مسـآء الورد .. وأشكر المبدعه دلوعة نجد على الموضوع الروعه وكل الشكر لإختياري اللي أتمنى يكون موفق بإذن الله ................................. _كيف بدات رحلتك(حكايتك) مع المنتدي وكيف وصلت له؟ الحكايه أختصرها بكلمتين ( فكره .. ونفذتها ) _منتدي لك عيوني ماذا يمثل لك؟؟ أحد الأماكن اللي تجمعني بالناس من الناحيه ( الفكريه ) ومن أهم الأشياء اللي أرتاح لها واحبها .. ونصف دخولي للأنتر نت من شان هالمنتدى _هل تفكر في المنتدي وانت خارجه والي اي درجه.......وبما تفكر؟ شوفي يادلوعه .. اوك انا افكر في المنتدى بس مو لدرجة الهوس انو ع طوول افكر فيه يعني مثلا جا طاريه وأنا برا المنتدى أكيد راح أفتكرو لكن شي طبيعي أنا برى المنتدى أعيش حياتي الطبيعيه بعيد عن الشاشه وماخلفها _ما أول شئ تفعله عند دخولك المنتدي....(بشرح لو سمحت)؟ غالبا أدخل كزائر عادي وأشوف الأقسام وكيف مجرى المواضيع فيها وأهم قسم أدخله عند دخولي ( هو الترحيب بالأعضاء ) لأني دائما بإنتظار ضيوف اليوم ليكونو أهل الدار غدا ومن بعدها أدخل بإسمي وأشوف الرسائل الخاصه .. وأنهي الأشغال اذا في شي بالإنتظار .. ومن بعدها أشارك مع الأعضاء _من هم الثلاثه الذي يشغلون تفكيركـ وانت خارج المنتدي؟ * أقسام المنتدى * الأعضاء * سلامة الحروف المكتوبه __من الثلاثه الذي تبحث عنهم وانت في المنتدي؟ لا مافيه شي معين .. هذا منتدى فيه فوق 50 قسم ( فرعي واساسي ) وفيه مئات الأعضاء والاف المشاركات اليوميه كلهم ( محض إهتمامي ) وأبحث عنهم جميع _من الذي يسعدك عند مرورة في موضوع لك ويعلق((يكتب رد)) فيه؟ تبين الجد ولا ولد عمه !! < لا خلها على الجد أحسن والله الجميع بدون استثناء .. لأني أرتاح لكل من في لك عيوني وليس عضوو محدد _موضوع تمنيت ان تكتبه لكنه موجود باسم عضو آخر؟ ياكثرها .. أعضائنا مبدعين وعندهم ذوق راقي ورائع في إنتقاء المواضيع وهناك مواضيع كثيره أخذت من إعجـآبي .. ـ من أي دولة [ منطقة] انت ؟؟؟ الـ K . S . A .. ( نـــجـــد ) _ رساله خاصه الي مين ترسله ؟ أمممممممممم < يفكر أنا عندي رسائل متأخره لسا مارديت على أصحابها فهذي الرساله راح تكون لهم .. ( اعذروني لتأخري بالرد لسبب ضروفي .. لكن لي عوده لجميع المسجات بإذن الله ) _ما هو الشئ الذي يقلق في المنتدي؟ والله كثير يادلوعه .. بس انا ماعتبره في المنتدى < بمعنى منتدى لك عيوني لكن اعتبريه قلق يجتاح كل المنتديات بشكل عـآم أنتي هنا في منتدى يجمع ناس من كل نوع فيهم الكبير وفيهم الصغير .. فيهم المراهق و الناضج .. فيهم العاقل و المناقض فدائما الشخص يتخوف يكتب شي يكون عليه مو له لأنو مو كل أهل المنتدى نفس طبقة تفكيرك وهذا الشيء يسبب تناقضات فكريه وبكذا ممكن تتولد المشاكل الناتجه عن ( إختلاف الأراء ) وكمان فيه التصرفات الصبيانيه هذي لحالها تسبب قلق كبير ولا ننسى التدخل في الخصويات !! _اصعب موقف مرة عليك ولا تقدر ان تنساه؟ للأمانه ماكو مواقف تستدعي ذلك يعني كل المواقف عاديه لأنو بالنهايه لقائنا من خلف شاشه وكيبورد مو على أرض الواقع .. _لحظه مرت عليك في المنتدي ولم تنساها ألي اليوم من شدة الفرح او الحزن؟ اممممممممم < كمان يفكر ^_^ كان هالشي بعد افتتاح المنتدى بـ 4 شهور تقفل المنتدى نهائي وخرب بمعنى أصح وكان ببداية التفاعل ونثر الإبداع وبوقتها غسلت يدي انو يرجع المنتدى < حلووه غسلت يدي ههههه لكن بعد المحاولات اللي دامت فوق اسبوعين رجع المنتدى بفضل الله وهالشي فرحني كثير بوقتها .. _اي القسم التي ترتاح فيه وتحب ان تكون((تشارك)) فيه ...... الأقسام كلها أحبها .. لكن الأقسام اللي أرتاح أشارك فيها معروفه وملحوظ تواجدي المستمر فيها .. واي قسم الذي تبدع فيه؟ ما أبدعت .. لكن أحب أن أصل لدرجة الإبداع وفيه أكثر من قسم سواء تبادل حروف أو أشياء أخرى ولعل قسم التصاميم أشوف نفسي فيه أكثر من غيره _عضو معاك في المنتدي تريد ان تقول له شئ!! الجميع من أعضاء وعضويات آخرى .. ( لاتدع المنتديات والإنترنت بشكل عام ياخذ من وقت عبادتك أو جلستك مع أهلك ) الشي الذي تريد قوله بدون اسم العضو؟ ياعزيزي .. ياعزيزتي الدنيا أكبر من انك تشيل بخاطرك عشان منتديات ومعرفات لايُعرف من خلفها كُن موجود لإثبات حضورك والإستفاده من الأشياء المفيده فقط !! _هل تريد ان تقول شئ قبل ان تغادر؟ أي بخاطري أقول شي أخير وهو للمبدعه ( دلوعة نجد ) < صاحبة الموضوع بدايه جميله وقويه لحضور أجمل في منتديات لك عيوني فكوني هكذا لتكوني من الأروع بإذن الله وموفقه أينما كنتِ اختي العزيزه .. .. مودتي واحترامي ..