[عيوني حزينه]

[align=center]أعلنت لك حبي وتالي إنسحابي
من قلبك القاسي وقلبي جبرته

حبٍ عــفيفٍ وافــيٍ ما يعـــــابي
حبٍ كتمته وسط جوفي وصنته

علَّقت فيه آمال عمري وشبابي
ياما تمــنّيته ويامــا انتـظرته

حبٍ سكن ما بين جفني وهدابي
واللَّـه مــا تتــــصوِّره لو صــفته

لا واعذابي في الضماير سطابي
بيـدي حييــته ثم تالي دفنته

إنـته معــاناتي وسـبةْ عـذابي
وانته الذي فرحي ونومي سرقته

ضحّيت لعــيونك وسكَّرت بابي
عن شوف غيرك والغرام احتضرته

رسمت لك لوحه وصارت سرابي
وبيــّنت لك خافي شعورٍ كتمته

هذي النــهايه يا مسبِّب صـوابي
سامحك ربَّــي في فوادٍ حرقته [/align]