هـلآ مـآجدونا
تسلم على الخيمه
الله يجزيك الخير..
بالنسبه للصيام بالسفر
الأسبوع الماضي سافرنا على عمـآن المسافه كانت فوق الـ 300 كيلو طبعا سافرنا وكانت معنا وحده كبيرة بالعمر وصامت اليوم كله،،،
المهم واحنا راجعين روحنا بالباص طبعا كانت في مضيفه فـ راحت ولفت عشان تشوف اذا الناس بدهم يشربو شي أو لا طبعا الأغلب كان صايم بس المشكله انه لقينـآ شباااااب مفطرين ولا كمان بيطلبو شاي ونسكافيه ودخنو كمـآن
تخيل الكبيره بالعمر صامت والشباب اللي ما فيهم شي أفطرو بالله ما هاد شي بيقهر..!! وين ضميرهم..؟ مو عاملين حساب لربنـآ وماخدين السفر حجة لحتى يفطرو وأكيد اذا ما عملو حساب لربنـآ ما راح يعملو حساب للناس اللي معهم بالباص وصايمين وتخيل في ناس مسيحيين برمضان بيحاولو انهم لا ياكلو ولا يشربو قدام العالم احترام لكوننا صايمين.. يعني اللي مو من ديننا احترمونا واللي من ديننا ما همهم...!
طالما انكم بتقدرو تصومو ليش تفطرو..! بعدين احنا مو مسافرين على جمل ولا الشمس فوق روسنا،، من تكييف الباص كنا بردانين يعني مو مأثر عليهم بشي..
انا مو جايه أحاسبهم لا انا ما بيهمني أفطرو ولا صامو لإنه هم اللي بيتحاسبو بس حبيت احكي اللي صار واقارن بين الطرفيــن..
بعتذر على الإطـآله