ميناء افكـــــــــــاري

بوعبدالله · 08-31-2009, 07:30 AM

العديد من الناس يرتكب حماقات ليصل الى السعادة..والمؤلم انه يعرف الوصول اليها..

السعادة رضا الله ورضا الوالدين..

بوعبدالله · 08-31-2009, 10:37 AM

والله العظيم اني احبج ياعاليه..

وياليتني ما عرفتج

لكن اتمنى انتلاقى بالجنه

وابي اشوفج ساعه بالدنيا

وبعدها ادري تجي حالتي وبطردج

بوعبدالله · 09-01-2009, 06:46 AM

دائما تضحكني ذكريات لم اعشها قط

بوعبدالله · 09-04-2009, 09:48 AM

بدايه السلام عليكم .. بما انقطعت عن الكتابه لفترة..

اول شي ستايل جديد.. ولو اني احس اللون وردي فيه مبالغه..

وبما انني لا اهتم بالشكل.. كثر مايهمني الجوهر..

راح اقول حلو.. لانكم انتوا فيه..

وللحديث بقيه

بوعبدالله · 09-04-2009, 10:02 AM

صارت لي امور كثيرة في 4 ايام اللي غبتها..

يمكن اقول اني شفت بعيني اضيق طريق واوسع طريق..

...... لكن الصراحة كلهم فيها عذاب.......

اربع ايام مانمت..او مانمت عدل.. يمكن متوسط ساعات النوم عندي باليوم حوالي اربع ساعات ومتقطعه بعد..

حيل تعبان

لكن الحين انا مبتسم.. ويمكن اقول اني سعيد.. صح اني فارقت اكثر شخص حبني بالدنيا هذي..

لكن الحمدالله اني فهمته .. اني كنت وافي وياه.. ولو ان اسلوبي وحركتي كانت مجنونة..

بس اهم شي حققت الهدف.. وانا لم اخطط لذلك بل كانت عفويه.. الشعور بتأنيب الضمير كان ذابحني..

وطبعا هي لم تترك لي فرصه الراحة.. وفعلت شي لتنتصر علي.. يمكن تلاحظون كلامي مزيج بين العاميه والعربيه..

بس تراه طالع من القلب..

ارد لموضوعي..واللي توني مابديت فيه.. كنت بعيشكم جوه.. لكن شوفو اشصار..

على فكرة اللون البنفسجي هو الموضه ..مو الوردي

بوعبدالله · 09-04-2009, 10:14 AM

كانت رساله.. نصها يقول..

حبيت اسلم عليج واتطمن..مهما يكون اللي بيننا ماكان شي بسيط .. بالعكس انتي كنتي

منعطف كبير في حياتي.. لاني قبل انا ما اعترف بشي اسمه حب بس جيتي وخليتي شي بداخلي ينبض اول مرة

احس فيه وعشان جذيه حبيت اسلم عليج..ياريت اتطمنيني عليج لا اكثر.

_____________________________
قالت وجعلها الجنه انشالله..

حشاك من الردى.. كنت احسب اني (منحدر) كبير في حياتك.مشكور يوم انك تعنيت وسالت عن حالي بعد اربع شهور...

انا طيبه

____________________________

قلت..

طول عمرج عاليه على اسمج بالنسبالي
_____________________________

انتهى اول مقطع.. راح تستفيدون اشياء كثيرة ياللي تقرون..

بوعبدالله · 09-04-2009, 10:24 AM

اليوم الثاني..

دقيت ماردت..

قالت وانا اعتبرها اشجع بنت شفتها في حياتي..

ارجوك لا تحاول تبتدي من جديد في شي انتهينا منه من زمان

طبعا لاحظتوا ان العاليه شاعرة.. وهذا من اسباب حبي لها..
_________________________________________

قلت..

شلون ينتهي حب وهو بالمهد توه صغير دايم اشوفه حلم لاربى واصبح شباب..
________________________________________

ماردت

قلت..

انت الذي علمتني كيف احبك..
لكن ما علمتني كيف بانساك..
ياصاحبي قي هالشهر خاف ربك..
اسلا جميع الناس ولا اقدر اسلاك..
________________________

ماردت.. اهنيه بديت اعصب صراحة..وحسيت ان البنت تغيرت وانا مو متعود احد يتغلى علي..

انتهى المقطع الثاني..

بوعبدالله · 09-04-2009, 10:54 AM

[COLOR="SeaGreen"][SIZE="4"]المكالمه..

ولو تلاحظون قمت اعنون المقاطع..لاني حيل الموضوع يهمني ومندمج فيه..

اليوم الثالث.. اهنيه قلت لازم استخدم مكر الرجال.. بحط ان هي مزعلتني وانه بسبتها تفارقنا..

___________________________
قلت..وانا كلي كذب

لو قلبي قسى مرة وشايف عشرتي مرة.. ترى قلبك على قلبي قسى مرات مو مرة..
___________________________

طبعا مامشت عليها السالفه.. وقالت .. مافيك الا العافيه انشالله..

__________________________

اهنيه سكت مدة 6 ساعات او اكثر..

دزيت مسج ..عن شغله كانت بيننا.. ابي اذكرها بايامنا الحلوة..

________________________
قالت احسدك على فضاوة البال..
_______________________
قلت يابنتي مافيج الا العافيه..( على فكرة هي اكبر مني بتو ييرز)
_______________________

اهنيه جاني مسج واعتبره من احزن المسجات اللي مرت علي..

حبيتي حصلها مشاكل وانا مدري عنها.. بالبيت وواحد من اخوانها عنده مرض بالكليه..واشياء
______________________

طبعا حزنت.. ودقيت ودزيت مسج ما اذكره بس انه معناه راح اتبرع بكليتي.. وحتى اني رحت المستشفى اسال شلون

طريقه التبرع.. وبالنهايه حلفتلي انه فصيله دمه مو نفس فصيله دمي..

وزيت مسج ثاني..طبعا الحوار والقسم كله رسايل.. اخر مسج..كان مضمونه.. ابي اسمع صوتج..اوعدج اني مراح اتكلم

عنا.. راح اتكلم عن كل شي ثاني..

باخذ علومج.. وبهتني بسماع صوتج..
____________________

واذا بي التلفون يرن..
اجمل رقم شفته بحياتي واجمل اسم اقراه ..

يالله حيها شلونج شخبارج..طبعا من اكثر المكالمات التي استمتعت فيها وعصبت وانغثيت.. وكل الحالات..

قلت لها.. شوفي مو داق اعاتب.. طبعا العتاب خذا من المكالمه ربع ساعه.. شوفي مراح اتكلم اشسويتي بالاربع

شهور..طبعا شوي سألتها

وين رحتي وين سافرتي...........

طبعا المكالمه ما اذكر شقلت.. لانها كانت نفس الحلم.. لكن اللي اتذكرها انها تقوول... انا ماعدت مثل اول .. انا تغيرت..

وفعلا بغيت اصدق انها تغيرت........ من اللي صار في اليوم الثاني..وللحديث بقيه

(الاخضر يمشي مع الوردي)

بوعبدالله · 09-04-2009, 11:17 AM

اليوم الرابع..واسميه قتلتيــــــــــــنـي بردج...

لاتدوم علاقاتي مع البنات.. واملك الشجاعه لأقول.. لا اتذكر معظمهم..نعم انني اناني..

لكن مو هذا موضوعنا..

____________________

حدث انني اتصلت ولم ترد.. اتصلت ولم ترد..اتصل اتصل اتصل وصلت فيني هستريا الاتصال.. ويلكمني عدم الاتصال...

انني من الناس اعرف النفس البشريه.. واعرف كيف تزعل وترضى..اتصل لم يرد..اتصل مرة اخرى..ليشفي

غليله..وانتظر ثلاث ايام واتصل سوف يرد عليك..

لكن اللي حصل..اني قمت ادق عليها بدون توقف..مدري ليش...حاله جنون..انفلونزا الاتصال..

هنا عصبت غضبت كل معاني الترفز حصلت معي..ف قمت ارسل مسجات..بدايه اذا شفتي رقمي اتصلي علي..

ووراها ..كل هذا نوم..شنو طوفه انتي..شوي شوي..بدى يتحول كلامي الى سب صريح وصارخ..

صراحة اذكر اني تذكرت كل شي قالته لي قبل..عشان احاول اجرحها..بس ابيها ترد..(يوم لك ويوم عليك..كنت افكر

بالاغنيه هذي وقتها)..الوكاد..اني ما خليت شي الا وقلته..

اخر كلمة قلتها..

صراحة مايسكت على الكلام هذا..الا اللي متعود عليه..

اهنيه جاني الرد..

شفت كل الكلام اللي قلته.. مايحرك شعرة من غلاك

بوعبدالله · 09-04-2009, 11:23 AM

حذفت جهازي او جوالي بعيد..ولو كنت اقدر احذف نفسي..كان حذفت..

صراحة سكت..وتعبت.. بعدين رديت وقلت..

عمر الكلام لازعلك ولازعلني..ابي فعل يبرد تسبدي المشتبه..

اهنيه انتهى الكلام..وكلي حزن وخجل.. والاصعب النار المشتعله بداخلي..

ميناء افكـــــــــــاري

{.. ㋡ يومًيآتْ الآعِضَآء بـ/ ممًـآـ‘ُكة لك عنوني ..}