من بغى الفرقا..لقى له عذر وأسباب ودليل (الشاعر فهد المساعد)

[ملكة الأحساس]

السلام عليكم
من أروع قصايد الشاعر فهد المساعد
أتمنى أن تنال أعجابكم


من بغى الفرقا .. لقى له عذر وأسباب ودليل
خل عنك العذر والأسباب دام الحب ضاع

كان ودك بالفراق ابشر عسى عمرك طويل
لاتردد وأنت لك كلمه ولك أمرٍ مطاع

لي عليك انك تبت بكلمه تشفي الغليل
ولك علي إني لأوقف وقفة الرجل الشجاع

لاتجاملني مخافة قال مدري خوف قيل
عمر هرج الناس مايسمن ولا يغني جياع

كان قصدك سر حبك اوعدك لأصبح بخيل
واحمل أسرارك معي للموت قدر المستطاع

بس قلها .. قل ما احبك .. وابشر بصبرٍ جميل
لاتحسب إني مثل من طبعهم لوي الذراع

صاحبك ماهو كذا .. ياصاحب القد النحيل
صاحبك طبعه غريب وغربته غربة اطباع

فالهوى مايقبل الحل الوسط ولا القليل
مثل ماهو لا شرا يشري اليامن باع باااااع

ثابتٍ لو هي تميل الأرض حدره مايميل
يدري إن الفقر ماهو عيب والدنيا متاع

ماعشق لذة حياته كثر عشق المستحيل
ولا كره حتى مماته كثر كره الانصياع

كم تعلمت من شديد البدو وش معنى الرحيل
وكم تعلمت من غروب الشمس وش معنى الوداع

وكم تعلمت من سحاب الصيف وش معنى الحصيل
وكم تعلمت من ليال البرد وش معنى الضياع

إيه .. أنا هذا .. طريقي موحش وصعب وطويل
وانت لامنك تعبت العالم فجوجه وساع

اعتبرني في بداية سكتك عابر سبيل
ورح وأنا قلبي معك من وين وجهت الشراع

يكفي إني لاذكرت بسالفة عشاق قيل
عاشر احبابه شجاع وفارق احبابه شجاع

دمتمـ بوـود

 

 

[ترانيم عشق]

يكفي إني لاذكرت بسالفة عشاق قيل
عاشر احبابه شجاع وفارق احبابه شجاع

الله ياملووكه
والله على فهد المساعد
صح لسانه
ولاهانت اناملك يالغلا
نقل ررائع
تحياتي لك
رنووومه

 

 

[قتيل الشوق]

.


.



.

منتدى الشعر والخواطر بلا ملكهـ


كالربيع بلا زهور


وكالزهور بلا عبير


كالنهار بلا شمس


وكالليل بلا نجوم


كالحـب بلا أحساس ملكهـ


هكذا عودتيناياملوووكهـ ع كل ماهو مميز


رائئئئئئئئئئئئئئئئع جدا" ماسطرت لنا اناملكـ


بانتظار جديدكـ


ودمتي بكل ود

.


.


.