[الدايفنك]

[align=right]سلامون عليــكم شباب وشبابات







انا ادري انكم ماراح تصدقوني وتقولون ان راعي نصاب بس هذا الي صار كنت جالس على النت في الساعة ثنتين بالليل

وفجئة حسيت بالجوع ....قلت ليش ما اروح اجيب

من كودو شي اكلة ? المهم وانا طلع من البيت وقبل اركب السيارة

سمعت صوت يقولي : هيه ولد ....هيه ....انت ..هيه <== يناديني

طبعا انا ما خفت ابد ولا حسيت انة جني لاني ما اخاف من الجن ابد

المهم رجععععت للبييييت امشييي ترررلييووووووووون

المشكلة باب بيتنا ماودة ينفتح

<==(قاعد يفتحة بمفتاح السيارة )

قلت اية بس كملت هذا ناويني واسمع صوت هيه ...انت...تعال ..تعال ابيك...

المهم انا قعدت ادعيي واقرى وردي واذكار الصباح والمساء ويوم قريتها حسيت بطمئنينة

وبرضو اسمع الصوت يقول هيه يا ابو خشم ...

قالت: نعم <=== متعود يرد يحسبة واحد من العيال

الصوت كان من جهة الزبالة وانتم بكرامة المهم سلمت امري لله وقلت اروح برضاي احسن من هو يجيني

عشان ابين لة اني ما خفت >>>واصلا انا ما خفت .... يوم رحت ويقولي كيف الحال ؟

قلت له وين انت ؟؟ وانت وشو علشان ارد عليك؟؟ قالي ياجنط انا القلم شفني

تحت بكت الدخان حقك انت وجهك

<==طبعا هو يتكلم وهو بالزبالة وانتم بكرامة

طبعا هو غلط علي بس انا ما رديت علية بحكم السن لانه قلم ابو نص فاضي

وجار علية الزمن والكبر لة دور .... المهم سئلتة وقلت له:

ما شالله تعرف تكلم مثلنا ؟ القلم : يا ابن الحلال لو تدري وشهي قصتي كان

تقول بعذرك لو تكلمت . راعي : طيب وشهي قصتك ؟؟

القلم : الظاهر جايزن لك المكان انت او جبهتك !!! الحين ليش ما تعزمني وتشيلنا من ها القرف

راعي : ابشر يالله خل ندخل البيت وبدخلك غرفتي بس ها ه سكر اعيونك

ترى خواتي نايمات بالصالة القلم :من زينك انت وخواتك اصلا

راعي : ما تلاحظ انك مكبر راسك علي ؟؟ يوم دخلنا الغرفة قلت له :

انجز عطنا قصتك ... القلم : اية يا ..يا .. بالله وش اسم الولد يا الحبيب ؟


راعي : انا ما ارتبطت بس تقدر تسميني " راعي " .

القلم : ايه يا راعي انا بدايتي كنت في مكتبة العبيكان وجتني بنية

لابسة مخصر وشرتني بصراحة اخواني القلامة حسدوني

حتى انهم اول ما اخذتني قالو لي احلا احلا المهم اشترتني ورحت معها للبيت البنت طلعت

بنت وزير قلت يالله انواع العز خلاص صرت ولد نعمة ..

راعي: وبعدين وش صار ؟

القلم : وبعدين رحت معاها للمدرسة طلعت طلبة بالثانوية بس كمخة بالاملا وتكتب باليسار

وكل شوي عاضتني مع "..."<=منع من النشر

وانا ودي اقول "اي" بس ما اقدر ..المهم كانت تكتب فيني على وجة الكتاب خواطر

وتكتب اشعار وهي من جمبها .. وكان اسمها بدووووور يحبيلها ..

راعي : حلوة بدور يا اخ قلم ؟؟

القلم : ما شالله عليها ربي يحرسها بس كانت شقية بالفصل وكانت تذب نكت قوية وكانت تعلق على المدرسات

بس الابلا ما كانت تظربها لانها بنت وزير وكانو يحبونها عشان ابوها مو عشانها .. لدرجة بعض البنات كانو يطلبون منها

توقيع ابوها عشان يتمصلحون ويطلبون واسطة لتوظيف اخوانهم وكذا كانت حياة بدور

وبعد فترة كنا الصباح قبل نروح للمدرسة راحت لبوها معالي الوزير وقالت لة ابغاك تشرح لي درس باالنقليزي ..

وجا ابوها وقعد يشرح المهم خلص الشرح وحطني بجيبة <== زرفة (اي صرقه)

(قال ايش قال وزير محترم)

ويوم رحت معاه للمكتب الي قهرني ان في جيبة قلمين عيال نعمة وسكبة مرسمين بس ما يستخدمهم مدري ليش ؟؟ معي راعي ؟؟

راعي : ايوة معك <=== جاه النوم

القلم : وعشت بالمكتب احلا عيشة بس توقيع موب مثل "القعرة" بنته مهريتني كتابات ... المهم والوزير كان بيطلع مشوار جوى الوزارة

الا ويمر علية وحد يقولة تكفى والي يرحم والدينك وقع لي هذي المعاملة وقعد يترجاه ..المهم وقع لة وبالغلط

عطا ني للمراجع <== حلوة عطاني

المراجع شكلة غبي وريحته كلها صنان ويتتن مثلك بس الحق يقال يا راعي شاعر حتى اذكر اني حافظ لة بيتين

يقول فيها :

ما تلحق الشرهات غير الرجاجيل
...............ولا الرخوم رخوم ما اشره عليها

المهم عشت ايام حلوة لو لا ريحت فمه لانه كان انسان مبدع ويقدر القلم ويحب الكلمة بس كان الله يهدية

يحطني بفمة اذا جا يفكر وكان فمة كلة سوس وكنت بتكلم ما اقدر وادوخ من الريحة وينشف الحبر

بعدين يرجني واكتب من جديد وقضيت نص عمري مع هذا المبدع نتجول انا وياه في خيالة الواسع

راعي نمت ؟؟؟؟؟؟ راعي :: هاه لا لا معك اسلم ؟

<== نصاب اخذ لة غفوة

القلم : بعد كم يوم كان حاطني فوق التلفزيون وجت الخدامة الاندنوسية تنظف وزرفتني

وحطتني بجيبها ويوم صار باليل وتقرب الورقة وخذ يا كتابة رسالة الصراحة ما فهمت وش تكتب

تكتب كلام ما ادري وشهو خفت انها تسبني وكنت خلاص اقطع بيخلص الحبر حقي ويوم شفت دموعها

المسيكينة بدت تذرف اربع اربع رحمتها وقعدت اتعصر لدرجة ان وجهي صار احمر ..

راعي راعي نمت ؟؟

راعي : اخخخخخ ششششششش خخخخخ <== يشاخر

القلم : راعي قم انا احتظر حرام عليك ؟؟

راعي : ما عليش اخذت لي غفوة لكن وشتقول اخ قلم انت تحتظر ؟؟ سلامات ؟؟

القلم : راعي هذي سنة الحياة وانا راضي بس خلني اكمل

راعي : ايوه كمل اسلم <=== صحصح راعي وحن قلبة

القلم : المهم الخدامة كان لها علاقة غير شرعية مع السواق حق جيرانهم وكانت تكلمة من ورى الجدار

وطلب منها قلم ورمتني من فوق السور تصدق ان قلبي وقف من الخوف

لولا ان الهندي كان حارس مرمى بنادي عندهم المهم اخذني الهندي وجا يبي يكتب

رسالة وعاد انا بيخلص الحبر حقي ويوم انتصف بالرسالة ويخلص الحبر حقي

وهو الي ينقهر ويحط حرته فيني ويدلي يصبخ فيني بالجدار وينفخ فيني

ويسعبل وعلى طاري سعبولة انكتمت من ريحت البهارات حقتة

المهم ويرميني بالزبالة....وبعدين لقيتك اخوي راعي لوحدك قلت خلني قبل اموت اسوي شي جميل في حياتي

وانصح الناس بحكم خبرتي فأنصحك يا راعي بثلاث اشياء اذا مسكت قلم هم :

1- انك لاتسب اخوك المؤمن ولا تغتابة .

2- لاتكتب ماحرم الله لان الكلام يذهب لكن الكتابة تبقى .

3- ان تكتب بقدر ما تعلم وتفهم عن دينك لا بما تسمع حتى يكون قلمك حجة .


ويالله اخوي راعي رجعني ..

راعي : مشكور اخوي قلم والله يعطيك العافية


منقول بقلم / راعي السيكل [/align]