ناقش العضو إلى بعدك بـ ( سؤال )

[عايشه بنورى]

[align=center]

السلام عليكم ورحمة الله وبركاته

هذا موضوع حلو ونقلته لكم
وهوكالأتي :
نطرح سؤال نقاشي ... قابل لنقاش ..
مــثــال

انا

تنـآقش الي بعدها بالموضوع هذ آ

هل يعود الزمن للوراء ليصحح اخطاء الماضي ؟

يرد العضـو الي بعدي مثال بالرد هذا


لا ... ولو كان سيعود كان ما تحسف احد على اخطائه ..
الأن الزمن يتقدم للأمام .. ولن يعود للخلف نهائياً ..
فيجب علينا التفكير في المستقبل .. فقط ..
مع اخذ الحذر من أخطاء الماضي ..

وبعد الإنتهاء من الإجابة تكتب سؤال نقاشي للي بعدك
وهكذا ..
الفكرة واضحة يا أحلى أخوان .. وأخوات ..

نبتدي بسم الله

سؤالي للي بعدي

لوو حد قالك"أكرهك" وانتي تعزين أو انت تعز هالشخص وتحبينه أو تحبه شو راح يكون موقفك؟؟


انتظرتفاعلكم[/align]

 

 

[»» الـعـزٍ ««]

مرحبا عايشه بنوري
تشكرين ع الموضوع الذوق ولا هنتي
..
وإجابتي ع السؤال !!
أول شي لازم أكون مهيء نفسي لتقبل أراء الناس فيني
أنا ما أمتلك عصا سحريه تجبر الناس على محبتي
لكن أمتلك اسلوب إذا استخدمته بالشكل الحلو راح أقدر أكسب احترامهم
فمن الطبيعي راح أتقبل رأي مشاعره تجاهي
لكن الواجب في مثل هالموقف انو نبحث عن سبب كره هالشخص لي شوو ؟
من شان اصحح الخطأ لو فيه خطأ وماخسر حب ناس غيره
..
..
سؤالي ..
ليه في هالزمن صارت المجامله شي حضاري والصراحه شي استثنائي ببعض الأمور !!

 

 

[مُذهِلـه]

وعليـكم الســلام عايشــه بنـوركـ ,

يسلموووو ع الموضوع الحلووو ,

بالنسبه لسؤال ( سـع ـودي العــز )

ليه في هالزمن صارت المجامله شي حضاري والصراحه شي استثنائي ببعض الأمور !!

امممممم صح صايره شي اساسي في الحياه وانا احس المجامله نوعين ,, ويمكن البعض يقولون مستحيل تكون شي حضاري ,

بس انا اشوف انها تكون باسلوب حضاري فعلا اذا كانت لعدم التجريح في شخص ,

يعني لو احد سألني عن شي مو عاجبني واناااا متأكددده ان هالشي يهمه ,,

ماراح اصدمه واجرحه واقول لاااا ماله دااعي راح اجامل مجامله بسيطه واقوله اذا عاجبك خلاص حلو اهم شي رأيك الشخصي ,, وبكذا لاجرحته ولا مدحته ولا بكشت عليه ...

وتكون غلـــط اذا في نفس الموقف سألني نفس السؤال ومع ان الشي مو عاجبني اجلس امدح فيه ساااااااااعه واوصله السما !!

كذا ماتصير مجامله تصير نفاق او كذب بس تحت مفهووم ( المجامله ) هنا غلط واكبر غلط ,,

وللأسف هالشي منتشر في حياتنا اليوميه بكثره لدرجة ان الناس صايرين مايصدقون بعضهم يقولون لااا اكيد يجامل !! الله يعين بس ..

تحياتي لك سـع ـودي العــز ,,

وسؤالي / اذا كان أقرب اصدقاءك ناوي يغلط غلطه بتضيعه وانت نصحته وماااا اخذ النصيحه ,,

راح تكتفي بنصيحته وإلا بتحااااول تمنعه بالقوه أو تحاول تمنع حدوث الغلط من وراه المهم بتساعده والا تقول خلاص انا سويت اللي عليه ونصحته ؟؟؟

تحياتي لكـ عايشهـ ..

 

 

[»» الـعـزٍ ««]

مراحب مفاهيم الخجل ..

ردك ع السؤال جميل ومقنع

..

والجواب لسؤالك بنظري !!

النصيحه بحد ذاتها كفايه لأنها مو بالشي الساهل

لما أكلم شخص وأفهمه هذا صح وهذا غلط أعتبر نفسي ابريت الذمه

لكن اذا هو قريب أكيد فيه طرق غير النصيحه أقدر أمنعه عنها

مثلا والله لو هو صغير ويجهل مصلحته وماتقبل بنصيحتي

راح أكلم ولي أمره أو أحد اسرته يكون كبير ومتفهم واهو يشوف حل لهالشي

أو مثل ماقلتي راح أحاول أمنع حدوث الغلط من ( وراه ) وأكيد بلاقي شي طريقه

لكن بهالزمن الناس غالبا ماتكتفي بالنصيحه ( إلا ) من رحم الله

أتمنى أكون توفقت بالإجابه وسؤالي للي من بعدي

..

لو كنت بموقف حاد بهالزمن واهو تختار مابين حبك ومستقبلك

وش راح تختار وشو السبب لأختيارك وتجاهلك للآخر

.. .. .. .. .. .. .. .. .. .. .. .. .. ..

دمتمـ ..

 

 

[مُذهِلـه]

هـلا وغـلا سـع ـودي الـعـز ,,

طبعا شي اكيييد اتوفقت في اجابتك كفيت ووفيت يسلمووو ,

وردي ع سؤالك :

لو كنت بموقف حاد بهالزمن واهو تختار مابين حبك ومستقبلك

وش راح تختار وشو السبب لأختيارك وتجاهلك للآخر

الموقف صراااحه مرررررره صعب بس أنا عن نفسي راح أختار ( حـــبي )


والسبب ان الحب هو أروع وأصدق وأجمل إحسااااس في الحياه ,

والتفريط فيه راح يكون غلط كبييير وبأندم عليه وبنخسر كثير ( الحب نفسه , الإنسان اللي نحبه , السعاده )

والحب ماااايتعوض ...

لكـــن المستقبل لو اتجاهلناه صح بنخسر بعد بس راح نخسر شي واحد اللي هو (المستقبل لا اقل ولا اكثر )

وقللت من حجم الكلمه لأني اقصد اننا نقدر نعوضه وماراح تووقف الحياه واكييييييد في حـبي راح ألقى مستقبل أحلى من المستقبل اللي اتخليت عنه ....

يعني في النهايه اقوول ان في الحب نلقى المستقبل ,, لكن في المستقبل صعب نلقى الحب ...

اتمنى اجابتي تكون وااافيه ..

امممممممم مااافي بالي سؤال ألحين , أمرر سؤال سع ـودي للي بعدي ..

 

 

[عيوني حزينه]

[align=center]((عايشهـ بنوري ))

أشكرك عزيزتي على موضوعك الرائع ،،

وإن شاء نلقى التفاعل من الاعضاء /


أما بالنسبة لسؤال (سعودي العز)

لو كنت بموقف حاد بهالزمن واهو تختار مابين حبك ومستقبلك
وش راح تختار وشو السبب لأختيارك وتجاهلك للآخر


سؤال مآآآرة صعب

بس أنا بصراحة راح أختار مستقبلي ،،
لأن الحب ممكن مايدوم وبكذا اكون خسرت الحب والمستقبل ،،
يعني مستقبلي هو الشئ المظمون ،،
وبعد الحب أكيد بيتعوض لكن مستقبلي لو أهملتة ماراح يتعوض،،



طيب سؤالي للي بعديـ ،،
في نظرك ليش الحب بين الزوجين يقل تدريجياً بعد الزواج مع أنهم في فترة الخطوبة يصل الحب بينهم لأعلى مراتبة ومين هو المسأول في نظرك الزوج أم الزوجة ؟[/align]

 

 

[الجـ أرحم ـــرح]

[align=center]أقول وبالله التوفيق .....
العامل الذي يأكد ذلك هو شدة الروابط مع العلم أن بعد الزواج يكون أفضل من الخطوبة ...
لأن قبل الخطوبه لا يوجد إلا الحب وفقط .
أما بعد الزواج .
يكون هناك البيت ..والمأكل ... والأولاد .
فهذه سنة الحياة يجب للإنسان أن يشد ويرخي بأدب .
ولا يقول أن الخطبه افضل من الزواج بالعكس كلاهما مفتاح لطريق واحد .
والمسئول كلا الطرفين .
سؤالي لمن بعدي : لماذا بهذا الزمن الكاذب يكون عاليا ومسموع الصيت .
والصادق تحجب عنه الرؤية ؟[/align]

 

 

[بين احضان الورد]

تحيااااااتي

عايشه بنورها تسلمين على هالموضوع


حمودي

اسمعني انا بسدح لك رايي


هالزمن مايعيش الا القوي والضعيف ينداس

وكذالك الغني يسوى والفقير عكسه تماما


والكاذب يكون اما منافقا او مجاملا


فيحبوه الناس


والصادق الي يقول الصدق يكرهوه وينبذون منه


وعلى قولتهم (( كلمه الحق تزعل ))


الناس مايحبون انك تنقدهم بالعكس يحبون انك تمدحهم على طول

ولازم انك تكذب عشان تمدحهم

بجذي
يحبون الشخص ( الكاذب) ويتجاهلون الشخص (الصادق) لانه بنظرهم لا يسوى شي

وهذا في النادر مو الكل

هذي وجه نظري


انا بصراحه ما احب اجامل
بس اسلوبي هذا خسرت ناس اعزهم لاني قلت لهم على حقيقتهم ولم اكذب او اجامل

ماعلينا





ياربي شنو اسئل

ابي سؤال صعب


لو تنقلب الحياه فوق تحت

يعني

الاب يتولى مسؤليه البيت والاولاد والام العمل

والاولاد اللي يصرفون على ابائهم

والنت هي اللي تروح تخطب الولد

شنو يصير بالدنيا

تحياااااتي لكم


وتحياتي لك حمودي على هالسؤال

شواااقه

 

 

[عايشه بنورى]

[align=center]شووق تسلمى على المشاركه
جواب سؤالك
صراحه سؤال صعب مع شوى جنون هع*_*
المهم طبعا صارت فى ذى الأيام البنت قلبت ولد والولد قلب بنت
تغير فى خلق الله وهذا طبعا عبث بخلقت ربى
يعنى أختصر لو صارت هذا الإنقلاب فى الدنيا بقول للدنيا(السلام عليكى يا دنيا عم الفساد)
الله يكفينا من الفساد.

سؤال للى بعدى
ماهو موقفك أو موقفكى لو أتى شخص عزيز عليك وقالك انا أحبك (أوضح أكثر بنت قالت لبنت أو ولد قال لولد؟؟؟[/align]

 

 

[عيوني حزينه]

[align=center]عايشهـ ياقلبوو مافهمت سؤالك ياريت توضحي أكثر [/align]