[frame="8 50"]
لبيه يا صبـح الخـدود و سناهـا
لبيه يـا ليـل الرمـوش المظاليـل
سبحـان ربٍ للضـدايـد عطـاهـا
وشلون نور الصبح في عتمة الليل ؟
فيها وصايف و التناقـض غطاهـا
لا شك فيها تنسجم مع بعض حيـل
مع ملحها طعم الشهد فـي شفاهـا
و مع ثقلهـا فيهـا تغنّـج بتدليـل
ممتنعةٍ سهلـه و صعـبٍ رضاهـا
متواضعه و غرورها زايـد الكيـل
عكس إتجاه الريح تسحـب خطاهـا
تمشي تتل القلـب تـل المحاحيـل
و الله ما ابلغ يـا عـرب منتهاهـا
مهما وصفت و قلت قولٍ بتفصيـل
الزبـده إنـي ميـتٍ مـن غلاهـا
و من غيرها قلبي رفض كل تبديـل [/frame]