[.[ افتح قلبكـ ].]

[أفتح قلبك]

السلام عليكم ورحمه الله وبركاته ..


أضع مشكلتي أمانه بين أيديكم .. قبل فوات الأوان ..

صاحبه المشكله .. هي أختي ..

كانت ومازالت على علاقتها مع شاب ..
في البدايه كانت علاقتها معاه سطحيه كانت مسنجر وبس .. لمدة عام كامل ..
كانت علاقتهم تطور شي فشئ ولكن للأسف أنا ماأنتبهت لأن كل اللي كنت أقوله انها علاقه مسنجريه مصيرها تنتهي
اليوم بكرا بعد سنه ..ولكن للأسف ,ّّ!!

تطورت إلى خارج المسنجر المشكله أن أختي كانت نظرتها أن البنت اللي تكلم شاب هذي ماتربت وكانت في جدال مستمر مع صاحباتها حول الموضوع هذا ..

ولكن بعد ماتعرفت على الشخص هذا النظره أنمحت من راسها ؟؟ ..
بعد سنه .. من علاقتهم أنا أضطريت أغيب عن البيت لمده بسيطه تقريبآ اسبوع وأكثر رجعت للأسف أختي متغيره 180 درجه أكتشفت مع مناقشاتي معها حول الموضوع هذا أنها طلعت شريحه بدون إسم وكان اللي بينهم على حسب قولها
مسج وبس !!
ماأخفيكم أنا انصدمت من تصرف إختي .. ولكن قلت يمكن البنت ترجع مثل أول وسكت وماقلت شي ..
بس للأسف سكوتي كان أكبر خطأ سكوتي خلاها تتعلق فيه أكثر وأكثر ..
الموضوع هذا خلا بيني وبين أختي حاجز كبيــــــــــــــــــــــــــر .. حاولت أقرب منها بس عجزت
لأن الشخص ماخذ كل تفكيرها ...
في يوم من الأيام قررت اكلمها وأتناقش معها أبي أعرف ليه وصلت إلى هالوضع المنحط ؟؟؟
بس للأسف عجزت لما رحت أكلمها كانت دموعي تتكلم قبل لساني ..
ولما شافت حالتي إلي وصلت لها.. قالت لي خلاص أوعدك إني إلغي الشريحه ولاعاد أكلمه ..
أنا صدقتها وقلت خليني أعطيها الثقه .. المهم بعد مروور أسبوع وزياده على السالفه هذي ..
لقيت جوالها الشخصي <<رقمها الأصلي >> فيه مسج ولما تجرأت وفتحته لقيته من الشخص نفسه اللي كانت على علاقه معاه .. انهارت أعصابي .. وحسيت إني أخطيت أني كلمتها .. وبدل ماأكحلها أعميتها ..
وألحين ماقلت لها ولاشي ..!!
أحيانا أفكر أقول لأهلي .. بس مثل ماتعرفوون الأهلي صعبه عليهم ولو فيه عقاب بيشمل الجميع وبينظلم الكل عشانها..
مشكله الأهل في الأمور هذي صعب التفاهم معهم ...
وهذا أخر حل أفكر فيه ..
ساعدووووووني ..