[عذب المشاعر]

المشاركة الأصلية كتبت بواسطة سعودي العز

[frame="1 80"]السلام عليكم ورحمة الله وبركاته
هلابك أخوي عذب المشاعر
وابشر من حباب عيوني بجاوب ع الاسئله بكل عفويه
واتمنى اتوفق بالأجوبه

..
..
..
..



س1: هل انت عايش بالحياة والحياة فيها ناس ، أم هاذي حياتك والناس عايشين فيها ؟

أعتقد الأولى أنسب
وأشوف اني ضايع بزحمة حياتهم


س2: هل هناك فرق بين الدنيا والحياة ؟

الحياه غالبا ماتخصني وهي حياتي وخصوصياتي
بس الدنيا هي العالم المجنون الغريب
فهنا أجد بينهم ذلك الفرق


س3: هل كلام الناس يأثر فيك؟ ، وما مدى تأثيره عليك؟

مو كل الناس
مثلا أب .. أخ .. ام .. عم .. محبوبتي .. وهكذا
بمعنى الأقربون لحياتي
ومدى تأثيره علي بمدى قوة الكلام
فمثلا احيانا يجيني كلام من ناس
تمنيتهم يطقوني ولا اسمع منهم هالكلام


س4: منو أكثر انسان تثق فيه ؟ وليش؟

امي ,, فديتها
وبكل بساطه لأني قطعه منها


س5: هل تبادل الناس نفس الشعور؟ يعني اذا واحد يحبك تحبه واذا يكرهك تكرهه؟

لا طبعا
احاول احب الكل واللي مااحبه احاول مااكرهه يعني يكون عادي
بس كره وربي احاول ادخل قبري وانا مابقلبي كره لأحد


س6: شنو المعيار الإساسي الي تحكم فيه على الشخص اذا كان زين ولا مو زين؟

الرجل من ثقله ووزنه لكلامه
والمرأه عد ولا حرج


س7: أختار واحد ( قطوة - أرنب - فيل - أسد - فهد - نمر - دب - غزالة - كناري ) ؟ وليش ؟

اخترت واحد ببالي
والسبب بدووووون سبب
بس حبيته وربي


س8: أختار واحد ( كتاب - قصة - كمبيوتر - تلفزيون - ملعب - مسبح - ديوانيه ) ؟ وليش ؟

فديت قلبك ياعذب بختار ثنين وسامحني
ابي تلفزيون وملعب


س9: منو أسعد ضفدع بدون ماء ولا عصفور بدون جناح ؟

كأنك تقول أحسن طعم الحليب بالشاهي أو طعم الشاهي بالحليب


س10: منو أسرع بالأنتشار فيروس الإنفلونزا ولا سالفه عند امرأه ؟

لو قلت شو اسرع
خبر انتشار انو بكره عيد او سالفه عند المرأه كان صار فيه انصاف اكثر


س11 :تخيل نفسك في بستان ورد والورد حواليك .. وجاك واحد وعطاك هدية ورده .. هل في فرق بينها وبين الورد الي حواليك ؟


طبيعي بيكون فيه فرق
مو أنا كان حولي ورد كثير
اشكال والوان وكلهم يطالعوني وهم متفتحين ومنظرهم يهبل
بس انا كنت أنتظر هالورده مااادري كان حاسني قلبي اني ابيها من بينهم




بالنهايه أعيد شكري لك
واتمنى الاقي تفاعل كثير بالموضوع


إحترامي[/frame]

وعليكم السلام ورحمه الله وبركاته


هلابك ابو اماني وتسلم حباب عيونك يالغلا



والله يعطيك الف عافيه ع الاجابات الرائعه


والتنسيق الاروع لها



منوور الصفحه يالغلا