*(( تِـ حُ ـملْتٍ كَثٌيًرْ يٌـآ قٌلْـبٍيٌـے ))* كـــــــامـــــلـــه

[`·.آلـحـآلـم`·.]

ޝޝޝޝ…¤_¤…يوم الاربعاء…¤_¤…ޝޝޝޝ
الكل بعد ما رجع من دوامه اخذوا اغراضهم اللي كانت مجهزه من يوم الثلاثاء ومشوا للمزرعه .. وعلى الساعه 3 .. كان الكل موجود .. كانو توهم خالصين متغدين .. الرجال كلهم جلسوا بالثيل .. والحريم بثيل الحريم .. كانت بيان تطالع جوري .. وكان شكلها تعبانه ..
بيان : جوري شرايك تدخلين ترتاحين جوى ..
جوري ابتسمت : لاعادي مرت خالوا مرتاحه هنا ..
بيان ابتسمت : طيب تعالي شوي جوى ..
قامت بيان ومسكت يد جوري ودخلوا جوى .. دخلوا غرفه .. بيان راحت وسكرت الباب ورجعت جلست مع جوري اللي استغربت منها ..
جوري : شفيك ..
بيان : لين الحين ماتكلمين فهد ..
جوري نزلت راسها : ليه ..
بيان : جوري .. والله انك ظالمته ..
جوري رفعت راسها وجلست تطالع فيها : وانتي وش دراك ..
بيان : ادري .. وربي يا جوري انه مظلوم .. وعمري ما شفت واحد يحب وحده كثر ما يحبك فهد .. صحيح كنت اتمنى فهد بيوم من الايام لي .. بس جا اللي عوظني عن فهد نساني اياه .. بحبه لي .. جوري وربي لو تدورين الدنيا وتلفينها وربي ماراح تلقين مثل فهد يحبك ..
جوري : بس هو خانني ..
بيان : طيب بقولك .. وش رايك بوحده خانت زوجها .. وعشانها كانت صادقه معاه وقالت له انها ابدا ماراح تكرر غلطتها .. وعشان هو يحبها ولها مكانه عنده سامحها .. جوري .. هذي حرمه .. وتعرفين خيانة الحرمه ايش .. والله لو احد غيره كان رماها وشهّر فيها بين خلق الله .. بس شوفي الحب الصادق .. بعدين فهد رجال .. ومو يعني كلم وحده انه ما يحبك ..
جوري : بس قالها انه يحبها ..
بيان : بس اللي اعرفه انه قال يحبها زي اخته ..
جوري : هو قالي كذا ..
بيان : طيب ليه ماصدقتيه لان هذا هو الصدق ..
جوري : بيان وش دراك بالسالفه كلها ..
بيان : ماعليك وش دراني .. وصلني خبر ..
جوري : طيب وش اسوي ..
بيان : انتي وش تبين تسوين ..
جوري : ما ادري ..
دق جوالها بصوت مسج .. فتحته ولقته من فهد .. يوم قرته عطته بيان ..
(( فهمني غلطتي وش هي معك .. قبل ما أبعد عن حياتك وأستخير .. ياحياتي أقنعيني وأقنعك .. بالتفاهم والرضا كل شي يصير .. كان في الخاطر فراق ما أمنعك .. عزتي أكبر من الحب الكبير .. وكان في الخاطر غرام يتبعك .. لك عهد مني نواصل بالمسير )) ..
بيان : لا ياجوري .. كله ولا الفراق .. محد راح يتعذب غيرك .. هو رجال يقدر ينسى بس انتي لا ..
جوري صاحت : احبه وابيه ..
بيان : دقي عليه قوليله طيب ..
جوري : ما اقدر والله ما اقدر ..
بيان : ارسلي له مسج طيب ..
اخذت الجوال ارسلت له ..
(( سافرحبيبي مابقى غير تذكار .. تذكارعين للمحبة سهيره .. سافروقلبي من عنا البعد صبار .. مبعد من عيوني وقلبي يديره .. أجامل الضحكة وقلبي على نار .. والجمرفي جوفي تزايد سعيره ..))
فهد قرى المسج مليون مره ماصدق .. قام ارسل لها ..
(( حاكني بأقوى تعابير
" الكــــــلام "
للفرح باسلوب تكفى دلـــــــني.!
وضمني بأدفى مراسيل " الغــــــرام "
ومن شتات الوقت يمك لمــــــني .!
خلني طفل على صدرك " ينــــــام "
غير قــــــــربك يالغلا ماهمني .! ))
بيان ابتسمت لما عطتها جوري الجوال وقرت المسج ..
بيان : حرام عليك .. دقي عليه ..
جوري : ما اقدر بجلس اصيح ..
بيان : افففففففف بتطولين كذا يعني .. دقي اقول ..
جوري : يابنت الناس ما اقدر ..
بيان : جوري يلا عاد ..
جوري : اقولك ما اقدر والله ..
بيان : ياسخفك دقي ..
جوري : افففففففففف .. مدري وشلون خالي مستحملك يالحنّانه ..
بيان : هههههههههههه ..
اخذت الجوال ودقت على فهد .. بس للأسف جواله مقفل .. رمت الجوال على الكنبه ..
جوري : قفل جوال قفله ..
بيان : يمكن خلص الشحن ...
جوري : الله يقطع بليس يعني ماخلص الا الحين ..
بيان : ههههههههههههههههه .. توك ماتبين تكلمينه ..
جوري : اسكتي تكفين بس ..
دق جوال بيان وكان طلال .. جوري طلعت وخلتها تكلم براحتها وراحت جلست بالمراجيح .. جتها لولو وجلست معها ..
لولو : الى متى ..
جوري : دقيت عليه بس قفل جواله ..
لولو : خلاص رضيتي ..
جوري ابتسمت : احبه ..
لولو : ههههههههههههه .. اخيرا .. بس وربي لو تهاوشتوا مره ثانيه لا اذبحك ..
جوري : ان شاء الله ابلا لولو ..
لولو : شطوره ..
جوري ولولو : هههههههههههه ..
جتهم ابرار وجلست معاهم بالمرجيحه : تعبااااانه ..
لولو : بسم الله عليك ..
جوري : سلامتك ..
ابرار : فديتكم .. الله يسلمكم .. لولو ..
لولو : سمي ..
ابرار : يسلم عليك سامي ..
لولو عطتها نظره وقامت وراحت ..
جوري : من سامي ..
ابرارقالت لها السالفه كلها : وش رايك ..
جوري : حلو .. ليه ماقلتي لها انه طلبها ..
ابرار : انتي ماشفتي نظرتها قبل شوي .. اخاف ..
جوري : اممممممم .. بس خلاص لازم تعيش حياتها ..
ابرار : تدرين سامي وش يقول ..
جوري ابتسمت وحطت يدها على خدها : وش يقول ..
ابرار طقتها على يدها : لا تتطنزين ..
جوري : ههههههههههههههه .. طيب تكلمي ..
ابرار : يقول .. هي بس توافق .. وربي لا انسيها اسمها .. وولدها بيكون مثل ولدي واكثر .. بس انا اقنعها ..
جوري : طيب وين بتلاقي واحد بيقول لها هالكلام .. هذي بس نظره بالعيون اجل لو شافها ..
ابرار : هههههههههههههههههه .. عاد لولو الله يصلحها عليها حركات بزارين بيذوب فيها ..
جوري : ههههههههههههه تعلميني فيها .. عشرة عمر ..
ابرار : شرايك نمسك عزوز ونهددها فيه اذا وافقت تركناه واذا رفضت عذبناه لين توافق ..
جوري : هههههههههههههههههههه شريره ..
قاموا الثنتين وراحوا جلسوا مع الباقين .. جلسوا يسولفون .. بعدين قاموا يصلون العصر بعد الصلاة الكل راح ينام .. وطبعا .. رائد وغيدا راحوا يتمشون بالمزرعه ..
≈ بــ .. الغرفه اللي ينامون فيها الشباب ≈
كان مشاري منسدح ويفكر بحاله شوي وجاله مسج ..
(( فجأة وبدون احساس..بين صمت واندهاش .. نطق قلبي وقال وحشتنا يالغالي.. )) .. استغرب مره من الرقم اللي جاه .. قام ودق .. جاه صوت مو غريب عليه ..
مشاري : الووو ..
....... : اهلين ..
مشاري : هلا فيك .. من معاي ..
....... : ماتوقعتك تدق ..
مشاري : مرسله مسج بغيت اشوف بس الرقم من مين ..
....... : لحقت تنسى رقمي يا مشاري ..
مشاري استغرب : من معاي ..
....... : سنه وشوي اكيد بتنسى ..
مشاري تذكر : اسيل ..
قام مشاري وطلع وراح يتمشى ..
اسيل : ايه اسيل اللي دعيت علي لين قلت امين .. بس ابي اقولك ان ربي استجابلك .. امي توفت وابوي طايح مريض والله اعلم بحالنا عقب المصايب اللي جتنا ..
مشاري : مو بس انتي .. من بعد دعائك علي ذاك اليوم .. بأربع ايام بس فقدت اغلى ناسي يا اسيل .. فقد اخوي اللي ماجابته امي .. فقدت دنيتي وفرحتي معاه .. يتمتي ولد مابعد طلع على الدنيا .. رملتي بنت عمتي اللي ماصار على زواجها غير شهور .. وش تبيني اسوي عقب هذا كله .. تبيني اجي لك وابوس راسك ..
اسيل : بس الدعاء اللي دعيته علي مو شويه .. تزوجت وتطلقت ..
مشاري : هـه .. حتى انا تزوجت وطلقت .. الحال من بعضه يا بنت الناس .. ماعلينا .. ابوك وش فيه ..
اسيل : ابوي ماندري وش فيه عقب امي صار ماعاد يتكلم مع احد ولاعاد يستقبل احد .. صار ذبلان .. قافل على روحه بالغرفه ما يبي يشوف احد ولا احد يشوفه ..
مشاري : الله يعينه ويرفع عنه ان شاء الله .. متى توفت امك ..
اسيل : قبل سنه ..
مشاري : الله يرحمها .. وش مسويه الحين انتي .. وش اللي ذكرك فيني ..
اسيل : الشوق يا مشاري ..
مشاري : لين الحين ..
اسيل : لين اموت ..
مشاري : الله يهديك .. مو قلت لك انسي كل اللي كان بيننا ..
اسيل : حاولت انسى .. تزوجت .. كان شايلني على كفوف الراحه بس وربي ماقدرت ارتاح معاه كان كل كلمه يقولها اذكرك .. ماقدرت اخونه طلبت الطلاق .. الكل حاول يصلح بيننا بس ماقدرت وربي ارجع .. لين طلقني ..
مشاري : ما ادري والله وش اقولك .. بس هذي الدنيا وهذي بلاويها .. لازم الواحد يصبر على مصايبه .. وربك اذا حب احد يبتليه ..
اسيل : ونعم بالله .. يلا بس حبيت اسلم .. يلا تامر شي ..
مشاري : سلامتك .. بس امانه يا اسيل اذا احتجتي اي شي رقمي وتعرفينه .. دقي لا يردك الا لسانك ..
اسيل : ان شاء الله .. فمان الله ..
مشاري : فمان الكريم ..
قفل منها وجلس يتذكر كل شي صار بينهم .. ابتسم وراح ينام ..,’,.. على المغرب الكل قام وتجمعوا كلهم مع الجده بالثيل حق الرجال لانه كبير .. والشباب سوو فريقين بيلعبون كوره بالملعب
الفريق الاول (( مشاري ورائد وبدر وماهر ونايف حارس )) ..
الفريق الثاني ((مشعل وطلال وناصر ومنصور وريان حارس )) ..
وسعود جالس مع الرجال لانه مايقدر يلعب .. البنات راحوا يشجعون .. اللي تشجع اخوها واللي تشجع زوجها وانواع الصراخ .. دخلت جود الملعب وماشافوها بس البنات قاموا يصرخون .. وقفوا الشباب ..
رائد : خير ..
تهاني : بنتي بنتي ..
راح ماهر وشالها لانها كانت قريبه منه .. جا مشعل بياخذها بس ماهر انحاش وصار مشعل يلحقه .. جا رائد واخذها من ماهر وراح ولحقه مشعل .. راح منصور واخذها من رائد ..
منصور : مشعاااااااااال .. تعال تعال ..
يوم قرب لها مشعل ..
مشاري : هات بسرعه اوصلها ..
اخذها مشاري وانحاش وصار مشعل يلحقه وهو يركض .. وجود ماتدري بالدنيا بس تضحك .. مستانسه .. والبنات ميتين عليهم ضحك .. وتهاني مقهوره ..
تهاني تصرخ : حرام عليكم بنتي ..
مشاري : انسيها ..
تهاني : عطني اياها يا مشاري ..
مشاري : ههههههههههههههههه لا ..
تهاني : خااااااااااااالييييييييييييي ..
الشباب والبنات : ههههههههههههههههههههههههههههههههههه ..
مشاري ما قدر يمسك نفسه وجلس على الارض وجلس يضحك .. جا مشعل واخذ البنت ..
مشعل : وتضحكين انتي ووجهك .. ترا خاطفينك ..
جود تضحك .. مسكها مشعل وضمها ..
مشعل : هههههههههههههههههه فديتك .. طايره بالعجه ماتدرين وين الله حاطك فيه ..
مشاري قام وجلس يطالع جود : كنها امها ..
التفت عليه مشعل : نعم ..
مشاري طلع جواله وفتح صوره كانوا كلهم يوم كانوا صغار صافين ومصورهم فارس .. سوى زوم على شكل تهاني وعطى مشعل الجوال ..
مشاري : شرايك تشبه امها ولا لا ..
مشعل : نسسسسسسسسسختها ..
مشاري : ههههههههههه يمه خوفتني ..
مشعل : ههههههههههههههههه .. بس تعال اخبر تهاني اول لها كشه .. غريبه هالصوره فريده من نوعها كشتها هابطه ..
مشاري : ههههههههههههههه لا ابشرك .. مخلصين سبعه سبريه و3 ونص علب جل .. 8 قوارير موس .. عشان ركد .. من غير الكتب اللي حطيناها فوق راسها عشان يثبت ..
مشعل : هههههههههههههههههههههههههههههههههههههههههههههههههه هههه .. هي هي هي ما اسمح لك المدام ..

 

 

[`·.آلـحـآلـم`·.]

مشاري : وش عقبه .. عقب ما ضحكت ..
مشعل : ههههههههههههههههههههههههه .. اشوى بنيتي طلعت علي شعرها سايح ..
مشاري : هذي اكبر حسنه فيها .. ولا الباقي نعمه من ربي ..
مشعل عطاه نظره : من زينك ياخي .. لو سمحت لا تسب ..
مشاري طالع جود .. كانت تطالعه وفجاه ضحكة وطلع سنها ..
مشاري : فدييييييييييييييتها ام سن ..
مشعل : هههههههههه لا ابشرك سن ونص ..
مشاري : بعد .. عطني ايها ..
مشعل : لا مافيه .. بتسوي زي قبل شوي .. بعدين تهاني تتقطع حبالها الصوتيه بعدين انا وش اسوي ..
مشاري : هههههههههههههههههههه تكفى يالصوت الشجي ..
مشعل : هههههههههههههههههههه ماقلت لك ما اسمح لك ..
مشاري : ههههههههههههههههه ..
راحوا وجلسوا مع الرجال بعد مافاز طبعا الفريق الثاني .. لان كان معهم ناصر وكان لعّيب كوره ..
ماهر : والله لو نلعب زيكم كان فزنا ..
منصور : انتم غشاااااااااشيييييييييين ..
ماهر : تكفى يالشريف انت .. يعني ماغشيتوا ..
طلال ابتسم بطريقه مضحكه : بس اربع مرات ..
الكل : هههههههههههههههههههههههه ..
رائد : هـه على عدد الاهداف .. ايه خالي واعرفه غشاش درجه اولى ..
طلال : ياخي .. كن ذئباًَ والا اكلتك الذئآب ..
ناصر : صح لسانك ..
طلال : صح بدنك ..
مشاري : والله لو ما هالفاره اللي دخلت كان حنا الي فزنا ..
مشعل : كم مره قلت لك لاتسب بنيتي .. بعدين هي كانت تبي تحكِّم بس محد عطاها وجه ..
الكل : هههههههههههههههههههههههههه ..
رائد : وانتم ليه مخلين عيالكم سبيل .. ليه ماتربطونهم ..
فارس : ماربطناك قبلهم ..
رائد : بس ماكان فيه احد يلعب كوره ذاك الوقت ..
ابراهيم : بس كان فيه كيرم .. كنت من تشوفنا نلعب الله يصلحك تطب بوسطه ..
مشعل : لا بعد ويقول بنتي مخليها سبيل ..
رائد : ذاك كيرم ..
طلال : لا والله ..
رائد : ههههههههههههههههههه .. خلاص قفلوا الموضوع ..
الكل : هههههههههههههههههههه ..
≈ عــنـد .. الحريم ≈
تهاني : فديتك والله حياتي .. سرقوك ..
جود تطالع تهاني وتضحك ..
هيفا : طيب تغير الحركه اعوذ بالله .. محد طلع له سن غيرها ..
رغد : حتى عزوزي طلع له سن ..
جواهر : وين ماشفنا شي ..
مسكت رغد كاس قزاز وجلست تشرب عبد العزيز مويه وصار يطلع صوت .. البنات قاموا يصرخون انهبلوا على صوته .. عبد العزيز يوم شافهم ييصرخون ارتاع وخاف وجلس يصيح ..
الكل : ههههههههههههههههه ..
اخذته امل لانها كانت قريبه منه : حسبي الله عليكم .. روعتوا الولد ..
قامت لولو واخذته وجلست تسكته بس ماسكت .. وقامت تدور فيه ..
فوزيه : قوموا بنات سوو العشا ..
البنات : فيه خدامات ..
تهاني : جايين نستانس والله ماجينا نطبخ ..
الجده : والله مانبي نآكل من خدامات وعندنا بنات كل وحده كبر البعير .. يلا اشوف قوموا ..
الكل : ههههههههههههههههههههههههههههه ..
عايشه : كل وحده تسوي لها طبخه ..
ولاء : واللي ماتبي ..
عايشه : لا بتقومين غصب يلا اشوف ..
ولاء : عمييييمه ..
عايشه : قومي اقول معهم يلا ..
قاموا البنات كلهم .. نصهم بالمطبخ الداخلي ونصهم بالخارجي .. والحريم جلسوا يسولفون .. على الساعه 12 خلصوا .. وحطوا العشا على الساعه 1 .. بعدها جلسوا يسولفون بعدين الرجال الكبار قاموا ينامون .. والشباب جلسوا بالثيل يسولفون .. والبنات طلعوا فوق يطالعون فلم ..
جوري : منادييييييييييييييييييييييل ..
اميره : قومي جيبي ..
قامت جوري وراحت جابت كرتونين وجلست تطالع معهم .. بعدين طفشت من كثر ماتصيح .. قامت وتركتهم .. نزلت تحت وطلعت برى .. كان الجو بارد شوي .. رجعت اخذت لها جاكيت ورجعت طلعت وجلست على بالمرجيحه الكبيره وجلست تطالع النجوم ..
جوري : ياربيه بس والله مابي كل هذا يصير بس احبه وش اسوي ما اتحمل اشوف غيري يحبه ولا هو يحب غيري .. والله احبه واموت فيه ولا ابينا نتفرق ..
جا احد من وراها وحط يده على كتفها : وهو بعد يحبك ولا يبيكم تتفرقون ..
جلست على بالمرجيحه الكبيره وجلست تطالع النجوم ..
جوري : ياربيه بس والله مابي كل هذا يصير بس احبه وش اسوي ما اتحمل اشوف غيري يحبه ولا هو يحب غيري .. والله احبه واموت فيه ولا ابينا نتفرق ..
جا احد من وراها وحط يده على كتفها : وهو بعد يحبك ولا يبيكم تتفرقون ..
قامت جوري بسرعه ولقت فهد واقف ..
جوري : متى جيت ..
فهد : قبل شوي ..
جوري : الحمد لله على السلامه ..
فهد : الله يسلمك .. ( ابتسم لها ) بس كذا الحمد لله على السلامه من بعيد لبعيد ماتنفع ..
جوري كنها ماصدقت .. راحت وضمته وخنقتها العبره ..
جوري : احبك .. والله اشتقت لك ..
فهد يمسح على راسها : وانا بعد يا قلبي .. فديتك ..
جوري بعدت عنه : ليه قفلت جوالك ..
فهد : لاني كنت بالطياره وجاني المضيف وقال سكر الجوال لاننا بنقلع .. ولو علي انا .. كان خليته مفتوح وماهموني العالم اللي بيموتون بسبتي ..
جوري : دقيت عليك ..
فهد ابتسم : ادري شفت مسد كول منك .. ( مسح على راسها ) .. ليه كذا وجهك .. ماقلت لك انتبهي لنفسك ..
جوري : منتبه لنفسي بس ولدك خرّب شكلي وش اسوي فيه ..
فهد ما استوعب اللي قالته : نعم ..
جوري : وشو نعم .. ايه ..
فهد مسكها وشالها : من جد ..
جوري : ههههههههههههههههه .. والله ..
فهد نزلها وضمها بقوه وباسها على راسها : احبك والله ..
جوري : وانا اكثر وربي ..
≈ عــنـد .. البنات ≈
عقب ماخلص الفلم ..
عبير : سخيف ليتني ما صحت ..
ابرار : حتى انا ..
اميره : عبيروه .. روحي عدلي وجهك لا يصجنا ماهر الحين ..
عبير : اميروه مالي خلق اتهاوش معاك ..
اميره : ههههههههههههههههههههههههه فديت العصبيه ..
عبير : سبحان الله ماتجين الا اذا كانت اخلاقي قافله ..
اميره : انتي متى فتحت اخلاقك عشان تقفل الله يهديك ..
هيفا : وين جوري ..
بيان : توها كانت هنا ..
جتهم جوري وهي تبتسم .. مسكت بيان وقومتها وضمتها بقوه ..
جوري : احبك والله .. مره مره ..
بيان : ههههههههههههههههه حبتك العافيه فديتك بس وش السالفه ..
جوري همست بإذنها : توني كنت مع فهد برى ..
بيان : كذابه ..
جوري تبتسم : والله ( قربت منها وهمست لها ) جا .. وقلت له اني احبه واني حامل ..
بيان بصرخه : انتي حامل ..
جوري سكرت فمها والتفتت على البنات تبتسم : هههههههه هبلا ..
البنات : ههههههههههههههههههههههه مبرووووووووووووووووووك ..
جوري استحت مره وحمرة خدودها : الله بيارك فيكم ..
بيان : يعني عيالنا كبر بعض ..
جوري : شفتي مرت خالوا ..
بيان طقتها على راسها : ههههههههههههه تتطنزين ..
البنات : هههههههههههههههههههههههههههههههههههه

 

 

[`·.آلـحـآلـم`·.]

ღღεïзღღ .. النهــــــآآآآيــــــــــــــــه .. ღღεïзღღ



εïзღ๑ஐ۩۞۩ஐ๑ღ مــآآ بعــد النهـــآآيـــه ღ๑ஐ۩۞۩ஐ๑ღεïз


ޝޝޝޝ…¤_¤… بعد 10 سنوات …¤_¤…ޝޝޝޝ

*** تهاني***
مشعل : يلا يا جود ..
جود (11 سنه ) : باباتي ماما تلبس مشاعل تقول شوي بس ..
مشعل : انتي تبين تعيّدين ولا لاء ..
جود : اكيييييد ..
مشعل : روحي استعجلي ماما يلا ..
جتهم تهاني وهي شاليه مشاعل بنتها ..
تهاني : اعوذ بالله مافيك صبر ..
قرب منها مشعل : كل عام وانتي احلا زوجه بالدنيا .. ( باسها على خدها )
دزته مشاعل ( 3 سنوات) : بابا عيب ..
مشعل : انقلعي بس .. صايره رقابه ذي ..
تهاني : هههههههههههههه .. يلا بنتأخر ..
مشعل : نزليها اشوف نزليها .. ارحمي روحك وليدي يغار ..
تهاني : توني على هالكلام ..
مشعل : حتى لو .. الحين بالشهر الخامس ولك كرشه يعني خلاص انتبهي لعمرك ..
تهاني : انشاااااء الله من عيوني ..
طلعوا وراحوا بيت الجده ..

***ليلى***
ليلى : منصووووووورييييييييييييي ..
منصور : عيوونه ..
ليلى : يلا حياتي ..
منصور : طيب يلا .. حمووود .. وش تسوي ..
محمد ( 10 سنوات ) : اسوي زيك ..
منصور : يلا طيب .. ايوا حط الغتره كذا .. امسك يد اختك اشوف .. ايوا يلا .. شوفي الشيوخ شوفي ..
ليلى : طالعين على امهم ..
منصور : شوي امهم وكثير ابوهم ..
ليلى قربت منه وجلست تلعب بأزارير ثوبه ..
ليلى : كل عام وانت بخير ..
منصور باسها مع جبهتها : وانتي بخير فديتك ..
ليلى : من احلى انا ولا انت ..
منصور : ننوستي ..
ليلى : منصووووووووور ..
منصور مسكها وضمها : ههههههههههههههه فديتك .. قد قلت لك مافيه احلى منك بالوجود كله ..
ليلى : الحين اقدر اقولك اني احبك واموت فيك ..
منصور : واول ماكنتي تحبيني ..
ليلى : كل يوم يزيد حبي لك عن اليوم اللي قبله ..
منصور : يلوموني لين حبيتك اكثر من روحي ..
ليلى : انت بس قلي من اللي لامك وشف وش بسوي فيه ..
منصور غمز لها : بعدين اقولك .. عيالك متنحين فينا ..
ليلى : ههههههههههههههههههه .. افلام احم احم على الهواء مباشره ..
عندهم بنت عمرها 5 سنوات اسمها فرح ..

***ساره***
رهف (5 سنوات) : مامتي يلا قومي ..
جا ناصر اللي كان توه طالع متروش وانسدح جنب ساره ..
ناصر : انا انا قوميني ..
رهف : ههههه بابتي يلا قوم .. ابي اروح بيت جده ..
ناصر : آآآآآآهـ يا روح بابتك انتي .. قومي ماما .. قوميها ..
ناصر يأشر على ساره ويغمز لبنتها ( كبي مويه كبي ) ..
رهف : هههههههه حرام ..
ناصر : كبي بس كبي .. صيري قويه زي بابا .. يلا ..
مسكت رهف كاس المويه وصبته فوق راس ساره اللي شهقت وقامت ..
ساره : آآآآآآآآآآآآآآآآآآ.. رهووووف ..
رهف : هههههههههههههههههههههههههههه مو انا والله بابا والله ..
منصور ماقدر يمسك نفسه على شكلها : هههههههههههههههههههههههههههههههههههههههههههههههههه ههههههه ..
ساره : ايه اضحك وش وراك ..
ناصر مسكها وضمها : هههههههههههههههههههههه فديتك والله حبيبتي ..
ساره : ابعد بس .. تحرض بنتي علي ..
ناصر : مو انا هي اللي قالت اكب قلت لا قالت الا قلت انتي وضميرك عاد ش اسوي اذا بنتك ماعندها ضمير
ساره : لاياشيييخ ..
ناصر : ههههههههههههههههه .. ( مسكها مع دقنها وحط عينه بعينها ) احبك ..
ساره حمرة خدودها : وانا بعد ..
ناصر : كل سنه وانتي طيبه فديتك ..
ساره : وانت بصحه وسلامه ..
رهف : انا بنزل تحت عند بدور ..
ساره : لا استني ننزل انا وياك ..
ناصر : خليها تروح ابآخذ راحتي شوي .. روحي بابا روحي ..
طلعت رهف ونزلت تحت .. سلمت على عمانها وجلست بحضن جدتها ..
ياسر : وين بابا ..
رهف : مع ماما فوق ..
ابتهال : ياعيباه .. ومخلينك تشوفين ..
رهف : ايه يقولها كل سنه وانتي طيبه ..
الاء : ليه ماقالها ..
رهف : اصلا ماما توها تقوم ..
ابتهال: الله الله .. وعمي من الصباح يطقطق علينا ذبحنا ..
ابتسام : عادي وش فيها ..
اميره : بدور شيلي بدر ..
قام ياسر وشال ولده ..
ياسر : يعني لازم تخرب عشان تصير انسان ..
الام : ابوه من قبله ..
ياسر : استري علينا يمه الله يستر عليك ..
الكل : ههههههههههههههههه ..
نزل ناصر مع ساره : السلام عليكم ..
الكل : وعليكم السلام ..
راح ناصر لامه وباس راسها : كل عام وانتي بخير يالغاليه .. عيدك مبارك .. عساك من عواده ..
الام : وانت بخير وصحه وعافيه ..
ساره : كل عام واني بخير خالتي ..
الام : وانتي بخير وصحه وسلامه ..
قام ياسر وسلم على اخوه وتعايدوا .. بعدين راحوا ياسر وناصر للمجلس والبنات بالصاله مع الجده .. وبدوا يجونهم عيالهم واقاربهم ..,’,.. ساره عقب فترة علاج طويله جابت رهف .. ومتى درت انها حامل .. بنفس اليوم اللي كانوا بيشبكون فيه لناصر بعد اقناع ساره له .. ماكانت ساره بتقوله بس هو شاف ورقت التحليل بالدرج .. اول مادرى انها حامل راح وقال لامه مابي اتزوج اعتذري من الناس امه زعلت عليه بس بعد ماقلها اني كنت بتزوج عشان العيال والحين ساره حامل سكتت ماقالت شي .. ونفس الشي اهل البنت اللي كان بيآخذها تقبلوا الموضوع .. وانتهى كل شي على خير

 

 

[`·.آلـحـآلـم`·.]

***بيان***
شهد (6سنوات) : فهد اترك شباصتي ..
فهد ( 9 سنوات ) : يع وش هالشباصه .. احد يحط ورد براسه ..
شهد : انقلع والله لا اعلم امي ..
فهد : يمه خوفتيني .. انا الرجال بهالبيت ..
طلال : وانا وين رحت ..
فهد : انت على العين والراس يبه .. بس انا النائب يعني ..
طلال : نائب .. ليه عريف فصل ..
فهد بصوت واطي : يبه لاتفشلني ..
طلال : ههههههههههههههههههه .. ايه صح .. خلاص النائب حقي ..
شوق (4 سنوات ) : وانا بابا ..
طلال شالها : انتي الكل بالكل ..
شوق : هههههههههههه بابا احبك مره ..
طلال ضمها : وانا بعد امووووت فيك ..
شهد : خلف الله علي .. محد يحبني ..
طلال : لاعاد كله ولا شهودتي ..
شهد : ماشفنا من الدلع ..
نزل طلال شوق وشال شهد : هاه شفتي الحين ..
شهد ابتسمت : تلعب علي ادري ..
طلال : هههههههههههههههه .. وين امك ..
شهد : بالغرفه ..
نزل شهد وراح الغرفه لقى بيان جالسه على التسريحه تتمكيج ..
طلال : وربي حللللللللللوه والله حللللللللللوه ..
بيان قامت له وباسته : كل عام وانت بخير فديت روحك ..
طلال : وانتي بخير عيوني .. وش هالزين ..
بيان : عيونك الحلوه يا عمري ..
طلال : تأخرنا ..
بيان : طيب يلا خلاص .. العيال خلصوا ..
طلال : يستنونك ..
قامت بيان وسكرت سوارتها ووقف قدامه : شرايك ..
طلال : قمر الله يخليك لي ..
بيان : بنروح نسلم على اهلي اول صح ..
طلال : لا على طول بيت جدتك الله يرحمها كلهم بيجتمعون هناك ..
بيان : زين يلا ..

***غيدا***
غيدا : رائد وبعديييييييييييييييييييين ..
رائد : طيب عطيني بوسه واروح ماتشوفين وجهي لين تخلصين ..
غيدا : مابي يلا قم عن المرايه خلني اتزين ..
رائد : ليه تصبغين وجهك وربي حلوه ..
غيدا : طيب ابي اصبغ يلا قم رائد تأخرنا .. الساعه 7 ..
رائد : ياربيه طيب ابي بوسة العيد ..
غيدا : خلني اخلص وابشر باللي تبيه .. رح شف عيالك ..
رائد : مابي ..
غدا : بلا دلع ..
رائد : طيب بزعل وبعد شوي تجين تراضيني ترى ماراح ارضى ..
غيدا : انت الحين بعّد وبعدين اعرف شلون اراضيك انا .. هـه هذي امي دقت .. يلا قم ..
قام رائد وطلع راح للصاله وشاف بنته امل وولده فارس ..
رائد : فروس .. امولتي .. مافيه بوسة العيد ..
جوله عياله وباسوه وجلسوا بحضنه ..
فارس ( 7سنوات ) : وين عيديتي ..
رائد : مع بابا فارس مو معاي .. قال لاتعطيهم انا بعطيهم ..
امل (5 سنوات ): ومتى بنروح ..
رائد : يلا بس تخلص ماما ..
طلعت غيدا : وماما خلصت ..
رائد اول ماشافها صفر : ياسلام .. بسم الله عليك الرحمن الرحيم .. وش هالزين .. اقري على نفسك اقري .. غيدا راحت له وشالة فارس وامل عنه وقومته .. ومسكت وجهه وباسته بقوه ..هو جلس يضحك ..
رائد : ههههههههههههههههههه ..
غيدا : الحين اقدر اروح احط روج .. ونطلع ..
رائد : يلا طيب .. هاتي انا بحط لك ..
طلعت غيدا الروج من الشنطه وعطته رائد وحط لها بعدين باسها وطلعوا ..

***جوري***
كانت جالسه هي وفهد يتقهوون ..
حمد (9 سنوات) : بابا يلا ..
فهد : وش حارق رزك انت الحين ..
حمد : تأخرنا ..
فهد : لا تأخرنا ولا الله قاله اركد ا بوي اركد .. لا ينط لك عرق ..
جوري : ههههههههههههه مدري على مين طالع حار ..
فهد : على خاله ..
جوري : فديت خاله انا ..
فهد : ياربيه بس انتي لاتذبحيني .. قلت لك لاعاد تتفدين احد ..
جوري : خلاص خلاص آسفه .. فديتك انت ..
فهد ابتسمت وقرب منها : تحبيني ..
جوري ابتسمت له ووقربت حطت جبهتها على جبهته : اموت فيك ..
فهد : قد ايش طيب ..
جوري : يوووه لو اجلس من اليوم لبكرى اقول ماراح اوفي ..
حمد : الحين وبعدين يعني بتطولون كذا ..
فهد : انت مو ولد انت .. ياخي مكتوب عليك بالحياة شغلتك بس تخرب اللحظات السعيده ..
حمد ابتسم : بعدين اللحظات السعيده .. بروح بيت جدي ..
فهد غمز له : وش عندك هناك مشتب تبي تروح هاه ..
حمد : ماعندي شي ..
فهد : ايييييييييه هالأمّول اللي ذبحتنا ليل ونهار تهاذي فيها ..
جوري : ماكنت تسوي كذا قبله ..
فهد التفت عليها وابتسمت : كنت اسوي اشد منه بعد .. كنت اتمنى مافي رمضان على طول عيد عشان اشوفك واقولك كل عام وانتي بخير .. بس الحين انتي عندي وبأحضاني وكل عيد وانتي احلى واغلى انسانه بالدنيا ..
جوري وخدودها مورده من الحيا : وانت بخير يا اغلى من شافته عيني ..
حمد : باااااااباااااااااا .. مااااااااااااماااااااااا ..
فهد : افففففففففففففففففف .. يلا قومي لا ينبت له نخله براسه .. وين هيفا ..
جوري : ههههههههههههههههههههههه .. هيووووووووف ..
هيفا : سمي ..
جوري : يلا ماما طلعنا ..

 

 

[`·.آلـحـآلـم`·.]

***ماهر***
ماهر كان يطق ويطبل على التسريحه : عبوره يا عبوره .. ياللي كنك شحروره ..
عبيره : شحروره عاد ..
ماهر : هههههههههههههههه مالقيت شي على السجع غير شحروره ..
عبير : ههههههههههههههههههه ..
ماهر : محمد .. حموووووووووود .. حموودي ..
محمد ( 9سنوات ) : سم ..
ماهر : شل ديما بسرعه شلها ..
محمد : ليه ..
ماهر : ههههههههههههههههههههههه .. طالعي وجه بنتك ..
عبير : لااااااااااااااااااا .. ليه كذا يا ربي ليييييييييييييه ..
ماهر : لاتصرخين عليها .. روحي غيري ملابسها ..
محمد : يمه تتمكيج زيك ..
عبير : حسبي الله على بلييييييس .. اف .. كم مره اغير لك يالحماره ..
ديما (سنه) : إلو .. اطّوو .. ( حلو .. احطه ) ..
عبير : لا مو حلو .. ولا شاف الحلا .. طالعه شبح زي بابا ..
ماهر : هـه هـه هـه .. اسمع وحده تسبني .. تقول عني شبح .. بسرعه اعترفوا مين ..
عبير : انا .. ليه ماشلتها ..
ماهر : وانا وش يخصني .. بنتك انتي شيليها ..
عبير : بنتي بلحالي ..
ماهر : لا جايتنا هديه اشتراك جريدة الجزيره ..
عبير : لا ياشيخ ..
ماهر : ههههههههههههههههههههههههههههههه لا تعصبين اليوم عيد .. ( مد يده لمحمد ) .. كل عام وانت بخر يا بطل ..
محمد مد يده وسلم على ابوه : وانت بألف خير .. عساك من عواده يبه ..
ماهر مسك دقن محمد : فديتك والله .. يلا عبّور .. بنستناكم بالسياره ..

***هيفا***
بدر : قولي احبك ولا وربي ما ابعد .. قولي بسرعه ..
هيفا : احبك احبك احبك احبك احبك احبك بس وخر عني ..
بدر فكها : ايه كذا ماتجين الابالعين الحمرا ..
هيفا : اعوذ بالله وش ذا .. كنك .........
بدر : ايوا كني ايش قولي ..
هيفا قربت له وحطت يدينها ورى رقبته : كنك القمر ليلة 15 ..
بدر حط يدينه على خصرها : فديت حبيبتي .. ماعليك زود فديت عمرك انا .. احم شرايك نسحب عليهم ونجلس بالبيت بس ..
هيفا بعدت عنه بسرعه : ايه هذا اللي تبيه .. صار لي اسبوعين ماشفتهم واليوم عيد لازم اروح ..
بدر : ههههههههههههههههههه شفيك كن ماسكك كهرب لاسمح لله .. شوي شوي ..
هيفا : لاتتطنز ..
بدر : طيب يلا بسرعه بروح اشوف عمتي مزنه وش تسوي ..
هيفا : هههههههههههههههههههههههههههههههه بدر لاتقول مزنه .. اسمها جوري ..
بدر : اخر عمري اسمي بنتي على اسم ورده .. بس وش اسوي حكم القوي على الضعيف ..
هيفا : كله ولا جوري .. عاد .. وبعدين تعال من الضعيف عسى انت بس ..
بدر يرمش بعيونه ببراءه : ايه انا فديتني ..
هيفا : ههههههههههههههههههههههههههه .. فديت البريئ يا نااس ..
بدر : هههههههههههههه فديتك انتي والله .. يلا يا ام فيصل حياتي عجلي ..
هيفا : طيب يلا ..
يوم جا بيطلع بدر من الباب نادته : بدر ..
لف عليها : عيونه ..
هيفا : احبك ..
بدر : ابكتبها بالتاريخ ..
هيفا : هههههههههههههههههههههههههههه ..
رجع بدر ومسكها : ماقلت لك نسحب عليهم ..
هيفا : طيب شرايك احط حمرة خدود وروج ونطلع ..
بدر : هاتي انا بحط لك ..
اخذ الحمره وحط لها واخذ الروج بعد وحطلها وسكره ورجعه على التسريحه ..
بدر : فديت قمري انا ..
هيفا : تدري وش نفسي فيه ..
بدر : وشو .؟.
هيفا : ودي ابوسك ..
بدر : هههههههههههههههههههههههههههههههههه .. توها تجي البوسه ياللئيمه ..
مسك بدر المنديل ومسح شفايفها وهي متنحه على حركته ..
بدر : يلا اشوف بوسيني ..
هيفا : لا هونت ..
بدر : هههههههههههههههه قايل لئيمه ..
قربت هيفا منه وهو يضحك وباسته .. قام هو وشالها وجلس يدور فيها ..
جوري دخلت عليهم (4سنوات) : بابا ابي ملاهي زي ماما ..
بدر : هههههههههههههههههههههه وش تبي ذا القزما .. اطلعي برى اشوف ..
هيفا : هههههههههههههههههههههههه لا وملاهي بعد ..
بدر : خليها على نياتها .. تبين ملاهي حياتي ..
جوري : ايه ..
نزّل بدر هيفا وشال جوري وجلس يدور فيها وهي تضحك ..
بدر : تدرين انك ثقيله ..
هيفا وهي تحط الروج : محد قالك شلني ..
بدر نزل جوري : صايره دبدوبه ..
هيفا : كله منك ..
بدر : ماتذكريين يوم اقولك اني احب الرويانه ما احب العصلا الهالكه اللي كنها جايه من مجاعه ..
هيفا : الله عليك يا ولد العز انت .. ولد الملياردير ..
بدر : ههههههههههههههههههه هيوف اعقلي لا اعضك ..
هيفا : هههههههههههههههههههههههه ..
خلصت هيفا وطلعوا .. (فيصل عمره 6 سنوات) ..

***نوره***
نوره : اوكي انا جاهزه ..
محمد : يلا ..
نوره : خلوووووووووووووووووووووووود .. يا حماره ..
خلود (3 سنوات) : مو انا مو انا ..
محمد : ههههههههههههههه حرام خوفتيها ..
خلود : بابا مو انا ..
محمد : طيب حبيبتي تعالي اغسل لك يدينك ..
نوره : ماخربها الا دلعك .. اففففففففففففف .. شفتي وصختي ملابسك ..
خلود : اقولك مو انا ..
نوره : منهو يعني ..
خلود : مادري هو جا ..
نوره : يا سلام هو طار على ملابسك ..
محمد : خلاص نواري .. خوفتيها ..
نوره : طيب حبيبي يلا .. بروح اجيب لها لبس ثاني .. اففففف تعبتيني ..
اخذ محمد بنته وراح يغسل لها ونوره راحت جابت لها غيار ولبوسها وطلعوا .. ,’, .. نوره اخذت محمد اخو لميا .. بعد ماتصالحوا ابوها وابو لميا .. شافها مره محمد وهي تذاكر بالحديقه وبعدها بسنه خطبها تزوجوا .

***جواهر***
عبد الكريم : حلاوتي ..
جواهر : هلا ..
عبد الكريم : نمر اهلي اول هاه ..
جواهر : بس انا كلمت امك امس تقول ان عيدهم العصر .. يعني نروح بيت خوالي الحين والعصر بيت اهلك ..
عبد الكريم : اممممممممم .. اوكيك .. يلا مشينا ..
جواهر : يلا ..
عبد الكريم : لحظه لحظه .. يارا وين غطى الايس كريم ..
يارا (سنتين ) : جوى ..
عبد الكريم : جيبيه ماما مايصير تطلعينه كذا للغبار بعدين يتلوث ويعورك بطنك ..
يارا : بعدين انت تعالجني ..
عبد الكريم : هههههههههههه جعلك ماتحتاجيني فديت روحك ..
جواهر : عارفه وش شغلتك ..
عبد الكريم : ايه فديتها ..
دخلت يارا جوى وجابت الغطى وطلعوا .. ,’, .. عبد الكريم هذا اللي كان مع جواهر بالكليه ..

***ولاء***
كانت مي بنتها ( 8 سنوات ) مشغله المسجل وترقص ..
ولاء : ميوه صكيه ويلا بسرعه الحين بابا بيجي ..
مي : يمه حلو ..
ولاء : وش حلو .. يلا بنروح البيت الكبير واررقصي مع البنات على كيف كيفك ..
مي : يمه شرايك نرقص سوى ..
ولاء : شوي بس ..
مي قامت تنقز : ايه ايه ..
راحت وشغلت المسجل ومسكت يدين بنتها وجلسوا يرقصون .. دخل وليد ومعاه ابرهيم ( 6 سنوات ) ولده ..
وليد : ماشاء الله .. قالبين البيت دسكو ..
ولاء : وناسه دسكوا بدون فساد ..
وليد : طيب شرايك ارقص معكم ..
ولاء راحت له ومسكته وصارت ترقص معاه (سلو) ..
مي تصفق : ايوااااااا ..
وليد يهمس لولاء : بنت خربانه ..
ولاء : ابوها من قبلها ..
وليد : ياسلام عليك انتي يالعاقله ..
ولاء : ليه وش سويت ..
وليد : كم مره لقيتك بالسوق ..
ولاء : وانا بعد كم مره لقيتك تغازل لاتنكر ..
وليد : ههههههههههههه بس هذا قبل لا اتزوجك ..
ولاء : وانا بعد هذا قبل لا اتزوجك ..
وليد : تدرين ..
ولاء : لا ..
وليد : حتى اناما ادري ..
ولاء : هههههههههههه ياخفة دمك ..
وليد : هههههههههههههههههه .. هاتي عيديتي ..
ولاء قربت منه وكنها بتبوسه وعضته ..
وليد : آآآآآي ..
ولاء : ههههههههههههههههههههههههههههه .. افلام اباحيه قدام عيالك مانبي .. خلقه خربانين تبي تخربهم زياده ..
وليد : والله يا ولاء لو تطبع العضه يا ويلك ..
ولاء : ههههههههههههههههههههههه وش بتسوي ..
وليد مسكها وعضها مع كتفها : هذا اللي بسويه ..
ولاء : ههههههههههههههههههه اي ..
وليد باسها مع مكان العضه : قهرتيني ..
ولاء : طيب يالمقهور .. خل نمشي ..
وليد : يلا ..
اخذت عبايتها وطلعوا .. ,’, .. ولاء طبعا اخذت وليد اخو مشعل

 

 

[`·.آلـحـآلـم`·.]

***ابرار***
ابرار : يلاااااااااااااااااااااااااااا ..
رهام ( 6 سنوات) : يلا ماما جينا ..
ابرار : وين اختك ؟.؟.؟
رهام : رناااااااااااااااااا ..
رنا (7 سنوات) : جيت جيت .. ابوي وينه ..
ابرار : بالسياره .. يلا ..
طلعت ابرار مع بناتها وركبوا السياره ..
ابرار : السلاااااااام عليكم ..
نزل النظاره وابتسم لها : هلا بالغلا كله .. هلا حياتي ..
ابرار : هلا حبيبي .. يلا نمشي فديتك ..
مشاري : يلا بسم الله .. بناااتي ..
رهام ورنا : موجودييييين ..
ابرار : مشمش .. دقيت على خالي ..
مشاري : لا والله نسيت .. بس خلاص بنشوفه الحين ..
ابرار : يوووووووووووه تعال نسيت ..
مشاري : وشو ..
ابرار : نسيت اجيب سلة حلاو العيد ..
مشاري : بعدين ..
ابرار : لا ارجع حرام .. من اول رمضان وانا والبنات نزين فيه .. حلاو العيد هذا ..
مشاري : طيب لاتزلين انتي بتطولين .. تنزل رنو .. سريعه ورشيقه كالغزال ..
رنا : ههههههههه احم احم ..
رهام : وانا ..
مشاري : انتي عاد الغزال بكبره ..
رهام التفتت على رنا : انتي كالغزال وانا الغزال ..
رنا : يع ابي اصير شبيهة الغزال مابي اصير غزال .. ماني حيوان انا ..
رهام : وش قصدك وضحي ..
رنا : والله كلامي واضح ماله داعي اوضح ..
رهام : يبه شفها تقولي حيوان ..
مشاري : طيب انتي حيوان ..
رهام : لا انا انسانه ..
مشاري : خلاص ليش تنقهرين ..
رهام : صح ..
ابرار : ههههههههههههههههههههههه ( تمد المفتاح لرنا ) خذي حبيبتي .. تعرفين وينه هاه ..
رنا : ايه ..بس كثير ما اقدر اشيله بلحالي ..
رهام : انزل معها يبه ..
مشاري : انزلي عمري انزلي ..
نزلوا البنات وراحوا يجيبون الحلاو .. لف مشاري على ابرار ..
مشاري : يلا اشوف شيلي الطرحه بسرعه ..
ابرار : اذا وصلنا شلتها ..
مشاري : لا ابي الحين يلا ..
شالتها ابرار : هـه ..
مشاري : بسم الله عليك الرحمن الرحيم .. اللهم لا حسد .. مايحسد المال الا اصحابه .. قريتي على روحك حبوبتي ..
ابرار وخدودها حمراااااااا : قريت ..
مشاري : زين قلبتي .. وينهم الغزال وشبيهة الغزال طولوا ..
ابرار : ههههههههههههههههه ..
جوا رنا و رهام ومعهم الحلاو .. نزل مشاري وحطه بشنطة السياره وركب وراحوا بيت الجده .. ,’, .. ابرار بعد المزرعه بيومين توفى سعود لانه كان مريض بالسرطان بس ماقال لاحد .. وبعد كم سنه خطبها مشاري وتزوجوا ..

***لولو***
عبد العزيز (11 سنه ) : يمه يلا ..
لولو : طيب يلا ..
عبد العزيز : ابوي عند الباب ..
لولو : طيب يلا .. حلااااااااااا .. حلّووووو ...
حلا ( 6 سنوات ) : يلا ماما .. مها عيت تلبس جزمتها وش اسوي ..
لولو : طيب اطلعوا لبابا وبجيكم الحين ..
راحت لولو لبنتها ( 4 سنوات ) : مهاوي ليه ماتلبسين ..
مها : ماما ضيق ضييييق ..
لولو : طيب هاتي اشوف .. اي والله طيب البسي الثانيه ..
مها : انا اقول لحلا بس تقول لا .. غبيه غبيه ..
لولو : هههههههههه طيب ماماتي يلا البسي ويلا دقت ماما شيخه تقول وين مهُّويـِتي ..
مها تبتسم بكل براءه : انا هنا ماما ..
لولو : ههههههههههههههههههههه يلا قومي بس ..
مها : ماما بطنك كبيره وش فيه جوى ..
لولو : قومي نطلع واقولك وش فيه ..
لبّست لولو مها وقومتها وجت بتطلع من باب الفله جاهم سامي ..
سامي : وينك دلوعتي ..
لولو : البس الدعله ..
سامي : يلا يالدعله روحي شوفي توم وجيري بالسياره مع اخوانك ..
راحت مها تركض وركبت بالسياره اللي كانت واقفه بكراج البيت .. مسك سامي يد لولو ونزلها بالدرج لانها كانت بشهرها الاخير .. مسك يدها وصار يمشيها لين السياره ..
سامي : احبك ..
لولو : فديتك حبتك العافيه ..
سامي : كل سنه وانتي قلبي وروحي ..
لولو : سامي خلاص استحي والله ..
سامي : طيب فيني كلام لين قمة راسي وعيالك اعوذ بالله مايخلون الواحد يتكلم ..
لولو : هههههههههههه ..
سامي : فديت هالضحكه .. الله لا يحرمني لامنها ولامن صاحبتها ..
لولو : ولا يحرمنا منك فديتك ..
فتحلها سامي باب السياره وركبت وسكر لها الباب راح وسكر باب البيت ومشوا ..
عبد العزيز : يبه وين ساعتي ..
سامي : معاي .. ( عطاه سامي الساعه ) خل امك تسكرها لك ..
لولو : عطنياها اسكرها يا قلبي انت ..
*لولو اخذت سامي بعد اقناع من اهلها .. لانه كان دايم يجي يكلم ابرار بالمستشفى ويقولها تكلم لولو .. طبعا الموضوع وصل امها وامها حاولت فيها بس مارضت .. لين وصل الموضوع لعبد العزيز ودق على لولو واقنعها لين وافقت وتزوجت .. وهي الحين عايشه عيشه الكل يتمناها .. الله عوضها بفقدها لحمد برجال حنون عليها وعلى ولدها ولا يعتبر عبد العزيز الا ولده وين ماراح اخذه معاه حتى المستشفى .. وهذا اللي مخلي عبد العزيز يقول لسامي (يبه) .. لانه فعلا حسسه انه هو ابوه .. عمره مافرق بين بناته وبين عبد العزيز

 

 

[`·.آلـحـآلـم`·.]

*********************ببيت الجده*******************
كان الكل مجتمع من كبيرهم عبد العزيز .. لين صغيرهم ديما بنت ماهر .. كانوا البزارين كلهم مجتمعن على العجايز اللي يوزعون عليهم حلاو العيد .. والبيت كله صجتهم .. بعد ماوزعوا عليهم الحلاو طلعوا برى يلعبون بالحوش ..
رائد شاف حمد من بعيد ماسك يد امل ويتمشون : فهووود .. شل ولدك عن بنتي لا يدشرها ..
فهد : من زين بنتك عاد .. لها الشرف لو مشت مع ولدي ..
رائد : لاتكفى .. خل الطابئ مستور هاه ..
فهد : احم احم ..
الكل : ههههههههههههههههههه ..
ابراهيم : هاه نايف ريان .. متى نزوجكم ونفرح فيكم ..
نايف (27 سنه ) : لاحقين يا عم ..
ريان (27 سنه ) : اذا بتزوجوني يارا فأنا حاضر اتزوج الحين ..
عبد الكريم : سوري بنتي بتكمل دراستها ..
الكل : هههههههههههههههههههههههههه ..
سلطان ( 24 سنه ) : وين البزارين .. ( طلع سلطان ووقف بباب المجلس وناداهم ..( ياهوووووووووووه تعالو بسرعه ..
جوله البزران كلهم يركضون .. ووقفوا عندهم وجلس يوزع عليهم عشرات ..
هيفا : عمي .. ابي ثانيه ..
سلطان : شف الجشع .. والطمع ..
فهد : عطها ياخي عطها وش وراك ..
سلطان : ورانا مهر ..
فهد : كلمتي يا سرااااق ..
الكل : هههههههههههههههههههههه ..
فهد التفت على مشاري : هاه مشمش ..
مشاري ابتسم : وشو ..
فهد : اكثر انسانه كنت تتهاوش معها وتنرفزها اخذتها وش شعورك ..
مشاري : مقدر ومكتوب ..
فهد : نصيب ..
مشاري : بس تدري احلى نصيب .. تصدق اكتشفت انها مو عصبيه ..
فهد : لا ياشيخ ..
مشاري : بس غاز سريع الاشتعال ..
فهد : ههههههههههههههههههههههههههه ..
مشاري : ماورى ماتحملنا ..
فهد ومشاري بنفس الوقت : تحملت كثير ياقلبي ..
ابتسموا لبعض ..
ماهر : يلا يلا قومو بسرعه كلكم ..
قاموا كلهم ووقفوا مع بعض واخذوا لهم صوره جماعيه .. كانت ولا احلى .. طبعا تبروزة وانحطت بكل بيت .. كانت احلى ذكرى للكل ..
وكانت هذي نهاية النهايه ..



≈ ۝ޝ√ خلف الكواليســ √ޝ۝ ≈
وبكذا انتهت قصتي .. عشت معها احلى ايام عمري .. من يصدق عشت معاها اكثر من ثلاث سنوات .. مع ان المده اللي انتشرت فيها ما اخذت ولاربع المده اللي انكتبت فيها .. حسيت اني عايشه معاهم .. عايشه بوسطهم .. ماكنت ابي اخلصها .. يوم كتبت كلمه النهايه دمعت عيوني .. ماكنت ابي انهيها .. بس خلاص احس طالت بقوه .. كل انسان كتبته كان له مكانه عندي مع انها شخصيات من نسج خيالي .. بس كنت من جد اعزهم .. واحبهم .. داريه تضحكون علي .. ماتتصورون قد ايش تعلقت بالقصه بشكل فضيع .. اربع وعشرين ساعه على الكمبيوتر اكتبها .. ما اجلس مع اهلي ولا اكل زي العالم .. وكثير وربي اترك جمعات وعزايم واجلس عليها .. يمكن ما تصدقون المده االلي انكتبة فيها .. بس جد .. اخذت مني اكثر من 3 سنوات .. كتبتها مره .. ووصلت نصها تقريبا .. وتفرمت الجهاز وانقهرت عليها مره لدرجة جلست اصيح .. رحت لابوي قلت له ابي برنامج استعادة الملفات المحذوفه .. ماتركت منتدى ما دورت فيه .. ويوم لقيته حملته وجلست استرجع .. ويوم استرجعت اشياء كثير جيت احفظ قال لازم رقم سري ولا اكون شاريه البرنامج .. من القهر فصلت فيش الكمبيوتر .. ورحت قلت لابوي ابي البرنامج .. جلس يحمل لي برامج بس ماكانت تنفع .. لين قررت اكتبها مره ثانيه .. الشخصيات بلحالها اخذت مني يوم كامل طبعا افكر كيف احط شكل هذي وكيف شخصية هذاك وطِباع هذي .. يعني انواع تعصير المخ .. كانوا اخواني لما يشوفوني جالسه على الكمبيوتر يقولون متى تخلصين ..واقولهم بعدين بعدين .. << اسكتهم .. بس كنت ابي اخلصها ولا ابي .. ابي اخلصها عشان اللي كانوا متابعيني يبون النهايه .. وانا ماكنت ابي بس لازم تنتهي .. فيه مواقف كثيره بالقصه حقيقه .. سواء صارت لي ولا صارت لناس اعرفهم .. والصراحه اشكر من قلبي كل من تابعت معاي وشجعتني اني اكمل .. وكنت مره انبسط اذا قالوا لي ((**اسمي**)) كملي هالمقطع حلو .. هذا احلى مقطع كتبتيه .. هذا الموقف خطير .. هذا الشخصيه حبيتها .. هذي قهرتني .. وهذي كرهتها .. كنت انقهر لما يقولون لي كرهت هالشخصيه .. كنت احسهم يسبوني انا ما يسبون شخصيه من الخيال .. كنت احاول بقدر المستطاع اني ما اشوه صورتهم قدام القراء .. بس كلن يقول انها مجرد قصه يعني مو صدق .. بس شي بنفسي مابي احد يكره الشخصيات ..... وبعد اقدم الشكر الجزيييييل .. لامي وابوي الي خلوني اكتب براحتي ولا حاولوا يضايقوني .. وطبعا الشكر للي اوحت لي بالفكره .. وحده من صديقاتي عزيزه وغاليه علي (r).. كنت اسولف انا وياها عن مواقف صارت لي قالت شرايك نكتب روايه .. اذكر كانت ايام المتوسط .. قلت اوكي .. كنا مشتركين فيها اثنيناتنا .. كنا نكتبها على دفاتر .. وكل وحده تقرى للثانيه الجزء اللي كتبته .. وكنا مره مبسوطين .. بس بعد فتره الله يصلحها ماعاد صارت تكتب .. لين انا بديت اكتب اللي بالدفتر بالكمبيوتر وصار اللي صار .. بعدين اخذت نفس الشخصيات بس غيرت مضمون القصه الا شي بسيط خليته .. كنت اسرق الكمبيوتر عشان اكتبها .. وكنت احطها بسي دي ولا فلاش واكتبها يا بكمبيوتر ابوي ولا اذا شفت وحده من خالاتي اخذت لابتوبها وكتبت .. كنت انبسط مره لما اكتب .. انسجم مره .. لين مره انسحب الكمبيوتر مني .. ونقلتها للجوال وصرت اكتب << ههههههههه مافيه مفر .. نقلتها لابتوب بنت عمي (m) وكنت بكتب بس ماقدرت .. قرتها وخليت ثلاث ارباعها عندها .. وكل ماكلمتها اقولها قريتي .. تقول لا استنى النهاييه .. قرت منها شوي بس قلت لها لا تقرين لين اخلصها .. وبنت خالي (l) عطيتها اياها بالجوال وقالت اني اقراها وانزل وادعي ربي انها ماتخلص .. لاني عطيتها جزء بسيط منها .. واختي فديتها (r) كانت متابعه لي حرف بحرف .. موقف بموقف كانت اكثر وحده تشجعني من قلب .. << تراها اصغر مني كنت انبسط لما اسمع رايها .. بس وقفت فتره ماتقراها يوم خلصت قرتها كلها مره وحده .. اما الوحيده اللي استمرت معاي للنهايه الله يخليها لي .. بنت خالي (b) كانت معاي لين الاخر .. مع انها ماكانت معاي بالبدايه .. بس مره كانت عندنا بالبيت وقلت لها اقري هالموقف بالروايه .. وقرت كم موقف بعدين قالت بآخذها كامله .. قلت لا الكاتبه ماكملتها .. قالت وش اسمها .. قالت مالها اسم >> كنت توني ماحطيت لها اسم << .. قالت طيب .. قلت لها انا اللي كاتبتها .. حسيتها انصدمة .. بس ابتسمت واخذتها .. وقرتها .. وصرت اشوفها بالايميل وكل ماشفتها تقولي عطيني .. لين مره قالت عطيني بسرعه .. تقول حشى مخدرات .. عطيني راسي يعورني جلست اضحك عليها فديت روحها والله .. الصراحه هالانسانه دقت علي بوقت كنت بهذيك اللحظه بروح امسح نص اللي كتبته واغيره .. دقت علي اظن الفجر وانا خلاص حاطه راسي بنام .. دقت ورديت .. **هلا .. ما امداني اكمل الا انقضت علي قامت تسبني .. وصوتها كله صياح .. **وش فيك .. *انتي حماره .. يعني ماموتـتي الا اللي احبه .. **جلست اضحك .. قمت من فراشي ورحت للكمبيوتر جلست اكلمها وانا اقرى .. اول ماسكرت .. بغيت امسح وفاة حمد بس قلت لا هالموقف من اول ماكتبت وانا مخططه عليه .. وفاة حمد كنت اتذكر المواقف اللي صارت بوفاة جدتي الله يرحمها واكتبها .. كانت اغلبها حقيقيه .. ولحظة الوفاة انا اكتب واصيح واخويي الكبير جالس بالكنبه وراي >> كنت اكتب بكمبيوتر بالصاله << يطالعني ويضحك .. يقول تكتب وتصيح .... وكنت مره رايحه بالطريق للشرقيه .. وكنت معاه بسيارته واهلي بالسياره الثانيه .. بالروحه كنت اقرى مقطع وفاة حمد .. وانا اقرى خنقتني العبره وقلت : مااااات .. قال : يالله ماااات .. قلت : حرام مات اللي بالقصه .. قال : يعني نوقف نصيح .. قلت : مات طيب ...... وربي وربببي انه وقف على جنب بالطريق .. وقال : يلا نصيح .. انا خانقتني العبره وجالسه اضحك .. مدري وش اسوي .. هو ضحك ومشى .. وكنت وربي اتمنى نرجع الرياض عشان اكتب .. حتى اذا سافرنا .. اتمنى ارجع بس عشان اكتبها بالي معاها .. مره كنت عند عماني .. وكنت توني قايمه من النوم .. وكنت توني ما كتبت وفاة حمد .. كنت منسدحه بفراشي مابعد قمت .. اذن الظهر وقمت توضيت وصليت .. وربي اني رجعت لفراشي ولوضعيتي اللي كنت عليها عشان ارجع اتذكر وش كنت افكر فيه واكمل تفكير .. تحسون دلاخه بس وربي هذا اللي .. صار .. احيانا اتذكر موقف والله اقوم من نومي وافتح الكمبيوتر واجلس اكتب لين يدي تعورني .. اذكر مره انحرقت اصابعي وكنت مره مقهوره ليه تنحرق .. عقب ماطابت رحت وكتب موقف يوم تنحرق اصابع غيدا .. شخصيات كثير ماكنت ابي احطها بس مدري وش اللي دخلها بالقصه من الاساس .. مثل ( منصور _ بدر _ مشعل _ وليد _ ناصر _ ياسر _ طلال ) مع اني احس هذولا بذّات سوو للقصه كثير .. بس والله ما كنت حاطتهم ببالي ابد يعني كنت احيانا افكر بشي واروح اكتبه واجي اكتب عكسه تماما .. مثل يوم سالفة تهاني ومشاري .. ابد ماكنت مقرره هالشي .. كنت راسمه لهم ببالي حياة ولا احلى منها .. بس مدري وش اللي خلاني اكتب كذا .. بيان كنت ناويتلها على نيه لاني اصلا هالبنت كانت شخصيتها شخصيه واقعيه والصراحه ابد ماتعجبني .. كان ودي اطلقها من طلال بس مدري وش اللي خلاني ارحمها وارجعها له بارده مبرده << فديتني قلبي ابيض وطيبه :$ .. هذي كانت قصتي الاولى .. وان شاء الله بكتب ثانيه وثالثه ورابعه .. بس ما ادري ببدى فيهم .. ولا متى بنتهي .. هذي بديتها بثالث متوسط عام 1426هـ .. وانهيتها عام 1429هـ .. عاد مدري الثانيه اكتبها بـ 1430هـ وانهيها بـ 1433 هـ .. .. اخيراً وليس آخراً.. شكرا لكل من تابع معاي ولكل من اوحى لي بموقف دون ما يدري .. وكل من شجعني ودعمني معنويا .. الف الف الف شكر لكل عضو رد علي وشجعني بردوده حتى لو كانت بسيطه .. كنت انبسط مره لما اقرى ردودكم .. احس انه فيه ناس تقرى افكاري .. (( التواقه لبارئها - جودي الحب - سأبحر رغم جروحي - ياربيه بس - كيوت دلع - طبعي الخاص - القرصانه - ميعاد - سعوديه انا - قسوه - همسات الطفوله )) وكل عضوا او عضوه تابعوها بصمت وبدون ردود .. << سوري اذا نسيت احد مع ان فيه اعضاء كانوا معاي من البدايه بس اختفوا بالاخير .. وفيه اعضاء معاي من البدايه للاخير .. لاكن كلهم اقدم لهم جزيييييييييييل الشكر على المتباعه .. والردود الحلوه اللي كنت انبسط حيييييل لما ارد عليها .. .. في الختآم .. اتمنى اني كنت خفيفه الظل والتواجد عليكم كلكم .. وسوري لو غلطت على احد بكلمه دوووون ما اقصد .. ولا قلت كلمه ما اعجبتكم ولا كتبت موقف موحلو ولا اعجبكم .. بس بالاخير تبقى قصه من نسج الخيال ...... (( لم أشعر بتلك الدمـوع التي انحدرت على وجنتي حين حان وقت وداع من أحببت فيا ويلتي عصفت بي أهازيج الفراق و كسرت شوكتي و قلدت شراييني أصفادا و كان منها علتي تجنبت أن يلتقي بصري بمن دانت لهم محبتي متخوفا من فتح المجال لتذرف دمعتي ولكن القدر أبى إلا أن يعزف روتينه العاتي فبعد اللقاء يفترق خلاني و من لهم مودتي كأن قطعة من جسدي اقتلعت وكان منها ميتـتي ((>>ثلاث سنوات<<)) شربت خلالها المحبة مع صحبتي لم أبغض شخصا ولم أغضب أحدا كأنه من أسرتي وشعرت بحبال الوئام تربطني بهم فيا فرحتي ووجدت الألفة تغلف كياني مما زاد مسرتي فيا رب خفف من وقع الفراق على صحتي فأنت تعلم أني لا أملك سواها فهي كل ثروتي))<< للأمانه مابين القوسين منقول .. بس اعجبني وحسيته يحكي عني وحطيته ...

مع تحياتي لكم جميعا .. محبتكم ).. جنون الشوق>r< .. << ( لو اقدر اوقع كان وقعت .. ..


النـــــــــــــهايه

 

 

[ماردينا]

وااااااااااااااااااااو
الحااااااااااااااااااااااااالم القصه طووووووووووويله مررررررررررررررر بعدينه اقراهاااااااااااا ومشكووووووووووور

 

 

[مي الحربي]

القصة حدها روعه

تسلم ايديك على القصة