[frame="10 80"]صلااااااااام عليكم << جاكم الطالب
صباح الخير ويالله حيوه يابو مصعب
وش ذا الموضوع اللوقطه ياهو حركه
اكتشفت ان منتدانا به دوافير ع أصول
بس بعضهم عندهم عشق غريب للكرسي ماقبل الاخير
شوف يابو المصعب خلني أشغل السيديات حقات الذاكره
ايه لأن مرحلة البتدائيه يبي لها مشوار عاد اصبر أتذكر
بوووص يابو موووصعب
أنا بالإبتدائيه كنت أجلس بالأول
حتى كنت حبيب المدرسين يعن دافور على أصووول
أحد الطلاب مايحل الواجب << هو اللي يوديه للمدير
عارف عارف انو فيها نذاله بس لعيون الدرجات << دافور من قلب
وكنت بعد أكتب الشرح ع الصبوره بدلا من المدرس
الحبيب كان يجي ينبط ع الكرسي ويقول لي انقل اللي مكتوب
بالصفحه رقم كذا واكتبه بالسبوووره
عاد هات ياوقت وأنا أنقل يروح الدرس كله وأنا بالطبشوره
عاد مير الله يسلمك بانت فيني هالحركات < كانت النسبه حلوووه
عاد الله يسلمك تعرف هالدنيا ماتدوم لأحد
مادامت لهتلر وصدام حسين قبلي < هيه انت شلووون تفكر
طيب شووف بذاك اليوم اللي مابنساه
خذاني أبوي ورحت لمدرسة المتوسط وقال سجلو ولدي عندكم
المهم كشة المدير ماعجبتني لانه كان يخزز فيني وانا مالي ذنب
عاد تعرف ضيف صغير جاي لهم المفروض يستقبلونه بالاحضان
ايه عاد مالك بالطويله
المهم اني سجلت معاهم أقصد التحقة بالمدرسه كطالب
مير اني تغيرت موب ذاك الدافور الأول
كان معي طالبين ياربي سترك يضيعون ديره بأكملها
ياشيخ تعلمت الغياب والتفريك وكل شي منهم
طبعا أماكننا ثلاثتنا أنا وصديقيني الأعزاء كانت ورا
كان فصلنا فيه حلوين وعشان نشوفهم لازم نروح ورا
المهم المدرس يدخل ويطلع واحنا مو يمه
هذي بالكفائه طال عمرك
عاد الثانوي زين وبركه يوم احضر بالمدرسه
كنت غااايب ع طول ويوم أجي كاني ولي امر جاي يسأل عن ولده
أجي درسين ثم أشوف الباب وينه وأمسكه
طبعا مكاني بالفصل كان تحت المكيف
حتى كنت حاط دفتر ع المكيف عشان ينزل الهواء علي < نذل
ايه ياذيك السنين راحت باللي هي راحت فيه
المهم يابو مصعب اللي يطول بعمرك
الحين فات اللي فات وراح اللي راح وماعاد ينفع الصوت
لكن مالي من هالدراسه غير ذكرياتها الحلوه
ونصيحه للي لساتهم على مقاعد الدراسه
أبعدو عن كرسي الرسووب واقصد اللي بالاخير
ودمتم بخير
الـَبـروـآز[/frame]