خآنت آهلها تخونـﮎ !! كذآ تبيع من يشترونـﮎ ..

[نصراويه 11]

بــ تتزوج !! جآوبني بــ تتــزوج !!

ليه سآكت .. سؤالي مُــحرج !!

روح الله يوفقك كنت أدري ..

بخافقك وش قدري !!

عارفه مصيري من البدآيه ..

حبك أعماني عن النهايه !!

كنت مثل اللي يتعآطى الجرعه

بـ خوف و قلق و سرعه !!

لإجل يسكن رجفته ..

ويجمع شتات كلمته ..

يطمن روحه !!

يطبطب على جروحه !!

ويحس بوجوده وينسى

إنه تايه بلا مرسى !!

غبي يتجاهل نهايته بــ ( يموووت )

وحيد .. منسي .. بلا صوت !!

حطيتك على رآسي وسكنتك بعيني

والحين تقول بتفرق الأقدار بينك وبيني !!

خاف ربك وش سويت فيني

تقول مدري بس يقولون .. خآنت أهلها تخونك

كذآ تبيع نآس يشترونك !!

تعرف معدني زين

ما أرضى لنفسي الشين !!

ليه تعمم الأمثــال

وتصدق كلام ينقــال .. !!

المثل هذا صحيح للي تعرفك للمصالح ..

و حبها الكذآب وآضح !!

تبتزك لأجل غايه تبيها

توصل لها ثم ترميها !!

أصابع يدينك ماهي سوآ ..

ولو قويت أنت قلبي ما قوآ .. !!

هذا جزاء الإحسان ..

جحود و نكران .. !!

فهمني قبل تمشي أنت وآعي !!

ولا تتعمد أوجاعي !!

وش ينقصني ؟؟

بعز القيظ تتركني !!

وتروح شهر العسل

ولا كأن شيء بالدنيا حصل !!

وش طينتك وش معدنك !!

وش اللي فيها يفتنك !!

جمال .. آنا بشهادة من شافني زينه ..

أخلاق .. بشهادتك عاقله و رزينه ..

ليه تزيدني غبينه !!

سنين حبيتك فيها ..

دآريت روحك .. سميت عليها ..

كنت أهتم بك وأنت تدرس

و جآي تقول أبي أعرس !!

ما أمداني أفرح إنك تخرجت ..

لفرحــي قتلت ..

ولـ قلبي طعنت ..

وش ذنبي إني بنت !!

فهمني وش المطلوووب !!

أحس قلبي معطووب ..

وش لازم أسوي !!

لأجل أطفي ضوي ..

وقفت جنبك ..

شريت قربك ..

وينه دفا قلبك ؟؟

ليه قل لي ليـــه !!

آدري كلامي مايغير شيء بــ تسويه !!

لكن آنهد حيلي

بأحاول اشفي غليلي ..

لعلي آصبر على شقا ليلي ..

روووح الله يهنيك بعرسك ..

صعب علي آفهم درسك !!

من يسقي بغيبتك غرسك !!

كل شيء بــ يذبل ..

وانت بــ تـرحل !!

وش يعني لو أزعل ؟؟

زعلوا قبلي ..

بنات كثير مثلي ..

ماكتب نزفي لأجل أعاتب أو آلووم ..

يمكن الخطا مو منك من المفهــوم ..

بـ تتزوج ( مبرووك عليك )

والله يصبرني لا جاء طاريك ..

بـ أبكي بس ماهو عليك .. !!

على روح حساسه ..

على نفس تمر بإنتكاسه ..

على مجتمع ينكر أساسه

بـ أسباب عقلي قلبي مات إحساسه !!

وصلت لمرحله عفت فيها الكون و نآسه

صعب أتكيف ..

مع وآقع مزيف !!

أمــر بمراحل تقليديه

تعتمد على المظاهر والسطحيه ..

مايمشي معي أسلوب تكشخي يابنيه ..

لآجل تلفتين الأنظار ..

وتصيرين سوبر ستار !!

وتخطبك ذيك العجوز .. لولدها ..

وتذوقين من الدنيا شهدها !!

بتعرسين .. آووه من قدك لفلآن بتاخذين ..

سآعتها سوي اللي تبين !!

كفايه آسمحوا لي اقول آنهم جاهلين !!

اقدر البس من الملابس أحلاها ..

وآتطيب بعطور ولا أحلى من شذاها ..

وآصير ذيك البنت اللي كل من شافها ناداها !!

ما أقدر أعيش تمثيليه .. تلغى فيني الشخصيه !!

مافي أمل أكون .. زي مايبووون !!

بتقولون هذآ تمرد ..

أهون من أن الروح تستعبد !!

مآهمني كل اللي يقولونه ..

ما أرضى أكون ميني كان يعرضون عليه اللي يبونه !!

المشكله لآجاهم الطيّب يردونه !!

يعني هم أحسن ناس .. مااحد يساويهم !!

اصل وفصل ومنصب .. ماشاء الله عليهم !!

طلعوا من بطون إمهاتهم بفمهم ملعقه من ذهب !!

كل شيء ورثوه بلا تعب !!

ليتهم بس يرجعون للدين .. ويفهمون إن البشر متسآويين ..

مايدرون إن الرسول قال فيما معناه ..

زواج المحبين أفضل حل يراه !!

وهم مسوين زحمه ومشربكين المواضيع ..

و الإسلام بأخلاقه رفيع ..

رجاء لايتكلمون عن الدين !!

وهم بـ الجهاله متمسكين !!

والنتيجه .. حنا ضآيعين !!

للصدف متروكين !!

عالعموم مايضيعنا رب العالمين ..

وقبل أختم كلامي ودي أوضح شيء !!

مو دليل إن الكلام اللي كتبته ينطبق علي !!

الكاتب مرءآه لأحوال نــآسه ..

ابسط شيء يقدمه يشاركهم بإحساسه ..

وأنا من كثر ماشفت دموع سالت من عيون البنات ..

ضاق صدري قلت أكتب لعل الباقين يآخذون درس بالحياة ..

ومايكررون التصرف نفسه !!

لاصار بيجي يوم يعزمها على عرسه !!





والمعذره كاني طولت بالكلام ..

بس ودي احط يدي ع الجرح وأخفف الآلآم !!

وأقول لكل بنت .. فكري وش بيصير على مر الأيام ..

ما أحد معصوم عن الخطا لكن نقدر نعمل بالأسباب ..

ونسد عن الريح باب ..

شيء ماتضمنينه ..

على نفسك لا ترضينه .. !!

وأنا والله ماجيت أعطي دروس .. قصدي أذكر ..

إننا لازم قبل كل خطوه نفكر ..

ومن ترك شيء لله عوضه خير منه ..

ربي قادر يغنيك عنه ..

واللي عنده شيء يحب يحكيه ..

ليته مايبخل فيه ..

كلنا في صـرقعه على قلب واحــد ..

ورب العالمين شــــــاهد ..

بقلم الآخت ^Moon of Kaza^

منقول :21: :21: