لآتشتكي من جور الايآم لنآس

[ترانيم عشق]

× مــــــــــــــــهــ ــــــــــــــــا×

كنت مااسكه نفسي بصرااحه لاابكي ..شكلهم مره كان مؤثر ..نوال كانت تبكي بحرقه ..كانت مره مشتااقه له ...ولحضنه الدافي الحضن ايل عوضناا عن قسوة ابوونااا عليناا ..حضن يحسسك بالامااان والحماايه ..
قلت بلهجة فيها غيره وااضحه بصرااحه : يااعيني عليكم ولا روميو وجوليت
نوال قالت لي باسلووبهاا القديم : وش حاارق بصلك انتي
قلت لهاا واناا اسحبهاا من حضن صقر واحضنه بدالهاا : اخووي واغار عليه
نوال دفتني : واخوي اناا بعد
سألته بغيره : اعترف منو تحب اكثر ؟! بيني وبينكم اعرف انه يموووت على نوااال
لكن الصقر خيب ظني وماقال اسمهاا الا سحبني جهته وصرت اناا ونوال بحظنه : انتوو حيااة الصقر
ورن بهاللحظه موباايل الصقر




× فــــــــــــهد×

كلي شووق لشووفتهاا الصراحه ..مو قاادر اصبر اكثر ..يانااس تخيلو ماايفصلني عنها الا سوور
دقيت ع الصقر : مرحبا صقر
الصقر: هلاا فهيدااان
قلت له بعتب : فهيدان بعينك يالشاايب
ضحك : خخ اشوف طلع للبزران لساان
قلت له : بزر بعينك قول امين
الصقر : ناس يقوولون لك بعينك انت ان شاء الله
قلت له : قوول لمهاا ماايخصها خليها بعيج
قالي : ومن قال انهاا مهااا
انصدمت ..معقول نوال ؟!! الصقر يكلمها ؟!! : نوال؟!!
قالي : هي انت لاتجي باسم كريمتي ع لساانك
قلت له : مالت عليك ترااهاا حرمتي اذا انت نااسي
قالي : لا مو ناسي .. اخلص وش تبي متصل
قلت له : ابي اجي اعيد عليك
قالي وهو يضحك : خخ لا ياااباااباا ومنو الي كنت اصلي جنبه ؟! لايكون خيالك بس ؟!
قلت : اووف منك ياااخي ابي اعيد على حرمتي عندك ماانع
قالي : لادواااس
قلت له : اشوف الغزاله رااايقه مره
قالي: اللهم لاااحسد .. المهم اللحين بتجي ؟!
قلت له : اكييييييييييييييييد جهزو لي القهوة والشوكلااته لو سمحتوو
قالي : انيت جاي تبلع ولا تعيد

 

 

[ترانيم عشق]

قلت له : افاا ياابن الذيب ماهقيتك بخيل
قالي: مو مصااحبك اكيد بكوون زيك
قلت له : اللحين حرمتي تسمعك وانت تهزئني
جاوبني : ايه نعم ومتشققه ضحك ع خبااالك
قلت له : مالت هذاا بدل ماتفزع لي
سمعت صووتهاا : مالت على وجهك قول اميين
هني عرفت ان الاسبيكر مفتووح : مالت عليك قفل السبيكر ياالعملاق الاخضر
سمعت صووت ضحكهم العاااالي ..قلت له : سايبني اخبص وانت تضحك
قالي : خلها تعرفك على هبلك
قلت له : انا جااي في اماان الله
قفلت منه وتنهدت .. تعرفني ؟! هي ليتها تتقبلني بالاول ياااصقر
طلعت من الحديقه .ورحت جهة بيت عمي



× ســــــــــــــــــر اب×
دخلت غرفتي واناا ضااامه شاادن بحضني جلست عالسرير وصرت ابكي .. ابكي بقهر ...بحرقه
ليه النااس تجرحنااا وتتفن بجرحناا ..واحناا نقب اصابعنا العشر لهم شمع ..ليه ياايمه ليه ؟!
ليه يااارااكاان ؟! حرااام عليكم ..حراااااااااااام
ضميت شاادن بقوة اكبر ..محد بيااخذهاا مني محد بيحرمني منهااا مستحيل ..شادن تضاايقت : مااماا يعولني
تركتهاا ومسحت ع شعرهاا ..صاارت تمرر اصابعها الصغيره وتمسح دموعي : ماما ليه تبكي ؟!
قلت لها وانا امسح دمعتي : ولا شي يااقلبي ..روحي العبي
طلعت شادن من عندي ..قفلت البااب بالمفتاح علي ..ورحت جهت دولاابي
كاان عندي ظرف مخبيته بمكان محد يعرفه .. طلعت الظرف ..وبديت اقلب بمحتويااته
كل شي بالظرف كان يألمني ...شفت صورة ماجد اخووي مع ابووي كانت ماخوذه يوم تخرج ماجد من الجامعه
صور لطفوولتي ..شهادة وفاة ابووي ...ولادة شاادن ... صورته ..حبيبي سعوود
ضميت الصووره لصدري .. وانا احس كأني اضمه هووو .بكيت بحرقه ..عمري مااانسيته ..عمر طيفه ماغااب عن بااالي .. يزوورني بااحلااامي .. اسوولف معااه بخيااالي .. من يقوول انه ماااات من يقووول
هوو بحناااياا القلب .. بمجااري الدم ...ليه ياااسعود يبون يحرموني منك؟!! ... ليه ياااسعود يبون يلغون وجودك بحياااتي ؟! احد يسعود يلغي وجود الشمس ؟! احد يعيش بلياا هوى ؟!
سمعت صوت فرح وهي تناديني من ورى البااب : عمه سراااب ...عمه افتحي الله يخليك
قلت لهاا : فرح لو سمحتي ماابي اكلم احد
نادتني : عمه الله يخليك افتحي البااااب حرام عليك ..وبدأ صوتهاا يرتجف بفعل البكاا
رحت وفتحت لها الباااب لاني اعرفها حساااسه وبتسويلي مناحه مالها اول من تالي

 

 

[ترانيم عشق]

الجزء الخامس
جيت البحر قام البحر يحتفي بي
والموج يتراقص طرب يوم جيته
جيت اشتكي له هالزمان ونصيبي
فوق الهموم جروح قلبٍ مميته
قال السبب..! قلت السبب زود طيبي
قال الثمن..! قلت اش بقا ماعطيته
قال الجزاء..!قلت الجزاْ مادريبي
قال الوفاء..!قلت الوفاء راح صيته
قال النتيجه..!قلت شخص غريبي
×...نـــــوال .... ×
طلعت لغرفتي مقهووره منه ...عليه بروود يعل القلب ..ماني قاادره اتحمله مااني قاادره اتقبله بحيااتي
جلست على كرسي تسريحتي وبديت اخلع بنااجري بعصبيه لدرجة عورت ايدي مع السحب
...اخ حتى البناجر تعاندي ورميتها بعصبيه على التسريحه صرت افرك يدي احاول ازيل الاحمرار والشعور بالحرقة ...لمحت جرح بيدي ..جرح يعيد لي كل الذكرياااات ..ذكرياات تمنيت ادفنهاا ...امحيها من سجل ذاكرتي ..لكن معقول الانسان يقدر ينسى كل شي؟! يمحي باختيااره احداث عمره ؟! وان محاهاا وش رح يكون ؟! جسد فااضي ؟! بلا مااضي؟! معقول نقدر نعيش من غير ذكرياات نحن لهاا ؟! او حتى ننفر منها؟!
مررت اصااابعي على الندبه العرضيه كاانت بمنطقة الرسغ اول مالمست اطراف صابعي الندبه حسيت بألم كأن أصابعي فتحت الجرح من جديد ...رجع ينزف ...غمضت عيووني اسمح بهالحركة لدمووعي تنزل
تنهدت بحسره واناا اتذكر ذااك اليوووم زييين ..
تذكرت قبل سنتين تقريباا شلوون بلحظه حسيت ان كل حيااتي انتهت ...شلون ان الموت بالنسبه لي
كان هو الحل الوحيد لمشاكلي ... العلاج الوحيد للألم الي اعيشه ...الصرااع الدااخلي ... كان هو طوق النجاه من نظرااات الكره .. الاحتقاار بعيوون صقر ... نظراات الحسره بعيوون مهااا ..و نظرة ..نظرة مااكنت افهمهاا كانت نظرة بعيوون فهد .. كنت اضعف من اني اتحمل ..قررت انهي حياااتي ..دخلت غرفتي فتحت درج تسريحتي سحبت المقص بايد مرتجفه ..خذيت نفس عميق اصاارع به الخوف ..وبحركه سريعه مررته على رسغي شفت الدم ينزل كان كثير مااهتميت ..حسيت بدووخه ...ماادري وش صار اخر شي كنت اذكره صوت قواارير العطر وادوات الزينه الي طااحت ع الارض بفعل ان نص جسمي مع راسي أنرمى على التسريحه
صحيت واناا بالمستشفى ...ماكنت فاايقه كثير ... تقريبا نص صحياان ..شفت فهد واقف مع دكتور
فهد للدكتور : خالد معليه لمهاا انت تقدر
الدكتور : فهد وشلون المهاا انت تستهبل هذي محاولة انتحاار وفيهاا تقرير شرطه
فهد : خالد تكفى ترى هذ سمعتناا
الدكتور : فهد البنت لو رجعت تحاول الانتحاار ؟!
قاطعه : مارح ترجع صدقني احناا حاليااا نمر بظروف صعبه امهاا ميته من فتره قريبه ونفسيتها تعباانه
الدكتور : توعدني تعرضونها ع طبيب نفسي ؟!
فهد : اكيد بنعرضها
الدكتور : خلااص اناا رح الم الموضووع
وطلع من عندي ..ودخل ورااه مهاا والصقر ...مدري وش كانو يقولون او حتى يسوون لان الدووخه رجعت لي من جديد فغمضت عيني ونمت
هزيت رااسي انفض عنه هالذكرى المووجعه ..

 

 

[ترانيم عشق]

... راكـــــــــــــان ...×

طلعت من البيت رااايح اقابل الشباااب ..قاابلت بنص الحوش ام ريان او منيره صديقة عمتي سرااب
ام سعود : هلاا رويكن
فتحت عيوني : رويكن ؟! خاله شوهتي الاسم
ام ريان : تخلخلت عظامك قول اميين ...وش خالته ..تراني بعمر عمتك سراب
ضحكت : اناا عاارف
قالت لي بعتب : ودامك عاارف ليه تقول يااخاله اووف منك تعل القلب زي عمتك
قلت لهاا : ان مافتنت عليك
جاوبتني: ماايهمني اذلف اشووف
ضحكت : ههه باذلف ..لكن وين ابو ريان ؟!
جاوبتني : رااح يسير على ناس من جماعته ... الا انت وين رايح
قلت لهاا : وانا اقول فرووح ليه ملقووفه طالعه عليك
جات تبي تخبطني بشنطتهاا ...لكني طلعت بسرعه وانا منفجر ضحك عليهاا
يمكن البعض يستخرب من طبيعة العلاقه بيناا وبين ام رياان ..اناا اعملهاا بالضبط زي عمتي سرااب ..كانت معااناا دووم بحزننا قبل فرحناا حتى زوجهاا رجال ولا كل الرجاال
وصلت بيت مطلق لقيت الشبااب ينتظروني برى ...
راشد : كان تأخرت شوي عمي راكان
ضحكت : ههههه كلها عشر دقاايق
تركي : اقوول العشر بتصير نص ساعه خلوناا ندخل نسلم ع الرجال وبعدين نروح لاشغالناا
طقيناا الجرس وفتحلنااا ...ابوه دخلنا المقلط ...وجلسنااا
طبعاا تروك ورشوود وحتى مطلق كلناا ننتمي للطبقة الكادحه زي ماايقولوون ...يمكن فقرناا يختلف من شخص لاخر ... رشوود لقا نفسه مسئول عن امه واخواته من بعد ماابوهم انرمى بالسجن بتهمة حيازة المخدراات ... اماا تركي حالته الاردى بيناا عاش يتيم ..ماله الا عم واحد وهالعم رغم فقره وكبر سنه الا انه مارمى ولد اخوه اليتيم وتركي من انشد عوده وهو يشتغل ويكد على نفسه ويساعد عمه بالمصاريف خصوصاا وان عمه من كم سنه صاار عاجز من بعد مااجاته جلطة اما مطلق فنوعاا ماا هو اللي حالته ارحم مناا وبينا يعتبر الاغنى ههه مطلق الولد الوحيد بين خمس بنااات .. ابوه مراسل "ساعي "في وحده من الدواير الحكوميه طلع ع التقااعد هالسنه ومطلق يشتغل ويسااعده بالمصروف ..اللي مخلي حالته احسن مناا هو بيتهم الي نوعاا ماا حالته احسن بكثير من حالة بيتي اناا وتروك ورشود صحيح ان كلها بيوت شعبيه الا انهاا عندناا تسوى قصور يكفي انها ملكناا ..اووو نسيت اقولكم عن زووبه اوف اقصد ست الحسن والدلاال ..لوليتااا ...
لوليتااا هااذي ياطويلين العمر حلاالة الازماات والنكبااات ...غير كذاا انهاا هي وسلة رفاهيتنا الوحيده
لوليتا هي كرسيداا موديل 87 بيضاا ...صحيح حالتهاا بل بالبلااا لكن بالنسبة لناا ولمطلق خصوصااا تسوى bmw الحوت
دخل مطلق وهو مستند ع عكازاته : حيالله الشبااب
كلنا : يالله حيه
ساعدناه ع الجلووس
تركي يتمصخر : وش فيك ياابعد حيي
مطلق: ترووك رووق
تركي : وش فيك يااخوي قول وفضفض.. طقتك ؟
رشوود : هههه تركي بسك حراام
مطلق : منوو ؟!

 

 

[ترانيم عشق]

اناا وانا اضحك على غبااء مطلق وحركات تركي الي تضحك : الحرمه
مطلق: تهبي واناا ولد ابوي
تركي : شوي يااقلبوو لاا يطق لك عرق
راشد : الي يسمعكم يقول الحرمه موجوده فعلاا
تركي : من اللي داعيه عليهاا امه بليلة قدر
مطلق يرفع عكازه : وبعدين مابترووق انت
انااا : تركي خلاااص الولد تعبااان
تركي : حاضر يااامعلم
دخل ابو مطلق علينا بيده القهوة ... قمت وخذيت منه الفناجين والدله
ابو مطلق : حياااكم الله يااعياالي
كلناا : الله يحيك يااعمي
جلس معانااا ..عشر دقاايق وبعدهاا طلع ...احنا ماطولناا عند مطلق واستأذنا
مطلق : بدري شبااب ..خلكم للغذا
تركي : وش طاابخين ؟!
خبطته : ياشيخ بسك فضحتناا
تركي: اووف الولد عازمنااا
رااشد : هذاا من بااب الذووق يقولك كذا مو عزيمه صدق
تركي لمطلق : صدق طلووق
مطلق يضحك : ههههههه
تركي ويسوي مالت : مالت على ذا الوجه
قلت له : بس خلااص انا بعزمك ع الغذاا بس ترى ميزانيتي مااتسمح عن سندوتش بيض وقاروة ببسي
تركي : مشكور مااقصرت ...لكن اذا هذاا غداااك مالناا حاجه فيه الله يخلي رويشد
راشد : سووري انا بيتي كله نساوين ماادخل رجال غريب عليهن
تركي : وانااا جاي اخطب ؟! جااي اتغداا
انا ومطلق: ههههههههههااي
قلت له : خلاص ترووك ولا يهمك تعال واتغداا عندي
تركي يتأكد : اكل اكل موو بيض ؟
قلت له : ايه اكل اكل تطمن
تركي : الحمدالله
قلت لرشد ومطلق: تعالو انتو كمااان
مطلق: داام عزك يااتركي انت شاايف وضعي مااقدر اتحرك
قلت لرااشد : وانت رشوود ؟!
رااشد : سوري انا ماتهنى لي اللقمه بلى عجوزي
جاوبته : الله يديمها فوق رااسك
تركي ويطالع بساعته : شباااب مشيناااا ..ترى بنتأخر ع الشغل
قلت له : مو كأنك انت الي مأخرناا
× ...... ســــــــراب ...... ×
دخلت علينا منيره ..رفيقت الدرب ... وريحة الغوالي
رحبت فيها : هلاا وغلااا بمنوو
منيره : هلاا سوسو اخباارك يااقلبي
امي : منو سوسو وش ذااا ؟!
ضحكنا وانا اخذ عباة منيره : يمه ندلع بعض

 

 

[ترانيم عشق]

امي : عيب عليكن نسواان وش كبرن تدلعن وش خليتن للبزران
فرح : عااااشووو عليهم
عطتها منيره نظره : فرييح ليه ماتسلمين لايكون مبيته معااك امس
فرح وهي تسلم : ماتفرق انتي كل يوم ناطه عندنااا
منيره : مو جايه لك اانتي وجهك اناا جااايه لسووسوو
امي : رجعت تقول سوسو
فرح تلعب حاجبهاا : جدتي وش نقول ناس تتصااابى "تشبب "
منيره : من كبري انتي وجهك ...اخ رويكن يقولي ياخاله وهذي تقولي تتصابي ..وش فيكن علي ياااعيااال مااجد ؟!
قلت لهاا : هذا من زود المحبه هههه
منيره : وهذا الي مصبرني ههههههههه
فرح : وين خطيبي ؟!
منيره : يلعب برى مو فاضي لك
فرح : وسايبني انتظره حراام عليه يكسر يلطعني بيوم العيد
منيره : قلت لك ولدي مايبيك لكنك ماتحسيين
فرح : وانا لقيت غيره وقلت لااا
ضحكت : وانتي من يبيك ولسانك يلوط اذنك
فرح : خه يجي ياعمه وانا بقصر اللسان
امي : فرووح استحي
فروح : هههه حليلك ياايمه ماااقلت شي
امي : الله يرحم كنا من ينذكر العرس نستح وانت تخيرن وتنقن لاحيا ولا مستحى
كلناا ضحكناا على امي : هههههههههه
الا بدخلت شااادن وهي تبكي
وعلى طول بحظني: وش فيك شاادن
شادن : اهي اهي دلبني
سألتهاا : منوووه
شادن : ليييان
منيره : رياااان ؟! وينه فيه ؟!
شادن : اهي اهي بلع
منيره لفرح : فرح هاااتي عبااااتي
سألتها : وين بتروحين ؟!
منيره بانفعال : بادب العربجي حقي
قلت لهاا : اجلسي اشووف مابقي الا هااذي ..البزراان مالناا دخل فيهم اكيد انها مسويه له شي عشان يضربهاا
سألت شادن : شدون وش سويتي عشان يضربك
شادن : ماثويت ثي
قلت بلهجة تهديد : ترى ان سألته وطلعتي سويتي له شي يااوليك
شادن خافت من تهديدي : انا ابعى العب هو ماحلااني يكول انتي بنت ماتلعبي مع الأولاد بعدين اناا حلبت اللعبه عليهم فدلبني
وقفتهااا : اجل انطمي ...ولاا تبكبكين ...وتستاهلين ماجااك
شادن : انا ابعى العب معااه
قلت لهاا : وهو مايبيك تلعبين معااه ..روحي العبي بالعاابك
قامت وهي منقهره واناا ومنيرة صرناا نضحك : هههههه

 

 

[ترانيم عشق]

منيره : الله يرحم اياام زمااان ..تذكرين يااسرااب يووم اننا تهااوشنا مع عيال الحااره لانهم ماخلوناا نلعب
وواحد منهم دفك ع الارض وصرتي تبكييين .. يومتها "ولمعت الدموع بعينها " جا سعود وضرب الولد
اللي دفك ووقفك وصاار مايلعب الا وياناا
ابتسمت : الله يرحمه
× .... الصـــقر .... ×
دخلناا انا ومها المكتب ...مهاا وهي تقعد ع الكنبه : اووف منك مابغيت
ضحكت : ههه احب العب باعصاابك
قالت :حراام عليك ..ماشفت فهد شوي وينط ببطنك
جاوبتها : مو لهالدرجه ههه
مهاا : ههههههه واكثر بعد
سكتنااا شووي ..وبعدين قلت لها : خالد اليوم يطلع من المصحه
مها : ادري
طالعتهعا بتعجب: تدرين ؟! ماسألتي
جاوبتني : انت قبل كذا قلت لي عن الموعد وانا مانسيته ..وماحبيت اسألك اعرف انك تضاايق
استغربت : اتضاايق ؟!
مهاا سألتني : بيرجع هني ؟!
قلت لها بحزم : لااا
مهاا مصدومه : ليش؟! صقر منه له غيرناا ؟!
قلت لهاا بحده : مها قلت لك خالد مارح يرجع هني انتهيناا
مها : عطني سبب واااحد بس ؟!
قلت لهاا بحيث انهي الحوار : ذا البيت خالد مارح يطبه الا يوم يصير رجاال
مهاا قالت لي بلهجة كلهاا غضب : اخوي رجال ياااولد ابوي
أصعقتني الكلمه "ولد ابوي "
رددت وراها : ولد ابوي ..مب اخوك اناا بعد ؟!
مهاا وكانها تتدارك الموقف : صقر انا مااقصد الي فهمته
قلت لها : حتى لو قصدتيه هو وااقع والواقع مااايتغير
مهاا : اناا
قاطعتهاا وانا اوقف : لا تبررين ياابنت ابوي ...معاك حق تزعلين وتعصبين مهما يكون اهو اخوك ابن امك وابوك ... واناا مجرد انسااان دخيل ..امك تكرمت عليه وربته بينكم ..واشهد انها ماقصرت معاي ..وانا عن نفسي مااحب يكون لحد علي جميلة وانا لازم ارد الجميل لاصحاابه ...وعشان كذاا ابي ولدهاا يكون رجاال قوول وفعل ..تفز له المجالس لا انذكر اسمه ..سند لكل مظلووم وعون لكل محتاج ..يكون لك ولنوال درع حاامي مايقدر احد يمس شعره منكن يصوون ذا الحلاال الي تشووفه عينك ...
× .... مهااا.... ×
ماصدقت شلون كلمتي اذت مشااعر الصقر ..عمري ماسمعت لهجته الحاده او نظرت عيونه الي تحرق ...عمره ماكلمني انابالذات بذي الطريقه ..معقوول كلمه بهالبسااطه كان لهاا هالوقع المؤلم بقلب صقر
عمري ماتكلمت معاه عن يتمه ولاا تطرقناا له باي شكل من الاشكااال ..كنا نخاف نجرح مشااعره
لكن يظهر اني ذبحته اليووم من غير لااقصد ...صدقوني محبتي لاخواني متساويه ...الا هو محبته اكبر بكثير بقلبي حتى نواال تموت عليه

 

 

[ترانيم عشق]

قلت له بلووم وانا اوقفه : اللحين صار ي شي اسمه امي وامك ؟! طول عمرك تناديها بيمه واليوم صارت امي ...ماصاارت كلمه وقلتهاا ..تراها زلة لسااان .. وش فيك يالصقر صرت تدور الزله ؟ّ! لايكون ضقت بناا خلااص ؟! ماعاد تبيناا عندك ؟! مسوليتا كسرت ظهرك ؟! تبي تخلص مناا ؟! ...تدري ماالومك ..انت مو ملزووم فيناا.. وبدت دموعي تحرقني .. اخواناا من امنا وابوناا مااهتمو ليه انت تهتم وانت مايربطك فينا الا اسم الابو .. لفيت رااسي امنعه يشوف دموعي ..وصرت اتأمل الصوره المحطوطه بوسط الجدر .... صورة ابوي واخواني ... غمضت عيووين بحسره واناا اتذكر ملامح وجيهم ..ملامح نسيت جزء منهاا بفعل غيبتهم قلت والغصه ذبحت صووتي :
عقاااب حرمنا من نفسه حي ..وانحرمنااا منه ميت .. والثااني حرمنااا من امنااا ..وضيع نفسه .. لفيت وجهي عليه وقلت بنبرت سخريه ...تصدق حتى حظوظناا بالزواج مااتسر ...!!
اناا حيرتوني لولد عمي ...ولد عمي الي ثااني يوم بزواجي ذبحني ... حكم علي اتم ادفع ثمن جهله العمر كله ... فضحني بين النااس ...خلاني مااسوى شي ..مااقدر انسى وقفتك جنبي ..بكون كذا جااحده .. حتى نواال ..نوال اجبرتهاا تاااخذ واااحد اهي ماتحبه ولا حتى تقبل له الكلمه ..وانا متاكده انهاا يوم بتجينا مطلقه .. ترى ياصقر مافي حره تقبل على نفسها تكون تحت رجال تعرف انه متفضل عليهاا ..انت ترى ماسترت عليهاا لاايااصقر انت ذليتهااا ...مع هذا مااقدر الومك انت دورت مصلحتها من وجهت نظرك
حطيت عيوين بالارض ووطيت رااسي دلااله اعتذاار ... السموحه منك ياولد ابوي تعبااانك معااانااا ... وطلعت غرفتي وتركته لحاله
× ... خــــــالد ... ×
وصلت للعنوان اللي بالورقه ... كان عبااره عن شركة للاستيراد والتصدير .. لقيتهاا مغلقه ..مالت اكيد بتكون مغلقه اليوم اول يوم من العيد .. اكيد بياخذون اجاازه ..شفت واحد عاامل جالس شكله الحاارس
قربت منه : السلاام عليكم
الحارس : وعليكم السلاام
سألته : ياعم الشركه متى تفتح
جاوبني : والله ياولدي ماعندي خبر ... لكن اتوقع انه بعد يومين
سألته : انت مو الحارس ؟!
ابتسم : ايه .. تبي احد معين ؟!
ابتسمت : والله يااعم اناا ادور شغل ودلووني على ابو راشد
قالني : ابو رااشد رجل كريم وماايقصر مع احد ... وطالع بشنطتي الي ع كتفي .. انت من جدة ؟!
قلت له وانا اكذب خفت يسألني عن ماضي: اناا من مستوره " قريه تبعد عن جده قراابه الساعه ونص "
الرجال : وش جابك جدة ؟!
قلت له : الدراسه ولقمت العيش
ابتسم : عندك اهل هني ؟!
قلت له : لا والله
الرجل: تدور على مكااان تسكن فيه ؟!
قلت له : ايه نعم
قالي : اسمع اناا اسكن بروحي تقدر تقعد معي لين مااتلقى لك سكن وش قلت ؟!
وش اقول اكيد بقول ايه ..انا مااعندي مكان اروحه مستحيل ارجع بيتناا ..عقب كل الي صاار : واناا وافق
الرجل وهو ياااخذني ...وش اسمك ؟!

 

 

[ترانيم عشق]

قلت له : خالد
الرجل : والنعم ..انا عمك ابو مشااري
جاوبته : والنعم فيك وبمشااري
ابتسم لي: مااعليك زوود ...
× ..... شـــــــاهـيـن .... ×
اول مادخلت البيت ..استقبلتني بضحكتهاا السااحره ....صرخت تناديني : daddy
فتت لها ذرااعي ...وجريت لحظني بستهااا بكل قووة : اموااااااااااااااااا اااااه
امي : روحو ضيووفك
قلت لها وانا الاااعب بنتي : ايه رووحووو
امي : ليه مامسكتهم للغذاا
قلت لها وانا اجلس ع الكنبه المقاابله : كل واحد عنده مره تستناااه وش يبي بمقاابلتي
امي : قول لنفسك مو انت االي جالس زي البيت الواقف
ناديت المربيه : زهرااا ....... زهرااااااا
جاتني : نام بابا .. خذي حلاا جواا
حلا تمسكت فيني : no no
قلت لها : حلاا روحي مع ناني وبعدين انا اخذك الملاهي اوكي ؟!
حلا : Promise
قلت لها : Promise
... وراحت مع مربيتها
امي : عاجبك ان بنتك ياادوب تهرج عربي
قلت لهاا : بتتعلم يمه بتتعلم
امي : ومنو بيعلمها ؟! المربيه الي ياادوبك تتكلم كلمتين عربي ؟! او انت الي مو فااضي لهاا
سألتها : القصد يمه ؟!
امي : انت عارف مقصدي زيين ..تزوج ياشااهين وريح قلبي
جاوبتهاا : يمه اناا جربت الزواج مره ..وخلااص ماالي رغبة فيه ابد ..
امي : قلنا لك حلات الثوب رقعته منه وفيه مااصدقت
جاوبتها : الي صاار صاار
امي : والله ياااوليدي شفت بنيه عند جارتناا ياحلوهاا ويازينها
قاطعتهاا : يمه انا مستحيل اجيب لبنتي مرة ابو الله وحده يعلم شلون بتعااملهاا
امي : يااوليدي انت محتاج حرمة ترااعيك ..تشوف طلبااتك ..بنتك يااشاهين بنتك تحتاج ام ..ام تراعيهاا .. تربيهاا ... تعلم الصح من الغلط ... اليوم بنتك صغيره ..لك العمر يجري بكره رح تكبر رح تحتاج صدر تحط راسها عليه تشكي همومهاا له تشااركه اسراارهاا
قلت لهاا: وانتي وين يمه ؟!
تنهدت : ياااوليدي ماابقي بالعمر كثر اللي راااح ...
قاطعتها : عسى عمرك طوويل ياايمه
امي : طال ولا قصر مصيره للفناا
الا ورن موباايلي رفعت وشفت المتصل ابتسمت ...
امي : رد رد مافي احد غيره
ضحكت : ههه ...رفعت ارد : هلااا .. زين خلاص بقاابلك هنااااك ...في امان الله
امي : خااارج ؟!
جاوبتها : ايه
امي وهي ترفع ايدها : الله يحط بروسكم عقوول واشوفكم متزوجين
ضحكت : ههه محسستني اني عاانس ويبون يخلصون منها

 

 

[ترانيم عشق]

امي : العاانس مالقيت من يرضى فيهاا .. وانت الف من تمنااك
قلت لها : وانا جربت وحده وعيفتني الالف .... توصين على شي
جاوبتني : سلااامتك
>> شاهين ... 35 سنه ..صديق الصقر الروح بالروح ..وشريكه بالتجاره .. مطلق وعنده بنت عمرهاا 4سنيين >
×.... راكـــــــــــــــــ ـــــان .... ×
وصلناا للمكاان المنشوود ... طبعاا مقر العمل .. ياارب نلاقي القبوول فيه .. العمل كان عباارة عن مقهى راقي جدا بصراحه ..طبعا بشارع التحليه ..يعتبر هالشارع واحد من ارقى الشوارع بجده ارقى المطاعم ارقى المحلات التجاريه .. تجمعااات الشبااااب كلهاا فيه ...وطبعا ذا الشاارع يذبحك بالزحمه السياارااات
مااعلينااا من ذاا كله ..زي ماقلت لكم العمل بمقهى ...دخلنا المقهى وانبهرنا طبعاا بالديكورااات
والاضااءه وكل شي .. استقبلناا صديقنا الي موفر لنا الشغل : هلا شبااب
كلنا : هلا مشعل
مشعل : زين جايين ع الموعد
تركي : اكيد بنجي ع الموعد .. المشرف موجود
مشعل : ايه موجود ..ياللا تعاالوو
مشينا ورااه ..الين طاوله كان جالس عليهاا .. واحد شكله مو سعودي ..
مشاري : استااذ مصطفى هذول الشباااب االي قلت لك عليهم ..هذا تركي ..وهذا راكان .. وهذا راشد
مصطفى يوقف ويمد ايده لنا : اهلناا وسهلاا تشرفناا
سلمنا عليه : الشرف لناا
مصطفى : يااشباااب وائفين ليه اتفضلو
جلسنااا وجلس معااناا مشعل مصطفى نادى على عامل : ساامر ..سامر
ساامر : امر استااز
مصطفى : تشرب ايه يااشبااب
احنا : ماله دااعي
مصطفى : ازا انتو بخلاا انا مش بخيل ..واطمنوا هو على حسبناا
تركي : أي شي مو مشكله
مصطفى : ادينا ياابني اربع كابتشينوو
ساامر : بتامر استااز
مصطفى : انتو با بتدرسو مع مشعل بالجامعه
قلت له : ايه مع بعض انا وتركي هندسه معمااري .. وراشد قانون ومشعل زي ماانت عارف محاسبه
مصطفى : مااشااء الله عليكم ...
مشعل : استاذ مصطفى زي مااسبق وشرحت لك الظرووف
مصطفى : انا فااهم ..وزي مااتفأت مع مشعل تأقدرو تيجو وتدامو هناا من 5 ل 11 بالليل التوو ايه ؟1
راشد : موافقين ..ممكن نعرف طبيعة الشغل "جا سامر وحط الكابتشينو "
مصطفى : بصوا انتو رح تكونو جرسوناات ..احنا محتاجين جرسونااات
تركي : اووكي
مصطفى : بصوا لازم تعرفوا ان التعامل الحلو والابتسامه الاحلى مهمه خاالص ويكون بعلمكم ان الزبون دايما على حق حتى لو غلطان
قلت له : مفهووم ..طيب في اجازه ؟!