الخياااال
هلا وغلا
ياليت كل الاعضاء مثلك فديتك لبى قلبك
طلبك حلللو واعجبنيي يالغلا
والشاعر خالد الفيصل من افضل الشعراء عندي
من يقول الزين والأمير / خالد الفيصل
اخترت لك هذي القصيده وهي من اجمل ماقرأت واحبها^_*
واتمنى تعجبك
بس ترا زودت على اربع ابيات عاتي؟؟
وهذي القصيده تلبيه لطلب الخيال الغالي
من يقول الزين ما يكمل حلاه =كل شــيء في حـبـيبي اكتمل
الله الـلي كمله واللـه عطاه =مــابقي للزين في خلـي محل
العيون احلى من عيون المهاه =شافهـا قلبي وصفق واحتفل
نظرته من فتنته شعله حياه =والجفون من الحيـا فيها كسل
ساهم رمشـه على الخد وسناه =كن لمـعـه وجنتـه ورد وطل
والشفايا كنهـا جمر الغضاه =تحرس الـريق المحـلى بالعسل
والشعر ليل تقل حمره مساه =اجـعـد حول علـى صدره همل
مايج من فوق متنه ما طواه =لـون شــلال مع المغرب نزل
انطلـق جيده يمـارى في بهاه =فـوق مـياس تعزل واعتدل
بالرشاقه فيه من ظبى الفلاه =لى مشى كنه على الريح انتقل
ريـحته مـن كل زهر منتقاه =والـزيـاده للخـزامى والنفل
صافي مثل المطر فوق الصفاه =بـاسم مثـل البشاير بالامل
جـامع مـن كل زيـن منتهاه =مستحيل الوصف في خلى سهل
كايد مـاهو يلين لمن بغاه =يرتفع عن كل سقطات الزلل
وسلامتكم
اوامر ثانيه حبايبي؟