العين عن حلو الكرى موقها تاب * غزليه * لافي

[نوماس]

بسم الله الرحمن الرحيم
السلام عليكم ورحمة الله وبركاته
استبيحكم عذر لاعادت القصيدهـ السابقه مرتان ولاكن كان فيه لبس بين القصيدتين الاولى وهذي
وبمأن القصيدهـ هذي اعجبتني بكثير عن الاولى كان تفكيري انا ماسبق ونزلته هي تلك القصيدهـ التي اعجبتني عن الاخرى

القصيدهـ هذي من القصائد المختاراهـ في شريط وصف 4 لشاعر/ لافي حمود الغيداني

اتمنى انها تعجبكم
7
7
7

العين عن حلـو الكـرى موقهـا تـاب
*********ماتـذوق حلـو النـوم مــع ذايقيـنـه

اسباب لانه مـاش شـي ٍ بـلا أسبـاب
*********هكـا الغـزال اللـي ذبحنـي بزيـنـه

مـر يتخطـا .. ويتلفلـف بـالاسـلاب
*********وطيّـر عـن القلـب المشقـا يقيـنـه

من نظرته وقع علـى القلـب مضـراب
*********اشـد وقـع مـن الـرمـاح السنيـنـه

يسرق نظر عينه حذر .. مدري عجـاب
*********وانـا منـه قلـبـي تقـطـع وتيـنـه

عرّض ومـن تعريضتـه خافقـي ذاب
*********وقمـت اتبعـه مغيـر عينـي بعيـنـه

واقفى عجل من نظرتـي فيـه مرتـاب
*********ويحـط ضـول النـاس بينـي وبيـنـه

اخاف يفطن لي .. وننشـب بالانشـاب
*********السـوق زحـمـه .. ولاوادم ذهيـنـه

واخذت عنه شوي مقفي .. والاعصـاب
*********متـوتـره .. مافـكـرت بتهـويـنـه

ولديـت .. ولينـه يسعـر يالاطـيـاب
*********عنـد الهنـود اللـي لغتهـم رطيـنـه

وارسلت يمـه نظـرة احبـاب لحبـاب
*********النظـره اللـي ماتركـت لـي غبيـنـه

وأقبـل يبـا يحطنـي عنـه مجـنـاب
*********وشكيت فـي ممشـاه .. علـى هوينـه

ناظرت فيه .. وضحـك النـاب للنـاب
*********ومـن ضحكتـه حلـت علـي السكينـه

وموه على اهل السوق .. واشر بالاهداب
*********اشــارة ٍ تبـغـى قـلـوب ٍ فطيـنـه

منها عرفت انه يبـا يعـود لـو غـاب
*********وان الامـر ماعـاد هـو فـي يديـنـه

وعقب غلاق اسبوع .. مر ومعه جـاب
**********صغـيّـر ٍ متـجـود ٍ فــي يميـنـه

صغيّـر ٍ بالـزيـن للعـقـل نـهـاب
*********يقـول اخـوي .. ومقصـده فاهميـنـه

قصده .. يقول انكـان عنـدك أستيعـاب
*********علـى مـن هـذا ؟؟ ملامـح وعيـنـه

واخذت انـا ويـاه .. مـزح وتعجـاب
*********عقلـه رزيـن .. وكـل كلمـه رزينـه

فـي موقـع ٍ عنـه المخاليـق غـيـاب
*********الا ملائـكـة العـمـل حاضـريـنـه

بينـي وبينـه مـاوقـف غـيـر الاداب
*********آداب سـلــم ٍ كـلـنـا وارثـيـنـه

منه حتـرام شعـور عربيـن الانسـاب
*********ومنه حتـرام الرجـل نفسـه .. ودينـه

وبغى الوكاد .. وقلت هايـم ومنصـاب
*********حبـك .. ذبحـنـي لعنـبـو والديـنـه

قال استبيحك عـذر .. واقـول لعـاب
*********وش هالغـرام اللـي غدابـك بحيـنـه

وحلفت له .. واقسمت في رب الارباب
*********منقـذ مـن الطـوفـان راع السفيـنـه

انـي معـك صـادق ولانـي بـكـذاب
*********والـكـاذب الله لايـطــول سنـيـنـه

قال انت صادق .. مير سابقـك خطـاب
*********واهلـي فـي تـال الشهـر موعديـنـه

كـم لـه وهـو مغيـر ذهـاب إيـاب
*********لاهـم براضيـنـه .. ولا رافضيـنـه

وان كانهـا تمـت علـى يديـن كتـاب
*********وتـم القـران .. وروحــو كاتبيـنـه

انا تراي ابـي اعتبـرك مـن الاقـراب
*********وعلـى النقـا .. تبقـا صلتنـا متيـنـه

وودع وصـارت كلمتـه تقـل مشهـاب
*********اركت على كبـدي (عراقـي مزينـه )

وبقيت في وضع ٍ تحيـر ابـه الاطبـاب
*********ايسـت منـه وحالـة اليـاس شيـنـه

واخذت وقـت احسـب ايامـه حسـاب
*********وقلبـي علـى شوفـه تزايـد حنيـنـه

احيان .. اقول انشد عنه بعض الاصحاب
*********ويجيـك بالعلـم المـوكـد ( جهيـنـه)

واحيان اقول اصبر على جور الاتعـاب
*********ورزق الفتى وأجله كتـب فـي جبينـه

وسكت .. ماودي عليـه افتـح ابـواب
*********للهرج مـن نـاس ٍ ماهـم راحميـنـه

وصبرت .. مير الصبر طـول ولاثـاب
*********ومـن طـال صبـره يالله انـك تعينـه

ويوم ان راسي من طويل الصبر شـاب
*********قـررت عنـه انشـد حـدا مجاورينـه

ونشدت عنـه وقـال راحوبـه أجنـاب
*********ومن قريتـه شـدّ .. وسكـن بالمدينـه

قلت ايه .. مـادام اهلـه عندنـا يجـاب
*********امـا بعيـد الفـطـر .. والا حتيـنـه

قال اهله معه رحلـو .. قلـت ياشـاب
*********يعـنـي لازايـركـم .. ولازايريـنـه

قال ايه .. مير انسـه والايـام هـراب
*********تطـول .. وتنسـي ضنيـن ٍ ضنيـنـه

قبلي .. وقبلك خلت اصحابنـا حـزاب
*********وكم فرقـت بيـن الخديـن .. وخدينـه

ماعاد في شوفـه طلايـب .. وطـلاب
*********تـرى مـاعـاد الا يــدرج جنيـنـه

وش تطلبـه .. وحبالـه بكـف قضـاب
*********احذر .. لاينصب لـك زمانـك كمينـه

قلـت الرجـال مفتلـة روس الاشنـاب
*********لقسـى الظـروف حسابهـم حاسبيـنـه

وقفيت من عنده على الغلـب .. غـلاب
*********اكن غيـض القلـب .. واجحـد ونينـه

واعلنت ياسي .. وانطوت صفحة كتـاب
*********مــن البـدايـه للنهـايـه حـزيـنـه

واقــول يالله لاتـبـارك بالاسـبـاب
*********اللـي رمتنـي بيـن حبـه .. وبيـنـه

وتمت القصيدهـ وان شالله حازت ع اعجابكم

منقول

 

 

[نـاي]

راقت لي كثير


يعطيك الف عافيه


لا خلا ولاعدم

 

 

[المنال الصعب]

قصيده روووعه ...

صح لسان قايلها ... وتسلم ع النقل

تحيتي

 

 

[شذى الروح]

 

 

[نوماس]

ناي

تسلم ع المرور وهذا منتمنى ان يروق لكم طرحنا

تشكرااااااااتي
نوماااااااااااس

 

 

[نوماس]

المنــال الصــعب

صح لسانك وتسلمين

ومشكور ع المرور العطر

تشكراااااااتي
نوماااااااااس

 

 

[نوماس]

شذاااوي

صح بدنك وتسلمين

ومشكور ع المرور العطر

تشكرااااتي
نوماااااااس

 

 

[●{ذبحني غلآه ~]

ابياااات جميله ..تسلم ايديك ع النقل..
لآعدمنآك آبدآ .,
{ آحترآمي لك } ,

 

 

[نوماس]

المشاركة الأصلية كتبت بواسطة ●{ذبحني غلآه ~

ابياااات جميله ..تسلم ايديك ع النقل..
لآعدمنآك آبدآ .,
{ آحترآمي لك } ,

ذبح ــني غ ـــلاهـ

تسلمين ع المرور العطر

ولا عدمنا طلتك المنيرهـ
تشكراااااااتي
نومااااااااس

 

 

[الزعيمه]

يسلمووووووووووووووو