مرحبا دلوعه ..
اول حاجه اشكرك عالموضوع وكويسه الفضفضه الي مايفضفض يختنق ..
ثاني شي اكيد انه الاعتذار تصرف راقي ويدل على ندمك وحسن نيتك .. مع انه مرات تعتذر غصب عنك .. لكن يظل انه تصرف راقي وواعي من المخطيء تجاه الاخر ..
قبول الاعتذار يرجع للشخص الاخر اذا يقبله او لا
وبعدين مرات يكون حجم الخطاء اكبر من مجرد اعتذار باللسان وبس
ممكن انسان يخطيء بحقك ويسبب لك ازمه ومشاكل وبعدين يجي يعتذر وكانه اعتذاره بيحل المشكله
وانتي وقتها تكوني صعب تتقبلي اعتذاره وتعتبريه ولا شي
عشان كذا لا تزعلي من اي احد مايقبل اعتذارك
هذا مو لانه شايف نفسه ملاك بس يمكن يكون الجرح اكبر من الاعتذار ومايقدر يتقبل ,, وهذا طبعا على حسب حجم الغلط الي غلطتيه بحقه وكمان حسب الشخص الي تتعاملي معه مو كل الناس واحد ومو كل الناس يتقبلو اخطاء غيرهم ويمشونها
الموضوع يعتمد بشكل كبير على حجم الخطاء وعلى الشخص الاخر الي غلطتي عليه وهو كيف شايف الموضوع
وغير كذا تلاقيه بعد فتره نسي والموضوع صار عادي حتى لو ماقال انا سامحتك وممكن يتعامل معك عادي زي اول لكن يظل مانسي غلطك وماقبل اعتذارك
بالاخر تقبل الاعتذار اكيد تصرف راقي منك ومافي شخص كامل وسواء الي اعتذرتي له تقبل اعتذارك او لا انتي سويتي الي عليك لكن طبعا لازم تعرفي اذا كان اعتذارك كافي او لا وبعدها تقدري تلوميه انه ماقبل الاعتذار وخصوصا اذا كان زعلان من شغله صغيره ومالها داعي
الواحد لازم يكبر قلبه ويمشي حاله بالدنيا والله لو يدقق ماراح يعيش مرتاح ولا ساعه
يعني خذي الحكمه طنش تعش تنتعش
واسفه عالاطاله
تحياتي