياعزيزي .. أنت مو جاي عشان تمتلئ صفحاتك بردود الأعضاء أنت جاي لتثبت حضورك أولا ولتقول رأيك ثانيا ولتقضي وقت ممتع وجميل وقبل تزعل من الناس ليه ماترد على مواضيعك .. روح إبحث السبب ليه مايردون عليك !! والله لما يجي لي عضو وينزل باليوم مواضيع كثيره بس نسخ ولصق ؟ طيب أنت بكذا تُفقِد الهيبه لمواضيعك أمام الأعضاء من الردود عليها أولا عليك التأني في تنزيل المواضيع مو كل يوم نسخ ولصق ثانيا ياليت تختار الشيء المفيد والجاذب للقرائه وإعمل حركات تزين بها موضوعك لكي ينجذب القارء للقرائه ثم الرد زينه في الألوان واعمل له تنسيق جميل وقسمه على شكل نقاط وهكذا وبكذا صدقني راح تلاقي من يرد عليك وهو بإنتظار لمواضيعك بِشغف القرائه .............. همسه بسيطه لأخي الجـ أرحم ـــرح أنت تقول ..!! اقتباس:
ولكن صدقني مافيه أي مشاكل في لك عيوني يكون سببها الإداره لأن إدارة لك عيوني بشكل عام على حد عالي من العلم لما تعمله ولكننا نظل بشر ولا نستغني عن الأراء من أعضائنا الكِرام فلو أنت أو غيرك من الأعضاء له وجهة نظر تِجاه إدارة المنتدى !! نرحب فيكم بقسم الشكاوي والإقتراحات ونكون ممنونين لكم . . بالنهايه أتشكر الأخت قطرة ندى على هذا الموضوع الجميل وإن شاء الله أكون توفقت باللي قلته * .. مودتي واحترامي .. * |
| الساعة الآن 04:17 AM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.