9 خلطات طبيعية ومنوعةومجربة مع نتائجها

سميحة · 08-01-2009, 07:35 PM

--------------------------------------------------------------------------------

# هذي خلطات متنوعة جمعتها لكم من عدة أماكن، وللعلم أنا ما أهتم بالخلطات:
الأولى:لإزالة الشعر:
بنات جبت لكم هذي الخلطة من منتدى لبناني كلها طبيعيه..ياسلام تخيلوا لا حلاوة ولا خيط ولا شمع...يا سلااااام!!!!!

خواتي العزيزات عندي لكم خلطة لإزالة الشعر من الوجه
طبعا هذي للي مااتحب تستعمل الخيط أو الشمع أو الحلاوة

المكونات:
1_ صابون زيت الزيتون مبشور.
2_ ملح طعام خشن.
3_ قليل من ماء الورد.

طريقة الاستعمال:
تخلطي كل هذي المكونات مع بعض لحد ماتلاقيها مثل الكريم وتحطيها على وجهك لمدة ساعتين أو ساعة وراح تلاقي الشعر يتساقط نهائيا

$$ نتيجة التجربة على لسان فتاة: ........ في وحده من أهلي جربت الخلطة هي زينة بس ما سوت الخلطة تشبهه الكريمة فكان مفعول الخلطة بطي هي خلتها ساعة بس وما راح كامل الشعر......فلازم تخليها ساعتين أفضل.

الثانية: للتنحيف:
30 فص ثوم ثلاثين فص ثوم مقشر بس انتبهوا مقشر مو تقطعونه وهنا السر عشان مافيه لاريحه ولاطعم ومعروف فوايد لثوم
4 حبات ليمون اصفر كبار مقطع إلى شرائح بقشرها والشرائح تكون سخيفه
6 كاسات ماء
الطريقة
تحطينهم كلهم على النار وانتبهوا خلوها تغلي غليه وحده مو أكثر إذا غلت غليه وحده طفوا عنها وخلوها الين تبرد وتكونون مجهزين بقدونس الكميه اللي تبونها وتحطونها عليه وطبعا لماتتبرد تجيبون علبه زجاج مو بلاستيك انتبهوا لازم زجاج وتجيبون مشخله أو مصفاة وتصفونها وتحطونها بالعلبة وتحفظونها بالثلاجة وتشربون مقدار فنجان قهوة ثلاث مرات باليوم عادي قبل أو بعد الوجبة
هذي الوصفة

$$ نتيجة الخلطة:
على لسان الفتاة التي وضعت الخلطة:
وأنا جربتها أسبوع نقصت 2 كيلو وأنا الحين با الأسبوع الثاني .

الثالثة:وخذي الخلطة لحرق الدهون بمناطق معينة وتخلي جسمك متناسق
جيبي من السوق زبدرة الكاكاو واخلطيها مع ملعقة زنجبيل بودر جاف
وأضيفي له ملعقة زيت الزيتون وملعقة زيت الكر يفون وملعقة خل التفاح
وامزجيهم جيدا وخليهم لمدة 3 أيام في مكان بارد
وبعدين استخدميها في المناطق الغير متناسقة
__________________

الرابعة:بالنسبة للرؤؤس السوداء أهي عبارة عن دهون وأتربة متراكمة
وطبعا تتجمع أكثر شي في المناطق اللي تكون المسامات فيها مفتوحة
كقبة الأنف وعلى الوجنتين
وأول علاج لها هو انه نضيق المسامات حتى لا تتراكم الأتربة فيها
وأنصحك بالاتي:
بشكل يومي قومي بقطع نصف حبة طماط ومسحي فيها وجهك
فهو قابض ممتاز للمسام
الشي الثاني وهي مقشر اسبوعي
قومي بتجميع قشر البيض واغسليها جيدا
وبعدين حطيها في علبة زجاجية فاضيه
وصبي علية لتر ماء وأضيفي للماء ملعقتين ملح
وخزنيها عندك في مكان مظلم لمدة 10 -15 يوم ثم قومي
بعدين صفي القشر من الماء وجففيها بمكان عادي لمدة أسبوع
وبعد كذا اطحني بطحانه القهوة قشر البيض بتكون مثل البودرة
هالبودر خذي منه ملعقة وضيفي له مقدار 3 ملاعق حليب طازج
وادهني به وجهك بحركات دائرية وركزي على المسامات المفتوحة
وبعدين خلية حتى يجف ببشرتك واغسلي بماء
وأنصحك إذا أوريدي عنك رؤس سودا تقومين بتعريض وجهك للبخار
لمدة 5 دقائق وبعدين جيبي الأداة اللي تزيل الرؤؤس السودا وحاولي
تطلعين الرؤؤس السودا بالضغط عليها برفق حتى تزيلها نهائيا وبعد العملية
ضروري جدا تسكري المسام بتمرير مكعب ثلج من ماء الورد
وبعد التنظيف قومي بالخطوات التي ذكرتها سابقا كي تغلقي المسام عندك
__________________
الخامسة:الخلطة الصابونية:
بيـــاض وبياض رهيب للجسم وتوحيد للون وبدقايق معدودة

بنات ما كتبتها لكم إلا و أنا مجربته أنا وصديقاتي وضامنتها لكم

بياض رروعه في دقائق عدة من يد خبيرة أعشاب جربيها وأنتي تحكمي بنفسك

وطريقتها سهله وخيال ونظافة أكيدة>>

المكونات بحذافيرها غاليتي
1-صابونه الكركم -وحدة فقط

2-صابونه الغار-وحدة فقط

2- صابون الطاؤووس المغربية - وحدة فقط

3-صابونه البابايا فروتي ( 4في 1-وحدة فقط)

4-ماي ورد أوماء زهر علبه كامله

5-ربع ملعقه كبيره كركم جسم

6-ملعقة كبيره ملح خشن

7-1صابونة الجلسرين من نتروجينا اواي نوع من الجلسرين

8-ملعقة أكل نشا

9 - (6 كبسولات فتامين e الزيتية ) نفرقهم بابرةوناخذ الزيت من الكبسولات ضرورية في الخلطة لبشرة توب لايعلى عليها والله

الطريقة
والحين نبشر صابونه الكركم وصابون الغار وصابونه البابايا
نبشرهم في المبشاره عرفتوها
نبشرهم ونحطهم في صحن أو بادية بروحهم راح تصير عندك كميه من الصابون المبشور

نخليهم ونروح نأخذ قدر ضيق اشوي ما يكون كبير ونحط فيه ماي ورد كله و4ملاعق كبار مبشور صابونة الجلسرين وبعدين الكركم الجسم اشويه وبعدين ملح خشن ونحركم ونحطهم على النار وإذا سخن اشوي بس الماء نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطة عجينة لينة ومتجانسة

أ بيذوب وتتكون عندك الخلطة والحين إذا سخنت الخلطة وبدت تبق اشوي حركيها بعد اشوي وإذا حسيتها اندمجت مع بعضها المكونات وصارت على شكل خلطه وشيليها من النار وحطي ملعقة االنشا على طول وهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه نايلون اوزجاج اللي يكون له غطا وراح وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في يدك وفركي فيها جسمك كااامل (ومع الوجه حتى الرقبة والمنطقة الحساسة والإبط )وخليها عليكي من 2- 3 دقايق أو إذا تبين أكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمك دهني جسمك في أي كريم مرطب للجسم عشان تزيد النعومة وترطبين الجسم بعد الصابون ((مثل كريم جلسوليد الأحمر))
خواتي إضافة كبسولات فتامين e لنتيجة لاتصدق لنضارة البشرة وإشراقها غاليتي مثل إضافة 6 كبسولات زيتية من هذا الفيتامين لنتيجة ايجابية لالاتهاونون في هذا الكبسولة مرة مفيدة للنضارة الخارجية تخلط مع الصوابين بتفريقها من محتواها بس انتبهوا ضيفو الكبسولة بعد ماتشيلون المقادير من على النار غاليتي لفائدة أفضل ….
السادسة: وهذه الثانية....
1. . سنفرة المشمش العلبة كاملة(فاللؤلؤ ولونها برتقالي وفيها مشمش..
2. وثلاث أرباع كيس ملح الحليب (اللي في كيس وكيسه على شكل لون البقرة ابيض واسود واسمه يوكو...))
3. وملعقتين سفيداب مطحون( عند مال الإعشاب.
4. وملعقة سدر جاف,,,(( جفيفي أوراق السدر اللي هو النبق وطحنيهن وحتى يبيعوا جاهز عند الأعشاب ))
5. وملعقة وسط كركم جسم (مو كركم طبخ لا عند مال الأعشاب وقولي لهم أبى كركم جسم..))
6. وشووووووويه نتفة ماي ورد للخلط بس))

حطيها فعلبة غامقة وحطيها فالحمام ,,,واستخدميها يوم ايوه ويوم لا,,,,وشوفوا البياض...... فشهر

بنات تخلي الجسم زبدددددددده وابيض قد مامدحت فيها مااوفي انتو سوها ومن أول مره بتنبهرون من النعومة ومع الوقت بياااض .

السابعة: هذي خلطة أسويها للشعر روووووعه

أجيب حمام زيت بارشوت بالثوم

2 م ك عسل طبيعي

1 م ك زيت الخروع

2 م ك زيت بارشوت الأزرق

3 كبسولات فيتامين e للشعر

1 م ك زيت السمسم الأصلي

1 م ك زيت اللوز الحلو

2 م ك زيت الجوجوبا <<< قريت عن هالزيت روعه للشعر ينعم ويكثره - وللجسم لأنه تركيبته شيبة بزيت السيبم إلي تنتجه البشرة وفروة الشعر

وبس وخلطهم زيـــــن كلهم في علبة الحمام الزيت

واستخدمه مرتين في الأسبوع ... أنشف شعري عادي ... وما يحتاج أحط بعده زيت أو كريم على شعري
والله انه ينعم الشعر بشكل رهيييييب

الثامنة: استخدم سدر مطحون بين فترة وفترة ولحظت انه ينعم الجلد لأنه مقشر طبيعي ..وأحيانا استخدم معاه حليب نيدو واسوي كماسك للجسم على أساس إن يبيض
__________________
التاسعة:اعرف خلطه بسيطة وطبيعية ومجانية تستخدم لعدة استخدامات
1- للتبييض
2- للتنعيم
3- للتنظيف
4- لإعطاء البشرة لمعة طبيعية
5- لإعطاء البشرة الصحة والحيوية
6- لترطيب البشرة

المواد المستخدمة هي :-
1- زبادي أو روب بارد خمس ملاعق كبار ( لو يكون منتهي يكون أفضل بكثير ) ( وكل ماكان منتهي أكثر يكون أفضل ) .
2- عدد 2 ملعقة كبيرة ماي ورد بارد (لو يكون طبيعي يكون أفضل)
3- عدد 2 ملعقة كبيره من الخميرة

طريقة الإعداد الخلطة:-
1- خلط الخميرة بماء الورد البارد
2- يحرك الخليط حتى تتشرب الخميرة وتختلط مع ماء الورد البارد
3- يخلط الخليط السابق مع الزبادي أو الروب ويحرك حتى يختلط مع بعضها

الاستخدام:-
1- قبل وضع الخلطة على الوجه يفضل تنظيف البشرة بأي مسحوق تنظيف ( بشرط لا يكون صابون ) أو على الأقل بقطنة بها ماء دافي .
2- تضع الخلطة على الوجه مدة 15 دقيقة
3- لأفضل النتائج يرجى استخدام الخلطة مرتين أو ثلاث بالأسبوع
__________________

نتيجة التجربة:
@ أنا جربت نفس الخلطة بس أضفت بدل ماء الورد خل تفاح
لكن عاد مابياض
بس قبل استوي طماطه
@هلا أنا صار لي سنين وأحط هالخلطة قبل لا أروح أي مناسبة والصراحة نتيجتها مو حلوة وإنما

رهيبة دعواتكم وابي ردود حلوة تحياتي سوسو