( دستور قسم القهوهـ ) مهم الكل يمر عليه

[شيخ نفسه]

بسم الله الرحمن الرحيم

حيالله جميع أعضاء وزوار الدكه ه1

هذا دستور و معلومآت لقسم ا الدكه قبل تكتبون اي موضوع ياليت تمرون

على هالقوانين وصدقوني ماراح تاخذ منكم ثواني وحتى يكون موضوعكم

ناجح وتوب بمعنى الكلمه ه1

القسم كونه اسمه الدكه راح تكون مواضيعه عامه عن مواقف بالحياه

او سالفه سمعتها او صارت لك احبكها بطريقه كتابتك لها واسلوب حلو

بعيد عن المصاله والبثاره واعرفو الكاتب الناجح دائما يركز على النقاط اللي فيها فايده

مانبي القسم يحتوي على مواضيع ماصله وردود عقيمه نبي مواضيع مقلعه

بااسلوب ونقد ساخر واي موضوع مخالف راح ينتقل بدون مانرجع لصاحبه

لقراشيع الله يصبرنا يعني قبل تكتب موضوع راجع القوانين

اكتبو السالفه على روقان وبهروها بشويه اسلوب حلوو من تعليقاتكم

صدقوني بيطلع معكم شي حلوو واكيد بتبدعون

المواضيع المنقوله ممنوعه لاننا نقدر وبكل بساطه نطلعهآ من عمنآ قوقل

فليش تبثرنا وتنزل لنا موضوع منقول ..؟

وغير كذا حنا منتدى مانبي اشياء منقوله بتكتب شي من راسك

وتحاول تبدع حياك الله وصدقني بتلقى من يدعمك

مواضيع من طقه ( احلى نكته ) ( واطلق موقف في العالم ) ( [وعد معيً لينً ميه )

غبار من عام ترمس مانبي يرحم والدينكم

و اذا كنت جديد خذ لك لفه على المواضيع المثبته شف طريقتهم واسلوبهم

وعقبها نزل موضوع عليه الكلام

وفيه اعضاء يجيك مدرعم ويقول حجز مقعد همن مانشوف غير غبرته

بعد يوم منزل موضوع وناسي الحجز اللي تركه في الموضوع

نعيد ونزيد في هالشي مجرد انك تقبتس شي وترد عليه في اي موضوع صدقني

بيحسب برصيدك والكل رااح يتفاعل معك يوم تنزل موضوع خاص لك

لحد يجي يسوي نفسه ينكت ويرفع موضوع من عام الازمة ؟

يعني اي عضو يرفع موضوع قديم راح ياخذ انذار ويرفع اسمه للاداره

يسلمووو / وضحكت اوم سطرين وردود اوم ريالين راح تنحذف + انذار المره الثانيه

ماعندك رد مثل الاوادم يكفينا متابعتك فقط ؟

سواليف المدرسه + هوشتي انا واخوي + موقفي في الباص

هالمواضيع ماتلزمنا وتقلل من قيمه القسم بدال ماترفعه

يعني موب كل سالفه تطق براسك تفتح لنا موضوع على شانها

قلنا لكم اكتبو مواضيع عليها القيمه موب سوالف مالها اي هدف

في كثير فاهم القسم غلط بمفهوم كل موقف يصير معه يجي ويسدحه لنا

قلنا لكم مواضيع اليوميات ممنوعه القسم للمواضيع الاقلاعيه العامه

يعني عندك موقف صار لك اكتبه باسلوب حلو اقلاعي

مو تكتبون لي كم سطر وتعتمدون الموضوع

مواضيع سوالف المدارس ملينا منها

فلا تحرجون انفسكم اذا تقفلت مواضيعكم لان القسم

يبي مواضيع دسمه وعليها القيمه

اللي ينزل موضوع مدعوم بصور خاصه البنات تترك عنها التميلح

وماتصور لنا يدها رجلها ملينا من هالحركات الماسخه :55:

تنسيق المواضيع ي من اساسيات نجاح الموضوع

يعني موب يجينا الواحد سادح لنا كتاب مطالعه ثاني جيم

ونجلس نحط اصبعنا على الشاشه وحنا نقراه و2

نبي تشدون همتكم نبي مواضيع مثبته ومميزه

نبي اشوف اعضاء مميزين بالقسم كل شهر

ختامها اللي عنده اقتراح او فكره جديده

يرسل للمشرفين القسم ينسق معهم ه1




.





.