جيـث احـث الفكــر جيـت

[اسيـر الحـرمان]

من فيافي ديرتي جيت أحث الفـكر جيـت
ممتطـي مطيـة مـا تخالطهـا الـوسـوم

في شداد الراحلة كم سرحت وكـم سريـت
أطرد الأيـام طـرد النعـام مـع الحـزوم

وكم رضيت وكم زعلت وزعلت وكم رضيت
طاويٍ بطني وأسج عـن الوجبـة وأصـوم

وكم بكيت وكم ضحكت وضحكت وكم بكيت
تقـزر الدنيـا بعـض النواجـذ فالبـهـوم

الزمـان اللـي كوانـي بنـاره واكتويـت
ما حجبت الوجه بالقيظ عـن لفـح السمـوم


اقتلـب وادور الـرزق وبحظـي رضيـت
واقتطع مناكب الأرض ما اسمع مـن يلـوم

اطلب الخيرة ليا اخترت فرجـة وانتويـت
ما يرد المنتوي صوت ذيـب وحـس بـوم

كان ماجاك الولد يجتلـد لـو حـي ميـت
من حساب اللي رمي فالمقابـر مـن لحـوم

عيب اردد ليـت وانـا ولـد واقـول ليـت
منوة من قبلنـا مـا قضـت لحـدن لـزوم








بهـذه الابيــات اكتفـي .. لعـل التعبـير يحـط رحـــاله
وانـزل عنــدكم ... ثـم ارحـل وانـزل وقتهــا معكـــم










ملحوظه ( القصيده للشـاعر خلف بن هـذال )