.
.
.
صحيح (( حلوة )) بس مافيني غرور
فيني جراءة حاضتنها طفوله
احب صمت الليل واشعاعه النور
وافرح بزخات المطر وبهطوله
واحب اجننهم تفاكير وصدور
واحب اكون الصعد محد ينوله
العب على الدنيا ولااتقن الدور
افشل واحاول لين حزت البطوله
بساطتي ماهي بعيب ولاقصور
وماهمني من قال عني خجوله
صحيح ماني شيخه الزين والحور
اللي تهز الكون عرضه وطوله
بس أنا عندي قلب لوعاش مقهور
يضحك لو ان الجرح يركي حموله
وسط عناد يكره الظلم ويثور
على عقول الظالمين الجهوله
وبداخله تلقى معاناة ومرور
واسرار محكومه بصوله وجوله
صحيح في عمري مطبات وحدود
وماكل شي ناصله بسهوله
هذا (( أنا)) طبعي كذا وانت مشكور
ولكل شخص ياغناتي ميوله
من تصفحي .. ~