نذالة البنات .. وطيبة الشباب

[شيخ نفسه]

السلام عليكم ورحمة الله وبركاته ..

مساء الخير يالي لامن ذكرتكـ .. يغني الطير ويزورني كل خير ..aint:

شفتوا يوم الخميس الي فات ..


فااااااااااااتكم

جوا خالاتي كلهن واهمهن خالتي ندى الي احملت وولدت وجابت بنت اموت عليها اسمها لميس (طبعا لميس بعمري)

طبعا البيت كله مابه الا حريمات (ممنوع اصطحاب الرجاجيل)

مرت الساعات واتعرفون بنات ويجتمعون .. ع الدنيا السلام صارت الساعه 1 ليلا جلسنا نشكي الم الطفش واثناء انهماكنا بذكر السماجات التي تتولد نتيجة للطفش القاتل جا في بال هند الي اكبر مني بسنه فكرة جميلة (انطقوها بالنقاط) فكرة جميلة المهم البطرانه او بالاصح (الطفرانه) ارسلت لاخوها الي توه طالع اول ثانوي لوكمي (كولمي) ومعه اخو لميس ومثل ماقلت ممنوع اصطحاب الرجاجيل لذالك اجتمعوا ببيت خالي البعيييييييييييد عن بيتنا
عبدالله:نعم
هند:اعصابكـ
عبدالله:هند اخلصي علي ترا ماني بفاضي
ايمن دخل هو والجوال اذن عبدالله لانه يحب الانسه هند (ابو البزرنه ياشيخ)
هند: نبيكم تسرقون السياره وتجيبون لنا اغراض
عبدالله: والسواق
هند:لا مايعرف
عبدالله: اجل اتعرفين الزر الحمر الي دايم اظغطه بخشك
هند:لا
عبدالله: انا اعرفك عليه
طووط طووط طووط
هند:جعله الكسر النذل

الساعه 2 ولازلنا نتجرع من الطفش الالام
حست لميس بجوع وادخلت المطبخ نكثته كله وماعجبها شي
فقررت اتسوي مكرونه بصلصة الطماطم سحبت بنا للمطبخ غصب انسوي معها قطعت البصل انا (ابو المعاناه الي ذقتها )
وحطيته ع النار وحطيت المكرونه لحالها ع النار (شاده حيلي)
والاتصالات ع جوال هند من عبدالله واهي ماعبرته زعلانه الاخت

لميس تنكث وانا اطبخ واقطع واهاوش وااختي تنكت وتضحك (ع خيبتها) وهند قاعده ع الطاوله وتطالع بالجوال واول ماينور حتى مامداه ايدق اتقفل
وكلن بشغلته جا الاتصال المفاجئ من خالتي الي منبطحه بالدور الاوسط وبدا التهزيئ في هند ومحدن درى وشو السبب
خالتي: اصلا انتي ياهند غبيه اتقولين لاخوك يسرق السياره دون علم ابوه ويجي لهنا
هند: ماما هو عيا كذاب
ماما هند(خالتي):ياابقره افرضي جاه شي
(واســــتمر الحديـــــث)
واتصلت خالتي ندى ع لميس : وبدا التهزيئ
وعــرفــنا الســـالفه وقــلبنااها عـــليهــم
ايمن وعبدالله جوا واتصلوا ع هند تنزل لهم وماردت فصفطوا جنب الجدر واطلعوا ع السياره لجل يرقون الجدر وينطون بالحوش
ايمن فوق السور:جب ايدك
عبدالله رافع اثوب وماسكه بفمه:اسحبني
نطوا بالحوش والجو توتر وخوف اشوي ويندق الباب
ايمن طاح قلبه:منو ذا؟؟
عبدالله خايف ومعصب من التوتر: انت وخشك وش دراني وانا واقف هنااه معك
ايمن:يمكن ابوك لحقنا
عبدالله:والله ولا بنات
والباب يدق اكثر وبعد مناوشات ومهاوشات وعزايم ع فتح الباب فتح ايمن (مداخله) " ايمن نسخه طبق الاصل من الممثل الكويتي محمود بو شهري" الا وذاك الرشاش مصوب عليه عاد هنا ايمن خف الخوف متعود ع هالشغلات (ولد قبايل)
الرجال:اطلع
طب عبدالله: ياخ هد هد هلنا هنا
الرجال نزل الرشاش وقام يعتذر ويتاسف ومدري وشو (هو جارنا بس معين نفسه حارس بيتا ليش مدري؟؟)
واتصل ايمن ع خالتي ندى وعلمها ودروا الحريم وارجعوا عبدالله وايمن وماعلموا الرجاجيل خشية (التكفيخ) بس ماقصروا فيهم خالاتي
وبعد اجتماع طارئ يالبنات عرفنا السالفه
هند: ياحراااااااااام
مرام(اختي): خفتي عليهم
هند: لا والله بس يقول عبدالله جابوا انواع الحلاو ووجابوا عشا من هرفي وحركات
انا: عادي الحين اذوقكم احلى مكرونه
دخلت المطبخ ووالله ياجماعه اني بكيت من قلب تخيلوا بعد التعب ألي شفته (انحرقت الكشنه) عاد قمت هاوشت البنات واستوت المكرونه وحطيت عليها جبن (قريتها بكتاب طبخ) وطلعتها لهم وطلع ماعليها ملح تخيلوا القرف حطينا عليها ملح وكليناها ..


وجلسنا ليما صلينا الفجر ونمنا



لكم مني خالص الدعااااااااااااااااااء