رسمنا الإبداع بجهودنا فتميزنا بـ / إسلوبنا فعندما وصلنا للقمه : تركنا بصمتنا ورحلنا - إدارة لك عيوني |
|
|||||||||||||||||
|
|||||||||||||||||
|
|
أدوات الموضوع | إبحث في الموضوع | طرق مشاهدة الموضوع |
01-04-2009, 09:43 PM | رقم المشاركة : 1 |
|
ابي اصير زاحف
السلام عليكم ورحمه الله وبركاته كيف حالكم عساكم طيبين يالله حيهم ( لا صح نسيت اني انا الضيف بس مايهم بعتبر البيت بيتي قاط وجهي ها خخخخخ) اولا انا ما انضميت لهذه الاسره الي بعد دراسه جدوى لهذا القرار المصيري وهو اني اصير (زاحف) لاني بصراحه تعبت من كثر الادب والاخلاق العاليه الي اتمتع فيها حاليا ونويت اني اصير زااااااااااحف بالرغم من المحاولات الكثيره من قبل الحساد والعذال لحنيي عن هذا القرار الذي اعتبره قرار حياه او موت بالنسبه لي الوكاد مالكم بطولة السالفه انا انسان منطلق للحياه وخاش الفله من اوسع ابوابها وسكرت الباب وراي عشان محد يصير فالها كثري تفوقت في الدراسه وكنت ما اسمع بشي اسمه مدرسه لدرجه ان الوالد الله يحفظه كان يرسلني للبقاله واذا شافني تاخرت يروح يدورني في المدرسه !!! وبالفعل يلاقيني هناك قاعد اتاامل المدرسه وشكلها واقول متى يجي الصبح عشان اداوم بالفعل خاف ابوي علي اني اصير اعشق المدرسه اكثر من البيت . وخاف كمان زياده اني اصير من الناس الي اهم شي عندهم بالحياه هو العلم يعني مثل مانلاحظ حاليا من بعض الاشخاص انه منطوي بالبيت وعيونه كبر البندوره من كثر مايقرى قرر انه يشغلني ؟ قال : تعااال ياولدي يا قلبي حوش الغنم في انتظارك احسن لك من المدرسه والي بها قلت : طيب انا وش استفيد من حوش الغنم وريحه الغنم يعني ؟ قالي اولا تعرف فوائد الحليب ثانيا انك بعرف خصائص الحيوان وتصير انسان عندك خلفيه بالاحياء ثالثا تعرف مهارات التواصل مع غير البشر يعني مهارات التواصل مع الحيوانات الوكاد انه جابها لي بمنظور علمي مع ان الشايب الله يحفظه ما عنده اي خلفيه عن كل الكلام الي قاله لي لانه اصلا ما درس نهائيا المهم انا يوم شفت المساله علميه يعني قلت والله فرصه اني ازيد من علمي في هالحياه واندمجت في عالم الحيوانات وهذي نعجه رايحه وعنز جايه وتيس هارب وحاله ربكم يسهلها المهم انا حبيت علم الاحياء من مدرستي الجديده ( حوش الغنم ) طبعا كنت اروح للمكاتب واشتري كتب احياء لا وبعد شريت كم كتاب لعلم نفس الحيوان عشان احلل شخصيات الغنم الي كانن موجودات لين صارت الغنم ازين من كثير من الناس في بعض العادات يعني تخيل ان التيس يوم يصحا الصبح يغسل وجهه والعنز تقوم تفك كيس الشعير للتيس وعياله حتى ابوي لاحظ هذا التطور بالغنم والاختلاف من الاسوء الى الازين لدرجه انه قالي اول مره اجي بذبح خروف احس انه يموت وهو واثق من نفسه ولا يصدر اي صوت يدل على الترجي او التوسل بعدم ذبحه قلت له : الغنم الي انت تذبح منها ترى مسوى اغلاط ونا عاقبتهن وعلمتهن غلطهن وكان جزاهن انهم يكونن هن الي ينذبحن فلاقيتهن ينذبحن عشان يكفرن غلطهن (بالله ماهن متربيات خخخ) المهم ربي سهلها معي لين ما وصلت لدروس التشريح اخذت مهله من الوقت افكر واقلب براسي اقول ياولد الحين الغنم الي عندي مربيات تربيه ما تلاقيها عند اي غنم كيف اشرحها الحين الوكاد اني اتخذت قراري وشرحت بالغنم . الا ياولد واحس بمتعه بالتشريح لدرجه اني دقرت عن الدرس هذا معد ابي اكمل بس ابي اشررررح الغنم لين ما قضيت على ثلاث ارباع الغنم الامر الذي جعل ابوي يطردني من المزرعه ويرجعني للمدرسه كملت الثانويه وكلي امل اني اصير طيار بعد مافشلت احلامي كلها باني اصير دكتور حيوانات من زود الفلاحه دخلت قسم ( ادبي ) قلت يمكن يوم اتخرج من الثانويه يكون عادي طلاب الادبي يدخلوا كليه الطيران تخرجت من الثانويه بمعدل لا يعلا عليه قلت حلو الحين في بس مشكله وحده ان كليه الطيران ماتقبل غير علمي ، الي توقعت ما صار . -عادي- قلت بنفسي خلني اصير ضابط وش فيه الظابط بالعكس انسان رزه وكلن يقدره ويخاف منه بالفور توجهت لاطرف كليه عسكريه في مدينتي وانصدمت عند البوابه يوم قال العسكري لي معليش اخوي مانقبل غير (علمي ) ونا شهادتي شرعي ياولد وش السالفه .واقعد من زود القهر اترجى العسكري وكنه هو راعي الكليه المهم رجت للبيت ونا متحطم نفسيا قلت مالي الا كليه واحده ان جت جت وان ماجت ماعلينا قلت بروح كليه الحرس يمكن يقبلوني واصير ضابط بالحرس الوطني الا وروح الرياض وكانوا بالفعل هي الكليه الوحيده الي كانت تقبل علمي وشرعي بنفس الوقت اختبرت ونجحت وانتظر الفرز النهائي الي صادف يوم الفرز يوم مباراه المنتخب السعودي مع المنتخب الياباني في كاس اسيا قلت لخوياي : ياشباب لو طلع اسمي اني مقبول اعرفوا ان المنتخب ماراح يفوز ولو ما نقبلت تراه بيفوز . (عارف حظي ماعمري فرحت فرحتين مع بعض ) بالفعل ماطلع اسمي بالفرز النهائي يعني طيروني وكمان المنتخب فاااااااز على اليابان الله هو الشي الوحيد الي نساني قهري على الكليه الي طارت مني قلت خلاص مالي الحين الا كليه المعلمين وانشالله غير يقبلوني قدمت ورحت اختبرت واعطوني موعد اراجعهم فيه الموعد هذا صادف يوم مباره المنتخب على النهائي مع العراق يعني المباراه الي كانت بعد مباراه اليابان . قلت لو انقبلت ينهزم المنتخب ولو ما انقبلت يفوز المنتخب . رحت للكليه واعطوني ورقه القبول الفوري ( يدورون الطلاب تدوير ) على طول رحت انام عشان ما اتابع المباره حسيت ان المنتخب بينهزم وكلكم عارفين وش صار فيه ( مو تحملوني الذنب يا شباب) درست في تخصص لغه عربيه او بالاخص مسار لغه عربيه ونا الحين في المستوى الثالث بعد توفيق الله والحمد لله ماشيه اموري بس الشي الوحيد الي كنت اعاني منه هو اني ابي اصير زااااااااااحف يالله خلوني اصير زاااحف لان المثل يقول ازحف تنحف اتمنى اني اكون ماطولت عليكم حبيت استخف دمي عليكم شوي لاني عندي قناعه ان دمي خفيف واحب احط بعض المعلومات عني كوني سوف اصبح من هذه الاسره اسمي فهد عمري 22 طالب جامعي متلحط اسكن في الشمال (شمال الرياض) بعد كل الي قريتوه ها تبغون تعلموني وشلون اصير زاااااحف والا اقش عفشي واروح انا ممممممممممممممممم
|
|
01-05-2009, 09:58 PM | رقم المشاركة : 2 | ||
|
هههههههههه
|
||
|
01-07-2009, 03:12 AM | رقم المشاركة : 3 | ||
|
ههههههههههههههههههه
|
||
|
01-07-2009, 05:57 AM | رقم المشاركة : 4 |
|
[glow=33ff66] ههههههههههههههههههههه والله مره حلوة
|
|
01-07-2009, 01:19 PM | رقم المشاركة : 5 | ||
|
ههههههههههههههــاااي
|
||
|
مواقع النشر (المفضلة) |
|
|
مواضيع مختاره « --
-- » تحميل حلقات طاش 16 | تحميل حلقات بيني وبينك 3 | تحميل حلقات باب الحاره 4 | تحميل حلقات شر النفوس 2 | تحميل حقات رجال الحسم | تحميل حلقات ام البنات| تحميل حلقات قلوب للايجار « --