اذا لفيت بليل وفقدت المعازيب!!

[دلوعة نجـد]

اذا لفيت بليل وفقدت المعازيب
تلقي جبل شمر يرحب بالاغراب
يشر بنوره يواصل الليل ترحيب
ياحي العرب اهلا وولكم بالاجانب^
^
^
^





أحبتي هذي صور من آخر زيارة لي لحايل ... بعدي حيي والله
بس الحق ينقال مو كل الصور انا صورتها......



























هذي ورده لكم من احلي تراب الارض








الغيوم في حايل ....



قصة مدينه تعشق الغيم والديم
قصة عشق مابين ارض وسحابه

أهزوجة (ن) فيها المطر له ترانيم
لا أرخت سحايبها وفلة ضبابه

بأحضانها ورد الحدايق تناغيم
أحلى قصيده سطرتها الكتابه

نشوة عطر تاخذك لبعيد وتهيم
وتذوق الباقين كأس الرتابه

فجر البروق ومنوة الطير والريم
لاعانق الهتان صدر الرحابه

ضرب البرد يلطم على الأرض تلطيم
يجرح معاليق العشب في عذابه

عشق المطر غير جميع المفاهيم
وأظفى على باقي المداين سرابه

لاهان من سماك دلوعة الغيم
قصة عشق مابين ارض وسحابه











يانجد لايلحقك «غيره» وتوهيم
مالك ترى «ضره» ولالك قرابه

مالك شبيه في جميع الاقاليم
انتي لنا باريس.. لندن.. وطابه

والله لو «بحلف» علي الملازيم
يانجد غيرك في عيوني خرابه

انتي لنا طب الكبود «المكاليم»
وغيرك يجيب لنا المرض والكآبه

سج القدم في «عبلتك» يشفي الضيم
في صحصح ممطور ماحدن مشابه

لاخيلت دهم المزون المراديم
وهب الهواء واشتال حمله وجابه

وليا ضحك سن السحاب المداهيم
صفق لها صوت «الرعد» في جوابه

كن الرعد «يذن» مع الغيم و «يقيم»
معزوفة فيها شعور الإنابه

ثم استهلت غيثها جاله «اوشيم»
احلى من «الشهد» المصفى شرابه

وليا انتهى مكنونها «شلع» الغيم
و«عود» على قوس المطر و «التوابه»

يسوقني الماطر على نجد واهيم
لا اروحت انا ريح «الثرى» في ترابه

يامحلا ذود «العفر» و«المجاهيم»
«يبرالها» شاص وفوقه زهابه

نتبع ضعون ماتجي بالملاليم
في محجر كنه من العشب غابه

كن «النفل» ويا «الخزامى» معازيم
في «كف» اخضر والبختري خضابه

تلعب طيور الوسم ولها تقاسيم
تشبه تقاسيم «الوتر» و «الربابه»

والا «الرياض» الها تحية وتسليم
دار قضى فيها «المولع» شبابه

دار الشيوخ «منكسين» المرازيم
اللي لهم بالمجد «عز» و«مهابه»

بس عاد لو بحلف!! علي الملازيم
«يانجد» غيرك في عيوني خرابه








































وهذا صورة الدوار القريب من بيتنا.....







سلام ياحايل حبيبة طي بنت الخيال=الليلة أنتي سيدة حرفي وانا شاعرك
المسعد الي كل ماريع عليك الظلال=لم البختري والنفل والشيح عن صابرك







العيـــــــــــد في حايل....




قلت انورت كل الدروب السمر=والعيد جا يمشي على الجره
الليلة ليلة من ليالي العمر=واحلى ليالي العمر بالمرة
قالت غيابك وانتظارك جمر=وابطت تعاتبني وتتشره
قلت ابشري والرمش يامر امر=يالول وجداني ويادرة
والي جمعنا ياانتظار العمر=مااعود هالفرقا ولامرة



طبعا انا ماحضرت العيد هالسنه في حايل للاسف....
بس العاده ان في حايل يطلعون ذبايح العيد بالشارع...
تسالون ليه .... من الكرم ياحيي.. يعني اي شخص يمر في الشارع
لازم لازم لازم ... يجي وياكل من الضحايا....







































وبالاخير .... ودعت حايل...



شوقي لشوفك شوق اهل نجد للسيل=
عقب السموم وعقب حر القوايل

شوق اهل حايل للخلا والتعاليل=
لاصارت الريضان مثل الخمايل

شوق العمى للشوف والبدر لليل=
او راعي الغربه لفك الرسايل

ودي بشوفك قبل ما يتلف الحيل=
قبل الفراق وقبل حفر النثايل

من يرحم اللي يشكي ببعدك الويل=
حامي دموعه فوق خده همايل

مافي يده حيله ولامسعفه حيل=
البعد سوى في خفوقه هوايل

توقفت دونه جميع المراسيل=
وتعطلت عنده جميع الوسايل

انظم غرامي بك بيوت ومواويل=
وش لي ببعدك غير نظم المثايل

واخرم لشوفك خرمة البدو للهيل=
وليا امتلت وسط الشعيب الثمايل

حبك تعدى حب اهل مصر للنيل=
يا مزبن الملهوف يا ام الجمايل

ياما ولد بك من سنافي وحلحيل=
وياما رجع من هيبتك كل عايل

وياما سكن بك من قروم ومشاكيل=
وياما حضنتي من كبار الحمايل

حبك سرى مسرى المثل بالسن الجيل=
حب الجريفاني لضلعان حايل


اتمني تعجبكم الصور...




الامير [ سعــــــــود بن عبدالمحسن] حفظه الله

بعد راسي والله ...

 

 

["خ ــآلِـد؛]

الله ياعروس الشمال
شكرا لك دلوعه
رووعه الصور

 

 

[دلوعة نجـد]

وحيد الليل
اشكرك علي المرور الجميل
ودمت بعافيه

 

 

[ورد جوري]

رووعه يا دلووعه

تسلمي على الصوور

حلوه كتير حائل..


ان شاءالله بزوورهــآ




<<عجبتني فكره العيد

 

 

[دلوعة نجـد]

ورد جوري اشكرك علي المرور الجميل
وبس عاد لارحتي لحايل خوذيني معك
دمتي بعافيه

 

 

[قصيميهـ]

اذا لفيت بليل وفقدت المعازيب
تلقي جبل شمر يرحب بالاغراب
يشر بنوره يواصل الليل ترحيب
ياحي العرب اهلا وولكم بالاجانب


يابعد حيي والله

دلووعة نجد

سلمتي على هالصوور الرووعه

 

 

[دلوعة نجـد]

قصيميهــ اشرقت الانوار ياحيي
تسلمين علي المرور الجميل
ودمتي بعافيه

 

 

[خيالــﮯ]

[

لبى قلب حايل
عاد أمس كنت فيها وربي ومن حبي لها ماودي أطلع لكن الجو طلعنا ^_^
وألي محليها زوود أهلها وطيبتهم
تسلم هاليدين على الصور الرووعه

 

 

[دلوعة نجـد]

خيال ... كنت بحايل وهـ بس
اشكرك علي المرور الجميل ودمت بعافيه

 

 

[رفيع الشآن]

وهين بس يآحآيل .. يآبعد حيي يآديرتي

لو آنـآ دآري كآن فآرش لك آلآرض ورد

نورتي حآيل وآلآبيآت آيه في آلجمآل

لآكن آلصور للآسف مآطلعت

آلمهم آن آلحمد لله به نآس من حآيل

دلوعة نجد

آلله يعطيك آلف عآفيه

ومآقصرتي على هآلبصمه آلرئعهـ

وآذآ تبين تجين لحآيل مرهـ آخرى عطينآ خبر

دمتي برضى