ولد العم أولى من الغريب للكاتبة المسافرة

["خ ــآلِـد؛]

×•× البارت الخامس ו×

ר'*( الجزء الأول )×'¨*


".. ( 11:30 ) .."

صحت الصباح على المنبه حق جوالها .. ناظرت في الساعة اللي في جوالها .. كشرت ..! يوووه الساعة 11 ونص ..!! رفعت راسها من المخده ومدت يدينها في الجو بـ ابتسامه وأستنشقت الهوا البارد اللي موجود في غرفتها بـ روقان تام .. رفعت اللحاف من جسمها وتوجهت لـ الحمام [ وأنتو بكرامة ] وغسلت وجهها وفرشت أسنانها .. بعد ما خلصت ابتسمت بـ رضا .. أمس كانت تسووولف معه إلى الفجر .. ابتسمت أكثر لدرجة أن أسنانها بانت .. مسكت المنشفة اللي في الحمام ومسحت فيها وجهها ويدينها ..

نزلت من غرفتها وتوجهت لـ غرفة ديمه .. فتحت الباب شافت الغرفة ظلااام حتى ضوء الشمس مو موجود .. هههههههه هذي ديمه عاشقة لـ النوم بدرجة ما تتصورونها .. خصوصاً إذا جاتها زكمة أو أمراض مشابهة لـ الزكام مثل أرتفاع الحرارة أو ألم في الحلق ..! قفلت باب الغرفة ونزلت تحت .. لقت أمها جالسة تسولف مع ياسر على طاولة الفطور .. الظاهر أنهم يتناقشون في موضوع الزواج ..!!

ياسر : يا يمه يا حبيبتي أفهميني أنا ما أبي الزواج ألحين .. أنا ألحين أبي أتفرغ لـ الشغل اللي عطاني أياه أبوي وعلى بال ما أمسك رتبة ممتازة في الشركة مثل وافي وبعدها أفكر أسوي الزواج .. أما ألحين فـ أنا ما تفرغت لـ العرس .. وبعد أنا ما أبي أتزوج بس أنتي وأبوي غصبتوني .

أم ياسر : أفهم من كلامك أنك ماتبي بنت عمك ..؟

ياسر جلس يناظر في أخته اللي جلست جنب أمها .. يمكن يتهرب من السؤال ..؟

ياسر : صباح الخير .. لا كان رجعتي تكملين نومتك .

هيفاء تناظره ..: هي أنت ترى توها الساعة 11 يعني لسى صباح .. [ وبـ ابتسامه ] وبعدين كنت أكلم وافي إلى الفجر .

ياسر يحط يده على راسه .. : يا الله لا يكون من يوم ما تركتك أمس الساعة 12 وأنتي تكلمينه ..

هيفاء تضحك وتهز راسها بـ إيجاب .. : ههههههههههههه أيه .

ياسر بضحكه .. : أجل الفاتورة واصله لـ الآلاف ..؟

هيفاء بـ ابتسامه .. : مالك شغل .. [ وصبت لها قهوة ] ..

أم ياسر ..: أقول جاوب على سؤالي ..!

ياسر وهو يحط الخبزة من يده .. : مو مسألة أني ما أبي دعاء .. المسألة أني ما أبي الزواج ألحين .

أم ياسر ..: كيفك أنت أدرى بـ مصلحتك .

ياسر .. : أنزين كلمي أبوي .

أم ياسر تناظره .. : على أيش ..؟

ياسر .. : على أنه يأخر الزواج .

أم ياسر ..: وأنت ما عندك لسان تتكلم فيه ..؟

ياسر سكت .. هو عارف .. أمه ما راح تقول لـ أبوه .. وبرضوا حتى لو قالت أكيد ما راح يرضى ..

هيفاء ..: والله أنك تستهبل .. ألحين ليش ما تبي الزواج .. يعني المشكلة أنك مكبر السالفة على إيش ما أدري ..! ياخي ماهي صعبه إذا تزوجت ألحين .. البيت وبتسكن عند أهلي .. والأكل كله عندنا هنا يعني ما فيه أي شي راح يكلفك فيه .. وعلى قولة أبوي أمس هو وعمي أنهم هم اللي بـ يتكفلون في مصاريف الزواج .. يعني لا تاكل هم .

أم ياسر .. : أي والله وهي الصادقة .. أجل خلاص لا بنأجل و ولا شي .

جلس يناظرها نظرات حاده .. أنا أوريك يا هيفووه .. يعني هالفكرة ما كانت براس أمي إلا يوم تكلمتي ..!

قام من الكرسي وهو ياخذ مفاتيحه من جيبه و يناظر هيفاء ..: أجل خلاص أنا رايح دامك حددتي العرس يا حلوة .. [ وبعصبية وصراخ ] وأنا اللي هو العريس ما أخذتوا برايه .. [ وألتفت على أمه ] يمه خلاص ريحي أبوي وقولي له ياسر موافق أن العرس يتم على رايه هو وعمي .. [ وعطاهم ظهره وهو رايح لـ جهة الباب المؤدي لـ الحوش ويتكلم بصراخ أكثر ] حشا ما صرت رجال صرت حرمه ينفذون اللي براسهم و ولا همهم إذا أنا موافق وإلا لا ..! [ ونزل وقفل الباب بكل قوته ]

هيفاء أنصدمت في مكانها .. عمرها ما شافت ياسر معصب لهالدرجه ..!

أم ياسر بخوف ..: الله يستر الظاهر أنه ما هو راضي على الزواج بكبره .

ألتفتت على أمها اللي كانت خايفة .. وألتفتت مرة ثانيه على الباب اللي طلع منه ياسر قبل شوي .. هذا ياسر وسوا كذا .. أجل دعاء وش بتسوي ..؟

- يمه من اللي يصارخ ..؟

رفعت نظرها لـ الدرج .. شافت ديمه وعيونها كلها نوووم ..

هيفاء بعد ما قامت من الكرسي .. : أبد ياسر كان معصب ونزل .

ديمه .. : وليه معصب ..؟

هيفاء ..: مايبي الزواج اللي بعد شهرين ، يبغاه في العطلة الجاية .

ديمه ..: والله ما عنده سالفه .
.
.
.
.
- يالله ألعبي يالبزر .

دعاء بد ما رمت يد البليستيشن على الأرض ..: أقول شغل كراش .. هذي الكوره أنا ما أبلعها .

مشعل بـ ابتسامه ..: حتى سويّر تعرف تلعب أحسن منك .

ناظرته بنص عين ..: وأنا شفتني مثل سويّر قاعده أربع وعشرين ساعة معك عند البليستيشن ..!

مشعل ..: أقول لا تبررين .. قولي أنك بزر وما تعرفين تلعبين .

دعاء تطقه مع راسه بشويش .. : أقول لا يكثر بس وشغل كراش أبي العب .

ناظرها مشعل بقوه ..: تطقيني يا حماره ..؟

دعاء ابتسمت .. تعرف مشعل ما يحب أحد يطقه مع راسه .. وهي خبله نست ..: سووري مشيعل .

مشعل وهو يحط يد البليستيشن على الأرض ..: أنا كم مره قايل لك لا تطقيني .

قامت دعاء تركض بقوووه وهي تضحك .. : مشعل والله سوري نسيت .. يمااااااه .. مشعل هههههههههه والله ما أكررها .

مشعل قام وراها يركض ..: أنا أوريك .

ما كان لها مفر إلا الحووش .. تقدر تنحاش من مشعل .. فتحت باب الحوش بقوة .. ونزلت تركض وهي تصارخ .. شافت وافي وأبوها جالسين على الطاولة ويتكلمون .. على طول أستبخت ورا ظهر وافي ..

وافي يلتفت عليها ..: أقول بلا حركات وخري من وراي .. مو أنتي زعلانه ما تكلميني ..!!

دعاء تناظره ..: أشششششش أسكت لا يسمعك مشيعل ويحصلني وراك .

وافي ألتفت وهو يبتسم أبتسامه شريرة على مشعل اللي جاي لهم ..: وليه ..؟

دعاء ..: أبد يبغى يطقني وأنا ما أدري طقيته مع راسه .

وافي وهو يبتسم أكثر ..: وليه طقيتيه مع راسه ..؟ ما تدرين أنه ما يحب أحد يطقه مع راسه ..؟

دعاء ..: إلا بس نسيت و .....

ناظرت في الظل اللي كان وراها .. ويوم التفتت شافت مشعل يبتسم ابتسامة نصر وهو يخبّط الخيزرانه بيده الثانيه ..

مشعل ..: لقييتك يا حلوة .

صرخت بقوة وكأنها لسى تستوعب أن مشعل وراها .. قامت تركض وجلست عند أبوها .. : يبه تكفيييين قول له لا يطقني والله ما كنت أدري وطقيته على راسه .

أبو وافي يبتسم ..: مشعل خلاص ما كانت تدري .

مشعل وهو يضرب كفه بكف وافي ..: تعجبني .

وافي مبتسم ..: ولو يالحبيب .. ألحين رووح وأدبجها .

مشعل بـ ابتسامه حلوه تظهر غميزاته ..: أنت تآمر آمر .

وقرب لـ دعاء اللي كانت شوي وتصيح من حركة وافي .. : مشعل سووري .. يبه الله يخليك لا تخليه يطقني .

أبو وافي ..: مشعل أجل منت برجّال .. الرجّال ما يطق أخته .

مشعل بطفولة ..: أي صح .. [ وناظر في أخته ] هالمرة بسامحك لأني رجّال .. لكن إن عاودتيها ترى ما يصير لك طيب .. صار ..؟

دعاء وهي تفك يد أبوها و تناظره بغيض ..: طيب .

مشت عنهم وهي مقهورة ..حست بيد تمسكها .. ألتفتت شافت مشعل ماسكها وهو مبتسم .. أبتسمت لـ مشعل .. يحليله على طول نسى السالفة ..

سمعت ضحكات وافي .. كان يضحك بقوة وكأنه هو اللي أنتصر مو مشعل ..! ألتفتت عليهم شافت أبوها جالس يناظر في الأوراق اللي في يده و وافي يناظرها وهو يضحك ..! ألحين كل هذا عشان سالفة أمس ..! زيين أن مشعل قلبه حنيّن وإلا كان شفت هذاك الضرب اللي ما يسرني .

دخلت لـ الصاله .. شافت أمها جالسه على الكنب وتناظرها ..: وين كنتي كنت أدور عليك ..؟

دعاء ..: في الحوش .. ليش بغيتي شي ..؟

أم وافي ..: لا ، بس ديمه على التلفون تبغاك .

دعاء قربت لـ جهة أمها .. وشالت من يدها السماعة وجلست على الكنبة الثانيه ..

دعاء ..: هلا بـ ديووم ..

ديمه ..: أهلين .. كيفك ..؟

دعاء مستغربة صوت ديمه ..: تمام أنتي كيفك ..؟

ديمه .: الحمد لله بس هالزكمة اللي متعبتني .

دعاء ..: وأنا أقول ورى صووتك متغير .

ديمه..: لا ، متغير عشان توي صاحية من النوم .

دعاء ..: أممممم يمكن ..!

ديمه ..: إلا أقول بتروحين السوق اليوم وإلا لا ..؟

دعاء .. : ليه ..؟

ديمه ..: وشوا اللي ليه ..! ما بتتجهزيين لـ عرس هيووفه وأخوك ..؟

دعاء وكأنها تتذكر..: يوووه صح تصدقين أني إلى الآن وأنا ما دورت قماش لـ الفستان ..!

ديمه ..: خلاص روحي معنا اليوم العصر .

دعاء ..: لحظه بسأل أمي .

ألتفتت على أمها ..: يمه يصير أروح مع ديمه وهيفاء السوق اليوم ..؟

أم وافي ..: بس منوا بيوديكم ..؟

دعاء ..: ديمه من بيوديكم ..؟

ديمه ..: والله السواق ياسر حالف أننا ما نروح معه إلا بمحرم فـ ما عندنا إلا ياسر أو سعود .

دعاء رجعت نظرها لـ أمها .. : يمه تقول يـا ياسر أو سعود .

أم وافي ..: كيفك .

دعاء ..: خلاص ديووم برووح معكم .

ديمه ..: أوكي كوني جاهزه في تمام الساعة الرابعة عصراًً .. مآآشي ..؟

دعاء بضحكه ..: مآآشي يا ست الكل .

ديمه ..: أووكي بآآي يا حلووو .

دعاء .: بآآي .
.
.
.

سكرت ديمه من السماعة ..

- ومن اللي قال لك أني بوديكم ..؟

ألتفتت عليه .. يآآشينه وياشين ثقل دمه هالولد ..

ديمه ..: كذآآ .. وبعدين منوا تبيه يودينا ..؟

سعود وهو يرمي نفسه على الكنبه بكل ثقله ..: والله كيفكم عساكم ما رحتوا .. أنا ماني مودي أحد .

ديمه تخوصرت ..: وليه إن شاء الله .. منت أخونـا أنت وخشتك .

سعود وهو يناظر في شاشة جواله وكأنه ينتظر أحد يدق عليه ..! ..: أقول أقلبي وجهك .. أبوي قال العصر رووح الشركة .. تبيني أترك الشغل وأوديكم ..!

ديمه ولـ أول مرة تترجى سعود ..: سعود الله يخليك .. اليوم ياسر معصب .. فـ ما أظن أنه يودينا .

سعود يناظر التلفزيون وهو يتكلم ..: وليه معصب ..؟

ديمه ..: مدري .. روح أسأل هيفاء أو أمي .. المهم بتودينا وإلا لا ..؟

سعود ..: لا .. دعاء بتروح معكم ..؟

ديمه ..: أيه .

سعود ..: خلاص قولوا لـ ياسر يوديكم .
.
.
.
يتبـــع

 

 

["خ ــآلِـد؛]

( في مكان ثاني ) ..!!

- يعني بتروحين ..؟

ملاك ..: يس .

جوري .. : أنزين لو رحتي هناك أشلون بتعرفين مكانه ..؟

ملاك ..: بسأل أي أحد عنهم وأهم بيدلوني .. تعرفين أبو ياسر له سمعه في الرياض .. وأكيد راح يدلوني لـ بيته .. وإذا محد دلني مو صعبة أدق على محمد صديق ياسر وهو بيدلني .

جوري ..: أنزين وبتسكنين عند مين يا حلوة ..؟

ملاك وهي تحط رجل على رجل ..: وين يعني في فندق أكيد .. تعرفين أنا ما أعرف أحد هناك .

جوري ..: بكييفك .. بس ما أظن بيصير لك شي طيب هناك .. خصوصاً أن ما عندك أحد يحميك .

ملاك بعصبية من تساؤلات جوري اللي ما تخلص ..: مالك شغل جوري .. بروح يعني بروح .

نزلت جوري من الغرفة وهي تناظر بـ صديقة عمرها وأختها اللي ما جابتها أمها وصل لها الحال لهالدرجة ..!

جلست في الصاله .. شافت أم نواره اللي طغى عليها الزمن وصارت عجوز ما تقوى على المشي لوحدها .. شافتها جالسة على العربة الخاصة بـ الناس اللي ما يقوون على المشي .. جلست جنبها وهي تبتسم ..

جوري بـ ابتسامه ..: كيفك ألحين ..؟

أم نواره ( ميري ) ..: الحمد لله .. شوا في ملاك عم بتصارخ هييك ..؟

جوري بحزن وهي ماسكة يد أم نوارة ..: ملاك راح ترجع لـ بلدها .

أم نواره بفزع .. : شووا ..؟ وليييش ..؟

جوري بخوف أكثر من أم نوارة ..: ما أدري .. تقول تبغى تشوف ياسر .

أم نواره ..: ليش ياسر ما كان هوون ..؟

جوري ..: إلا كان هنا .. بس .. بس ألحين أهو راح لـ أهله يقول أنه تزوج .

أم نوارة بحنية ..: الله يوفئوه .. [ وألتفتت على جوري ] جوري الله يوفئكي حاكي ملاك لا تخليها تروح وتتركني أنا ونواره .. تعرفي أنا بعتبرها متل نواره وأكتر .. لا تخليها تروح .

جوري بعد ما تنهدت ..: ماما هي مش راضيه .. أنا حاولت معها .. وكمان نواره بس هي مش راضيه أبداً .

أم نواره بحزن ويأس ..: هيا هيك دائماً عنيدة من يوم ما كانت صغيرة .

جوري بتساؤل ..: ماما ممكن أسألك سؤال ..!

أم نواره ..: أسألي حبيبتي .

جوري بعد تردد ..: وش سالفة أهل ملاك .. وأشلون ملاك جات هنا ..؟
.
.
راح أحكيلكم قصة ملاك .. وكيف أنها سعودية وساكنة في إيطاليا ..!!

ملاك .. بنت ملاك بمعنى الكلمة .. كل جمال الكون موجود فيها .. بس اللي مخربها هي أخلاقها اللي تعامل الناس فيها .. ممكن نقول مغرورة على الكل إلا على ياسر ..! ملاك كانت عايشة بنت زي أي بنت من بنات الرياض .. أضطر أبوها وأمها لـ السفر والعيش في إيطاليا بحكم أنه سفير ..!

لما سافرت ملاك لـ إيطاليا كان عمرها حتى ما تجاوز الـ 10 سنوات .. ولما أستقروا أهل ملاك ..

أم ملاك ..: ميري ..!

أم نواره .. : شو بدك مدام ..؟

أم ملاك ..: نبغى نروح لـ حفلة ونبغاك تحطين بالك على ملاك .

أم نواره ..: لك ملاك في عيوني .. أنتي بس تروحي وترجعي بالسلامة .

أم ملاك بـ ابتسامه ..: الله يسلم لي عيونك .

وبعدها راحوا أم ملاك وأبو ملاك لـ الحفل .. لكن بقدرة الله توفوا أهل ملاك بحادث سيارة .. والد ملاك والسواق توفوا على طول في الحادث أما والدة ملاك فـ دخلت العناية المركزة وبعدها أفاقت .. لكن فجأة جاها نزيف في الدماغ .. وبعدها توفت ..
.
.
.
أم نواره وهي تتكلم بحزن عميق ..: الله يرحمها .. كنت بعتبرها متل أختي .

جوري وهي متفاجأة من القصة ..: يعني ملاك ما قد شافت أمها إلا يوم كان عمرها 10 سنوات .. [ وبغصة ] يعني تيتمت وهي صغيرة ..!

أم نواره وهي تمسح دموعها بكف يدها ..: الله يرحمها .. [ وألتفتت على جوري ] عشان هيك يا جوري أنا بعتبرها متل بنتي .. وما بدي يصير فيها شي هيا في رأبتي .

جوري وهي تضم أم نواره .. وتبكي ..: إن شاء الله ما بيصير فيها إلا العافيه .

أم نواره ..: الله يسمع منك .
.
.
.
( العصر 4:00 )

ديمه ..: هيووفه دقي على دعاء وقولي لها إن أحنا شوي وبنجي لها .

ياسر وهو رافع حاجب ..: ليـه .. دعاء بتروح ..؟

ديمه وهي تلبس جزمتها [ وأنتوا بكرامة ] وتناظر ياسر ..: أيه .

ياسر سكت ..

هيفاء ..: وبعدين من اللي قايل لك أننا نبي من العصر نرووح ..؟

ديمه ..: أنا اللي قايله .. وبعدين أحسن ..عشان ما يضايقنا الوقت .

هيفاء تخوصرت ..: لا والله ..! يعني ما بيكفيك من المغرب إلا الساعة 10 ..؟

ديمه وهي تقوم ..: لا .[ وألتفتت على ياسر ] يسوووور يالله ..؟

ياسر قام وهو يناظرها بقرف ..: كأني أصغر عيالك تتحكمين فيني ..! [ وبغروره المعتاد ] يالله أنا بنتظر في السيارة

هيفاء وهي تركض لـ الدرج ..: دقيقة بروح أجيب عبايتي ..
.
.
.
وصلوا لـ بيت أبو وافي ..!

ياسر وهو يناظر في ديمه ..: دقي عليها قولي لها تنزل .

ديمه وهي تنزل الجوال من الشنطة ..: هذاني أبدق عليها .
.
.
.
دعاء وهي تلبس عباتها ..: يمه يالله بااي هذي ديمه تدق علي .

أم وافي ..: أنتبهي لـ نفسك .

دعاء بعد ما فتحت الباب المؤدي لـ الحوش ..: من عيوني يالله سلام .

نزلت وهي تلبس النقاب .. فتحت باب الشارع .. شافت سيارته واقفه عند باب بيتهم .. تفاجأت ..: وش ذآآآآ ..!! من اللي قايل له يجي ..


كانت بترجع .. بس هونت حست أنها بحركتها اللي بتسويها بتحرجه وبتحرج بنات عمها .. قفلت باب الشارع وركبت في السيارة بهدوووء .

دعاء ..: سلام .

الكل ..: وعليكم السلام .

هيفاء ألتفتت .. : أخبارك دعوو ..؟

دعاء تناظرها ..: الحمد لله أنتي كيفك ..؟

هيفاء ..: بخير دامك بخير .

دعاء أبتسمت من تحت النقاب .. رفعت راسها وألتقت عينها بـ عينه في المرآيه .. نزلت عيونها ..يا الله يا ديووم كان جيتي مكاني وأنا جيت مكانك .. يا الله في الرجعة أنا بقعد مكان ديوم .

ديمه وهي تاكل علك وتتطقطق فيه بـ إزعاج ..: يسوور من بيرجعنا ..؟

ياسر وهو يقفل أذنه ..: ديوم عن الإزعاج .

ديمه ألتفتت له وهي ما زالت تطقطق بـ العلك ..: ألحين سألتك سؤال تقول إزعاج ..! أجل إذا سولفت معك وش بتقول ..!

ياسر ..: العلك أنتي ووجهك هو الإزعاج .

ديمه وهي تبتسم ..: أما عاد إزعاج ..!! المهم من بيرجعنا ..؟

ياسر وهو يناظر في الطريق بـ انتباه ..: أكيد أنا .. مو أنا بدخل معكم في السوق ..!

دعاء رفعت نظرها له .. شافته يناظرها ويبتسم وكأنه يتحداها .

ديمه بـ استغراب ..: غريبة ..! أول مرة تسويها .. [ وبعدها ألتفتت على دعاء وأبتسمت و خبطت دعاء بيدها ] وإلا عشان حبيبة القلب معنا قمت تبي تدخل السوق .

ياسر وهو مازال مبتسم ..: مالك دخل .

هيفاء ..: ههههههههههههه .

ياسر يلتفت لها وهو مازال مبتسم ..: وش فيك تضحكين ..؟

هيفاء وهي مبتسمه ..: أبد بس أفتكرت سالفة وخلتني أضحك .

ياسر ألتفت على الطريق ..: دووم هالضحكة .

هيفاء أبتسمت بس ما علقت .

وقف السيارة عند المواقف الخاصة بـ السيارات .. ونزل ونزلت هيفاء وديمه وبعدهم دعاء .. نزلت وشافته واقف عند الباب اللي هي نزلت منه .. وأنتظرها حتى قفلت الباب وبعدها قفل بابه .. مشت لـ جهة ديمه وهيفاء اللي وصلوا لـ بوابة دخول السوق ..

ديمه ..: إلا أقول من وين تبغونا نبدأ ..؟

هيفاء وهي تمشي ..: يعني من وين .. أكيد من محلات الذهب والألماس .

دعاء وقفت ..: بس أنا ما أبي ذهب .. أبي فستان .. والذهب و الألماس أبوي بيشتريه لي .

ديمه ...: أوكي خلاص أنا وهيفاء نروح لـ جهة الذهب .. وأنتي تروحين ] بعدها سكتت ] بس أنتي تبين الفساتين ألحالك .. يعني محد معاك .

ياسر ..: خلاص أنا ودعاء بنروح لـ جهة الفساتين .. وأنتم تروحون لـ جهة الذهب .. وبعدها نتلاقا هنا .. فاهمين ..؟

ديمه وهي تضحك وتناظر دعاء ..: أكشششخ اللي بتروح مع ياسر .

دعاء ناظرت فيها وسكتت .. آه يالقهر .. ياليتني ماجيت معكم السوق ..

مشى ياسر و دعاء لـ جهة الفساتين ..

دخلت أول محل .. قعدت تدور لها فستان وهي تتناسى وجودة ..!

- شوفي هذا .

ألتفتت عليه .. وشافته ماسك فستان أسود علاّق إلى تحت الركبة بشوي .. ضيق من فوق إلى نص الفخذ والباقي ساتان إلى نص الساق فيه شك من قدام مع لون عودي مموج ومن الظهر فيه أزرار من اللؤلؤ لونها عودي إلى نهاية الظهر ..

ناظرت فيه وشافته يناظرها وينتظر منها جواب .. ما تدري توافق عليه وإلا لا ..!

ناظرت فيه وبخجل ..: حلو بس مكشوف .

رجع نظره لـ الفستان ..: وش فيه مكشوف ..؟

ناظرت فيه .. هذا يستهبل أكيد .. ألحين ما يشوف السيقان المكشوفه .. مسكت طرف الفستان من تحت ..

دعاء .: هنا مكشوف .

ياسر ناظر فيه ..: ماعليك منهم .. خذيه تراه حلو .. وخصوصاً أنك بيضا فـ بيطلع حلو عليك .

دعاء أستحت ..: مدري .. [ وبعد تردد ] خلاص طيب .

ياسر ..: أنزين هذا مقاسك ..؟

دعاء ..: أشوف [ وسحبت منه الفستان وحطته على أكتافها ] مضبوط ..؟

مسك الفستان من خصرها وجلس يناظر .. دعاء أستحت كثير .

ياسر ..: مضبوط .. وأنتي إن رجعتي لـ البيت جربيه وإذا ضبط كان بها .. وإن ما ضبط رجعيه .

دعاء ..: خلاص أجل بحاسب .

ياسر مسكها مع يدها ..: شنوا أنتي اللي تحاسبين ..؟ عطيني أنا اللي بحاسب .. وأنتي أنتظريني برا .

وسحب منها الفستان وراح لـ جهة الحساب .
.

 

 

[هديل الليل]

يسلموا على القصة

 

 

["خ ــآلِـد؛]

الله يسلمك
شكرا لك

 

 

["خ ــآلِـد؛]

ר'*) الجزء الثاني (×'¨*

( 8 : 00 مساءً )

- ههههههههه والله أنك دآآج وبقوة .

مهند ..: والله تبغاني أسكت عنه الحيوان .

سعود بـ ابتسامه ..: تعجبني والله .. بس ياخوفي يتطاقون معنا مرة ثانية .

مهند ..: إحنا قدها وقدود .. وبعدين خله بس يقرب مرة ثانيه والله يا أنه بيشوف نجوم الظهر .

سعود بجدية ..: أنت تذكر المرة اللي فاتت يوم تطاقينا معه ..! جاب لنا بودي قارات من كل صوب.

مهند ..: وإحنا بنجيب بودي قارات مو واحد .

سعود بـ ابتسامه ..: الله يجيب اللي فيه الخير .. ويبعدنا عنهم وعن مشاكلهم .

مهند ..: الله يصلحه أحمد .. تذكر يوم كان خوينا ..؟

سعود وهو يناظر الطريق ..: وفيه أحد ينسى ..! كان نعم الصديق .. بس ما أدري وش اللي قلب حاله علينا كذا فجأه .

وقفت السيارة عند الكوفي .. وناظر في مهند ..: يالله الشباب مجتمعين هنا .
.
.
.
ناظرت في لبسها وهي لابسته .. وااااو .. أول مرة أشوف نفسي هييك روووعه ..! ^_^ .. تصدقون أول مرة أدري أن ياسر عنده ذوق وأناقة .. ناظرت في نفسها بـ أعجاب ..! بس ما تلاحظون أنه مكشووف ..! بس يالله أنا كان ودي أفصل فستان مو أشتري واحد جاهز ..! عالعموم يالله نمشي به الحال .!

- ما شاء الله ، وش هالزين .

ألتفتت على أمها بحيا ..: هلا يمه .

أم وافي وهي تدخل ..: ما شاء الله وش هالذوق ، [ وناظرت في بنتها ] والله وعندك ذوق في الملابس وأحنا ما ندري ..!

دعاء وهي تدور حلو نفسها ..: يمه حلو ..؟

أم وافي ..: ما أقول إلا الله يحفظك من العين .

دعاء جلست جنب أمها ..: يمه اللي أختار لي الفستان هو ياسر .

أم وافي بـ ابتسامه ..: ليش هو راح معكم ..؟

دعاء وهي تناظر أصابع رجليها بخجل ..: أيه .. وأصلاً ديوم وهيوفه راحوا جهة الذهب وأنا وهو رحنا جهة الفساتين .

أم وافي ..: يعني مقتنعة فيه خلاص ..!

دعاء قامت وهي تبتسم أبتسامة سخرية ..: هو أنتوا خليتوني أقتنع فيه ..!! [ وكملت وهي مغمضة عيونها ] أنتوا ما صدقتوا خبر و ملكتوني عليه على طول ، بس خلاص أنا راضية باللي كتب لي ربي [ وكملت ودموعها تنزل على خدها وبصوت مبحوح ] وأبن عمي راح يصونني على قولتكم [ وألتفتت على أمها ] يمه ممكن تنزلين أبي أبدل ملابسي لأني مت من البرد .
.
.
.
دخلت غرفة ملاك .. ناظرت في ملاك اللي مسدوحة على السرير وفاكه شعرها بكل نعومه وماسكة عقد في يدها ..!

جوري وهي تبتسم وتطل على وجه ملاك ..: كيفك ملوكه ..؟

ملاك ناظرت فيها .. وبعدها رجعت نظرها لـ العقد اللي في يدها ..

ملاك ..: تمام .. أنتي كيفك ..؟

جوري ..: بخير .

ملاك بصوت مبحوح وفيه العبرة ..: وكيف باباكي ومامتك ..؟

جوري ..: بخير .. ويسألون عليك .

ملاك ..: تسأل عنهم العافية .

جوري ..: خلاص عزمتي على السفرة ..؟

ملاك وكأنها ما سمعت سؤال جوري ..! ناظرت فيها ..: جوري .

جوري ..: عيون جوري .

ملاك وفكها يرجف ..: تدرين أن هالعقد عطتني أياه قبل ما تروح وتتركني .. عطتني هالعقد اللي فيه أسمها وأسم بابا ، قالت لي أحتفظي فيه ولا تضيعينه ..! [ وكملت وهي تبكي ] وضمتني بقوة وكأنها تدري أني ما راح أشوفها مرة ثانية ..!! جوري .. أشتقت لـ ضمتها .. أشتقت لحنانها .. أشتقت لطلتها لي كل ما رحت أنام ..[ وناظرت في جوري بـ ضعف ] ليش تتركني وترووووح .. لييش ..؟! أنا أيش سويت في حياتي عشان تتركني هيا وبابا ..!! أنا ليه كلما أحب أحد يروح ويتركني ..؟

جوري وهي تهديها ..: ملوكه لا تقولين كذا .. هذا قضاء ربك يا ملاك .

ملاك وهي تصيح بقوة ..: أنا ما أبي ميري .. أنا أبي ماما ..أبيها توقف جنبي ألحين .. أبيها تساندني .

جوري وهي تضمها ..: ملاك خلاص أهدي حبيبتي أهدي .. لا تخافين كلنا معاك .. أنا وبابا وماما .. وحتى ماما ميري معنا .. لا تتركين الشيطان يخليك ضعيفة كذا .

ملاك ..: أنتي ما تحسين باللي فيني ألحين .. أنتي أمك وأبوك عايشين معك .. لكن أنا من يوم كنت صغيرة تركوني .

جوري وهي تصيح على حال صديقتها ..: ما عليه ملوكه .. أنتي أهدي .. [ وقامت تنادي بصوت عالي ] ماما ميري .. نواره .. ماما ميييييري .

نواره وهي تركض ..: شوا فيها ملاك عم بتبكي هيك ..؟

جوري وهي تصيح ..: ما أدري .. نواره واللي يعافيك جيبي ماما ميري هي اللي تعرف تهديها .

نواره بخوف ..: أوكي .
.
.
.
( 10 : 40 مساءً )

على طاولة العشاء ..!!

أم وافي ..: اليوم كلمتني أم ياسر .. تقول أنهم يبغون يطلعون البر ويقعدون ثلاثة أيام هناك .

أبو وافي ..: قصدك إحنا معهم ..؟

أم وافي ..: أيه .. تقول عشان طلعة دعاء بالسلامة .. وبعد عشان تغيير جوا ..!

أبو وافي ..: الدنيا براد تبغونا نكشت في البر أنا ما عندي مانع .

دعاء ..: لا يبه والله برد .. يكفي أن في البيت برد .. فما بالك بالبر ..!

وافي ..: هم قالوا عشانك ..!

دعاء ..: كثر الله خيرهم .. وإذا يبغون يسوون لي عزيمة في البيت أحسن .. وبعدين يكفي أمس هم جونا .. وبعد أنا ما أبي عزيمة صراحة .

وافي يناظر أبوه ..: بس يبه الأوضاع اللي في الشركة ما تسمح أننا ناخذ إجازة .

أبو وافي ..: أجل خلاص أنا أكلم عمك وأقول له إن شاء الله مرة ثانيه .[ وألتفت على دعاء ]

أبو وافي ..: دعاء .

دعاء ..: هلا .

أبو وافي ..: تعالي أبيك في المكتب إن خلصتي من عشاك .

دعاء ..: إن شاء الله يبه .
.
.
.
دخلت المكتب .. شافته جالس ويشرب شاي مثل عادته ..

جلست ..: نعم يبه .. بغيت شي ..؟

أبو وافي ..: أيه .. زواجك راح يكون بعد زواج وافي بـ شهر واحد بس .

دعاء بصدمه بس ..! وتكلمت ببرووود ..: اللي تشوفه يبه .

وطلعت من عنده .. ولا سمعت أمها اللي كانت تناديها .
.
.
.
( بعد مرور أربع أسابيع و 10 أيام ) ..!

الكل كان في هالأيام مشغول في تجهيز عرس وافي وهيفاء ..!

- يا حركات ياللي بتعرس بكره .

هيفاء بحيا ..: ديوم عن التفاهة .

ديمه ..: ههههههههههههه ألحين أنا تافهة يالبايخة .

هيفاء وهي ترمي المخدة على ديمه ..: ديووووم عن المصالة وجع .

ديمه ..: ههههههههههههه خلاص خلاص ما بحاكيك أبد .. وبعدين قولي ديوم تعالي وسولفي معي .

هيفاء ..: ديوم يالشينة راح أشتاقلك والله .

ديمه ..: أخيراً قلتيها .. أخيراً قلتي راح أشتاقلك يا ديووم .. [ وبـ ابتسامه ] وحتى أنتي يا أم السعف والليف والله راح أشتاقلك .

هيفاء ..: تشتاق لك العافية .

ديمه وهي تناظر في الساعة ..: هيوفه شوفي الساعه كم ..؟

هيفاء وهي تناظر الساعة .. وبلا مبالاة ..: وش فيها يعني الساعة 3 الفجر .

ديمه وهي تزين لحافها ..: يعني أقلبي وجهك أبي أنام ، والمفروض تنومين أنتي بعد [ وهي تحرك حواجبها ] مو أنتي عروس ، أخاف بكرة تقومين وعيونك تصير متفوخة .. وبعدين ما تصيرين عروس حلوة .

أنفتح الباب بقوة ..!

- أخسس الخوات مجتمعين هنا ..!

ديمه وهي ترفع يدينها لـ السما ..: يا ربي ليه رسلت لي هالكوابيس قبل ما أنام ..

سعود وهو يدخل ..: والله أحمدي ربك أن الكوابيس جاتك إلى غرفتك .. وبعدين إحنا ماجينا عشانك .. جينا عشان نشوف أختنا الحلوة ونبي نسهر معها سهرة حلوة قبل ما تودعنا .

ياسر وهو متركي على كتف سعود ..: سعود .. بالله هذي [ وهو يأشر على ديمه ] وش تبي ..؟

سعود بـ ضحكه ..: ياخي وش نسوي إذا واحد وجهة قوي ويدخل عصه في شي ما يخصه .

ياسر ..: ههههههههههههههه [ ومد يده لـ سعود ] كفك يالحبيب .

ديمه تناظرهم بنص عين ..: أقوول أقلبوا وجيهكم أنتوا وأختكم المصون ، أنا راسي يعورني وفيني نوم .

سعود يستهبل ..: ديوم لا أنا أموت ترى .. الجلسة ما تحلى من دونك .

ديمه بغرور ..: ياخي أدري أنكم ما تستغنون عني .. بس معليش خلوها جلسة ثانية .

سعود بنفس أستهباله اللي ما خفا على ديمه ..: لا لا ديوووم تكفيين .. ترى ما بروح معهم إلا وأنتي معنا .

ديمه وهي تنسدح على السرير وتتغطى باللحاف ..: باللي هوو .. أقول طفوا الأنوار أبي أنام .

هيفاء وهي تضحك ..: ههههههههه خلاص سعود كيفها أمش أنت وأياه نسولف برا .

ياسر ..: يالله .

سعود وهو مبتسم ..: ديووم أحلام كل أبوها كوابيس إن شاء الله .

ديمه ترفع اللحاف من وجهها ..: باللي ما يحفظك أنت ووجهك .. [ و بصراخ ] أطلع برا يا مال الوجع اللي يقعد في بطنك سنه .
.
.

 

 

["خ ــآلِـد؛]

×•× البارت السادس ו×

.." وأشعلت الشموع على زفة عروس "..!!

ר'*( الجزء الأول )×'¨*

"..(1:00 ظهراً ) .."

صحت على منبه جوالها .. مدت يدها على الطاولة وقفلت الجوال .. رفعت راسها من المخدة ولمت شعرها بيدينها .. ابتسمت بحلاوة .. يا حليلك يا هيوفه والله وبتصيرين عرووس .. وأنا بلحقها بعد 30 يوم ..! لا تستغربون أنا صرت أسوي طاااف على سالفة الزواج .. خلوهم يسوون اللي يبونه .. يكفي أنهم زوجوني غصب وأنا ما أبي ، جات على موعد العرس أحتج عليها ..؟

قامت وغسلت وجهها ، وفرشت أسنانها ، وتوضت عشان تصلي الظهر ، بعدها نزلت و صلّت الظهر ولبست بنطلون برمودا أبيض وبلوزه كت ..!

ناظرت في لبسها وأبتسمت وهي تنفش شعرها ، يا زين الحر ..! أكيد مستغربين أن ألحين فيه حر ، لأن جو الرياض ما يندرا عنه يوم حار ويوم كأننا في الشمال القطبي المتجمد ..! بس يالله زين ، البرد بيطلقنا وبيتزوجنا الحر في هـ الأيام ههههههههههههههه .

نزلت لـ الصاله ، شافت وافي يسولف مع مشعل و سارة .

دعاء وهي تمشي لـ جهة وافي ..: وش عليك .. الليلة عريس .

وافي وهو مبتسم ..: هلا مساء الخير.

دعاء وهي مبتسمة ..: مساء النور .. ما ألومك عريس .

وافي بـ ابتسامة ..: عقبالك .

دعاء تناظره ..: أيه لا تخاف أنا بعد شهر .. بس ما بسوي مثلك أشق الحلق .

وافي ..: بنشوف بعدين .

دعاء ..: أنزين وافي .. أبغاك توديني المشغل العصر أنا وأمي .

وافي ..: إن شاء الله .
.
.
.
".. ( 4:00 ) .."
- يمه والله قلبي يطق طبول ..!

أم ياسر تبتسم ..: أخيراً حسيتي بحال العروس ..!! أنتي من يوم ما ملكتي على وافي وأنا ما قد شفتك مستحية منه ..!!

هيفاء بحيا ..: يمممممه حرام عليك ، والله أني بعض الأحيان أكون منحرجة من وافي .

أم ياسر ..: أنزين صوتي على ديمه وقولي لها تنزل ترانا تأخرنا ياسر في السيارة .

هيفاء بصراخ : ديوووووووووم .

أم ياسر تطقها على كتفها بخفيف ..: وجع وجع بشويييش ناديها ، أو أرقي فوق وناديها .

هيفاء وهي تمسكك كتفها ..: يمه أشلون تطقيني وأنا عرووس ..!!

أم ياسر ..: أقول ناديها بس .

ديمه وهي تربط شعرها ونازلة من الدرج ..: هذاني نزلت ، هيوفه وشوله هالصراخ كله ..! ترى يا ويلك من سعود إذا سمعك ، تعرفين هو ما يحب صوت أحد يطلع وهو نايم .

هيفاء وهي تحط يدها على فمها ..: يوووه نسيت ، يالله بس قبل لا ينزل ويشوتني .


ركبوا السيارة ..!

ياسر ..: يمه الله يصلحك ، تخليني ملطوع في السيارة عشر دقايق ..!

أم ياسر بحنية ..: والله ما كنت أدري أنك موجود في السيارة من أول ، وبعدين اللي أخرتنا هي ديوم .

ديمه وهي تزين برقعها ..: هي أنت ترى ما تضر 10 دقايق أو 20 دقيقة ، أنت فاتح هالمكيف ومشغل لي هالمسجل ، بالله وش اللي يحرق دمك دام عندك هذولا [ وهي تأشر على المكيف والمسجل ] .

ياسر ..: أقول ديوم ..!

ديمه ..: سم .

ياسر ..: عقبال ما أشوفك عروس .

ديمه ..: آمييييين يـا رب الله يسمع منك .

ياسر ..: هههههههههههههههههههه لهالدرجه تبغين تتزوجين .

ديمه ..: إذا الله بيفقكني من وجهك أنت وأخوك التمساح وأختك السحلية ، فـ أنا أبي أعرس .

هيفاء ..: ههههههههههههه صدق مجنونة .

ديمه تناظرها بنص عين ..: ما بحاكيك ولا بتطاق معك ، عالأقل خلي اليوم الأخير يكون فيه مودة بيني وبينك ، عشان ترسخ في ذاكرتي .
.
.
.
أم وافي ..: وافي يالله تأخرنا .

وافي وهو في المطبخ يشرب مويه ..: هذاني جاي ، أنتم أسبقوني لـ السيارة وأنا بشرب مويه وبجي .

دعاء ..: ياخي يالله المفروض أحنا ألحين عند الكوافيره .

وافي نزل من المطبخ ..: يالله أجل عجلوا .
.
.
.
(8:00 مساءً ) ..!

ديمه ..: هلا ياسر .

ياسر يكلمها بالتلفون ..: خلصتوا وإلا لسى ..؟

ديمه ..: أي كلنا خلصنا .. أنا وخالتي نوال وأمي ودعاء ، بس هيفاء لسى ما خلصت .

ياسر ..: ليه ..؟

ديمه ..: لأنها بدت آخر وحدة فينا وأصلاً شوي وبتخلص، المهم من بيرجعنا أنت وإلا سعود ..؟

ياسر ..: لا أنا بكلم سعود يجيكم ، لأني أنا ألحين في القصر أشوف أخر النواقص اللي يبونها ، إلا أسألي هيفاء ، جهزت شنطتها اللي بتسافر فيها وإلا لا ..؟

ديمه ..: لحظه . [ ودخلت الغرفة اللي موجودة فيها هيفاء اللي تسوي لها الكوافيره أخر اللمسات ] هيوفه .

هيفاء وهي مغمضه عيونها والكوافيرة تسوي لها مناكير فرنسي ..: همممممم .

ديمه ..: يقول لك ياسر جهزتي شنطتك اللي بتسافرين فيها وإلا لا ..؟

هيفاء تفتح عيونها وتناظر في هيفاء ..: بس بقى كم غرض بحطه ، وبعدين إحنا بكره بنسافر مو اليوم .

ديمه حطت الجوال على أذنها ونزلت برا ..: ياسر تقول بقى لها كم غرض .

ياسر ..: ليييييه ..؟ أسمعي أول ما يرجعكم سعود لـ البيت عشان تلبسون جهزوا شنطتها وجيبوا معاكم لبس لها عشان تروح المطار لأن وافي يقول أن الطيارة راح تكون الليلة الساعة 3 الفجر ، خلاص ..؟

ديمه ..: يعني هيوفه بتسافر اليوم ..؟

ياسر ..: أيه .

ديمه وبعيونها دموع بتطلع ..: يسور قول لـ وافي يأجل السفره الله يخليك .. ما نبي هيفاء تروح اليوم .

دعاء سمعت ديمه .. هي تدري أن وافي بيروح اليوم ، يالله والله راح نفقدهم ، ألتفتت على ديمه اللي تصيح ، أستغربت ..! وش في ديوم ..؟

دعاء مسكت يد ديمه بخوف ..: ديووم وش فيك ..؟

شافت ديمه اللي خرب مكياجها شوي من الدمعتين اللي نزلتها ..: هيفاء بتسافر اليوم وبتتركنا ..!

دعاء ..: ديوم لا يخرب مكياجك .. وبعدين كلها كم يوم وبترجع ، وبتشبعين من شوفتها . [ وناظرت في الجوال ] يالله كلمي ياسر .

ديمه وهي تمسح دموعها بالمناديل ..: لا كلميه أنتي ، مالي نفس أكلم أحد .

دعاء مسكت الجوال .. لازم تكلمه .. ديوم ما تبغى تكلمه ..

دعاء ..: ألووو

ياسر ..: مين ..؟ دعاء ..؟

دعاء ..: أيه .. بغيت شي ..؟

ياسر ..: قولي لـ أمي أو ديوم يجهزون أغراض هيفاء الباقيه عشان موعد الطيارة الساعة 3

دعاء ..: إن شاء الله .

ياسر ..: يالله في أمان الله .

دعاء ..: مع السلامه .

ألتفتت على ديمه ، شافتها ساكته ..

دعاء بـ ابتسامه ..: ديووم خلّص الفيلم الهندي حقك وإلا لسى ..؟

ديمه بـ ابتسامه ..: أقول عن المصاله .

دعاء ..: ههههههههههههه

ديمه ..: عطيني الجوال أكلم سعود وأقول له يجي ، وأنتوا من بيرجعكم ..؟

دعاء ..: السواق بيجي معه مشعل .

دعاء مدت لها الجوال ، وراحت تشوف هيفاء خلصت وإلا لا ..!
.
.
.
( في البيت ) ..!

سعود ..: يالله عجلوا .

ديمه وهي تطل على سعود ..: سعود أطلع شيل شنطة هيفاء .

سعود وهو يصلح الشماغ ويناظرها ..: ألحين قدامك كل هالرزة والكشخة والجمال ، وأخرتها تتركيني أشيل شنطة مثل حمالين الشنط ..!

ديمه وهي تناظره ..: عشتوووووا ..!! وبعدين محد يشوفك وأنت تشيلها إلا أنا وأمي ، فلا تخاف ما راح نعلم أحد .

سعود ..: أنتي أكبر مراسلة في الرياض لـ نقل أخبار بيت راكان الـ ...... ، تبغيني أحمّل قدامك ..؟

ديمه وهي تتأفف ..: سعود عن التفاهة ولا تأخرنا ، قول لـ السواق يجي ويشيلها .

سعود وهو يرفع حاجب ..: ديوووم وش هالكووشخه ..؟

ديمه ..: وقسم أنك أعمى ، أجل ما شفت هالكشخة إلا ألحين ..! صدق ما عندك ما عند جدتي .

سعود ..: لابو اللي يمدحك يا ديووم .

ومشى وهو ينادي على ( سيراج ) سواق البيت ..!

دخل ياسر وهو معصب .

ديمه ..: ياسر ..!

ياسر وهو يطلع الدرج ..: نعم ..!

ديمه ..: وراك ما لبست إلى ألحين .

ياسر ..: كنت في القصر أشوف أن كل شي مضبوط .. المهم بدخل أتسبح وأنزل ألقاكم جاهزين .

ديمه ..: إن شاء الله .
.
.
.
أم وافي وهي تبكي بصمت وتبخر والدها ..: الله يحفظك من العين ويستر عليك ويتمم عليك أنت وهيفاء ، ويرزقكم بـ عيال يبرون بكم مثل ما بريتوا فينا .[ وصوتها فيه خنقه ] والله راح أستاقلك يا وليدي .

وافي مبتسم على حنان أمه اللي ما أنحرم منه من يوم وهو صغير ..

مسك راس أمه وباسه وضمها ..: يممممه .. أنا راح أكون عندك أربع وعشرين ساعة فوقك ، متى ما أحتجتي لي دقي تلفون وأنا أجيك ، وشوله هالدموع بس .

أم وافي ..: والله دموع الفرح يا ولدي .. ما كنت مصدقة اليوم اللي بتتزوج فيه .

- الله وش هالكشخه وافي ، بسم الله عليك الله يحفظك من كل شر .

ألتفت على أخته .. هي بعد راح تفارقنا بعد شهر ، والفرق بيني و بينها أننا ما راح نكون في بيت واحد مثل أول ..!

وافي بـ ابتسامه ..: هلا والله بـ أخت أخوها .

دعاء وعيونها حمرا ضمت أخوها ..: ألف مبرووووك .

وافي بـ ابتسامه ..: الله يبارك فيك ، عقبالك .

دعاء ضمته بقوة ، ما تبغى تفقده ، بس هذي سنة الحياة ، وكل واحد راح يكون له طريق ..: وافي والله بفقدك .

وافي ..: ما تفقدين غالي إن شاء الله .

بعد أخته منه وناظر في عيونها اللي تايهة ، ممكن خايفة من اللي راح يجيها وأنا ماني موجود ..! ، كانت تشتت نظرها عن عيون أخوها ، ما تبغاه يشوف عيونها عشان ما تصيح في أي لحظه ..!

وافي ..: يالله نروح العرس .؟

دعاء بـ ابتسامه ودموعها في عيونها..: يالله [ وألتفتت وكأنها تدور أحد ..! ] إلا وين شعولتي ..؟

مشعل وهو نازل من الدرج بالبشت الأسود والشماغ الأحمر ..: هنا شعولتك .

ألتفتت على أخوها المغرور ، أبتسمت ، يا حليلك يا مشعل .. والله أنك رجال .

دعاء ..: الله على أخوي الرجال .

مشعل بـ ابتسامه تجنن ..: أعجبتك كشختي ..؟

دعاء وهي تفتح يدينها وتضمه ..: أنت كلك على بعضك تعجبني .

وطبعت على خده بوسه ..!

مشعل وهو يمسح الروج اللي جاء على خده ..: دعو خيير..! ، أنا رجال والمفروض ما تبوسيني .

دعاء تخوصرت ..: لا والله ، أجل أبوي ماهوب رجال يوم أبوسه ..؟

مشعل ..: حبيبتي أبوي يختلف ، أبوي اللي تبوسه بنته ، أما أنا اللي تبوسني هي أختي .

دعاء أبتسمت ..: أنزين خلاص خلصت ..؟

مشعل وهو يزين ياقة ثوبه ..: أيه بس أبي الوالده تبخرني .

وافي ..: أقول لا تسوي نفسك رجال بزيادة ، نادي أمي بـ يمه ، مو [ وهو يقلده ] الوالده .

أم وافي وهي تضم مشعل ..: مهما إن قال ، يضل في نظري رجال وعشرة منهم بعد .

- خلاص خلصتوا يا أم وافي ..؟

ألتفتوا على أبوهم اللي كان بجماله رغم التجاعيد اللي في وجهه .. اللي راح يطلع بلا شك شيخ العرس الكبيــر ..!

دعاء وهي تبوس راس أبوها ..: هلا يبه .

أبو وافي ..: هلا ببنتي .

دعاء وهي تناظره ..: قمر ما شاء الله ، قمر الله يحفظك ، تصدق يبه أنك راح تغطي على عريس الغفلة ..!

أبو وافي ..: ههههههههههههه لا وين أغطي عليه ، ما شاء الله هو اللي بيغطي على العرس كله ، حتى لو ما كان عريس .

وافي مسك ياقته وبغرور ..: أحم أحم .. سمعتي ..!

أبو وافي ..: وهي بتغطي على كل بنات العرس ، حتى زوجتك .

دعاء ..: ههههههههههههه سمعت .

وافي ..: لا يبه هيفاء محد يغطي عليها بجماله أبد .

شافوا سارة اللي تنزل بخجل وحاطه أصبعها بفمها ..

أبو وافي ..: وخروا عن عروسة أبوها .. هلا بـ الزيين كله ، هلا والله بـ حبيبة أبوها .

سارة وهي تمشي في الدرج بخجل ..: باااااابااااا .

وافي ..: ههههههههههههه يبه لا تغازلها تراها بتهاوشك .

نزلت بـ فستناها الأبيض المنفوش اللي فيه من الخصر شريطه زهر فيها ورود صغيرة لونها أبيض ، وعلى راسها طوق لونه أبيض فيه ورود زهر اللي معطيها براءة بشكل ما تتصورنه .

سارة وهي تدور وخدودها محمرة ..: بابا أنا حلوة ..؟

أبو وافي وهو مبتسم ..: قمر قمر .. تعالي أبي أعطيك بوسه .

راحت عنده وضمته بيدينها الصغيرة ..
.
.
.
- لا لا شنوا هالبدر اللي طل علينا فجأة .

سعود وهو جالس ومبتسم ..: أكيد بدر ، أجل وشوا تشوفيني .. هلال ..!

ديمه وهي تناظره ..: ياخي أحد حاكاك .

سعود وهو يناظر ياسر اللي نزل لـ الصاله ..: وع ألحين هذا أحلى وأكشخ مني ..!

ياسر يناظره بغرور ..: وأنت وش تبي ..؟ [ وألتفت على ديمه وهو مبتسم ] عيونك الأحلى .. وبعدين أنا طول عمري بدر ..

سعود بغيرة ..: لا واضح ..!
.
.
.
يتبــع

 

 

["خ ــآلِـد؛]

( في المطار ) ..!

كانت تمشي بكل ثقة لـ جهة البوابة اللي تنزلها لـ الرياض ، أبتسمت .. كانت تنتظر اللحظه اللي ترجع فيها لـ بلدها اللي كانت تموت فيها هي وأهلها ، وفي صديقاتها ، أبتسمت بحزن ، وينهم صديقاتي ..! محد يدري عني من يوم ما سافرت لـ أوروبا ..!

نزلت لـ الشارع اللي كانت فيه سيارة تنتظرها عند البوابة ..!

ملاك ..: هآآآآي جانق .

السواق الكوري بس يهز راسه ويتبووسم ^_^ ..

ركبت السيارة ، وما زالت الأبتسامة على شفايفها ، والله و وصلت لك يا ولد راكان ..! أكيد مستغربين من السواق اللي جاء عشان ياخذني من المطار صح ..؟ أقولكم هذا السواق تبع رجال أسمه عبد الرحمن الـ ....... بس يقولون له " أبو إبراهيم " ، هذا أبو إبراهيم اللي هو عبد الرحمن ، كان صديق بابا الله يرحمه ، واللي عرفتني فيه هي ميري اللي عطتني رقمه ، ولسى أكتشف أني أعيش على نفقته من يوم ما توفوا ماما و بابا ..!

أبتسمت يوم تذكرت المكالمة اللي كانت بينها وبين أبو إبراهيم ..!

ملاك ..: ألوووو .. عمي عبد الرحمن .!

عبد الرحمن ..: هلا .. ملاك ..؟

ملاك بـ ابتسامه ..: أيه عمي أنا ملاك .

عبد الرحمن ..: كيفك ..؟ إن شاء الله عايشه تمام ..؟

ملاك ..: أي الحمد لله .. [ وبـ ابتسامه ] أشلون عرفتني ..؟

عبد الرحمن ..: ههههههههههههه مو ميري اللي كلمتني قبل شوي وقالت تبغاك ملاك ..؟

ملاك بخجل ..: أوووو صح نسيت ..

عبد الرحمن ..: تقول لي ميري أنك تبغين ترجعين لـ الرياض ..!

ملاك ..: أي عمي .. أنا أبي أرجع الرياض بس ما عندي أحد في الرياض يدلني .

عبد الرحمن ..: أفا وأنا عمك .. تبغين أي مساعدة أنا عندك ، أنتي بس أمري يا بنت الغالي .

ملاك ..: الله يسلمك ، أبي منك مساعدتي في أني ألقى سكن هناك ، وبرضوا أبي أعيش في آمان .

عبد الرحمن ..: وأنا راح أساعدك ، أشرايك تجين وتعيشين عندي أنا وبنتي مها ..؟

ملاك ..: عمي بس هذي فيها كلافه ، وبعد بكون مضايقة عليكم .

عبد الرحمن ..: لا فيها مضايقة ولا شي ، أنتي راح يكون لك جناح مخصص هناك ، وعندك الخدم والحشم يلبون كل طلباتك ، وبعد عندك بنتي مها بتسليك وبعد هي مثل عمرك .

ملاك بـ إحراج ..: عمي والله ما أدري أشلون أشكرك ، أنت ساعدتني كثير .

عبد الرحمن ..: إلا متى أنتي رحلتك ..!؟ عشان أرسل لك السواق ويجيبك إلى بيتي .


أبتسمت بحنان ، طول عمري ما راح أنسى فضل الله علي ثمن فضلك يا عم ..
.
.
.
( في مكان ثاني ) ..!

- لاآآآآ والله ..! أستغفر الله بس ، أنا ما راح أستقبلها ، ما بقى إلا بعد ملاكووه وأستقبلها .

عبد الرحمن ..: البنت بتجي ألحين روحي ألبسي وقابليها ، على الأقل بيضي وجهي شوي .

مها وهي تتأفف ..: أف بس [ وألتفتت على أخوها اللي قاعد وماسك جوالها ] أقول إبراهيم وش رايك تستقبلها أنت ..؟

إبراهيم اللي كان لابس بنطلون شرت بيج وبلوزة سودا جبونيز مكتوب عليها بالإنجليزي وشعره الأسود اللي يوصل إلى أكتافه ، رفع نظره لها وبعيونه الحادة ..: والله أنا ما عندي مانع ، لو تبين أدخلها إلى جناحها أو غرفتها حقت النوم بدخلها ..!

مها تناظره بقرف من طرف خشمها ..: ياخي أستح على الأقل قدام أبوك .

إبراهيم ضحك بقوة ..: هههههههههههههههههههه ، قالت إيش ..! قالت أستح على الأقل قدام أبوك ، [ ويضحك أكثر من أول ]هههههههههههههههههههههههه أنتي بالأول أحترميه يوم قعد يترجاك تستقبلين البنت ولو 5 دقايق .. [ وبصراخ ] جايه تعلميني الأحترام يا حيوانه .

مها بـ عصبيه تكلم أبوها ..: ومتى بتجي ..؟

عبد الرحمن ..: بعد ربع ساعة أو نص .

مها وهي تطلع على الدرج وتضرب برجلينها بقوة على الأرض ..: أف أف يا شينها هالمغروره ، ولا وبعد بتقعد معنا طول حياتنا ..!
.
.
.
( في القصر ) ..!

انطفأت الأنوار .. وأشُعلت الشموع .. لتعلن دخول عروسة الليلة .. كانت قمة في الجمال بـ فُستاناً أبيض اللون .. يمتاز بفكرته الخيالية ، الجزء العلوي من الكريستال ، والجزء السفلي فتوجد به طبقات من الساتان .. أما الطرحة الخاصة بالفستان التي تمتاز بفكرتها الغربية ، التي يأتي طولها إلى أكتافها تتداخل فيها نقوش من الورود البيضاء..!

كانت تمشي بكل ثقة ، بعد ما قرت على نفسها المعوذات .. كانت تبتسم أحلى أبتسامه على أنغام ليلتها .. كيف لا تبتسم على هذه الليلة وهي التي سوف تقودها هي وحبيبها تحت سقف واحد ..!

كانت تنفذ أوامر المصورة اللي قدامها و تبتسم وهي تتخيل أن بعد هالزفة راح تكون هي وأياه لوحدها وفي بيتها ..!

ناظرت في أمها اللي كانت مبتسمة بحنان .. رجعت نظرها لـ الكاميرا بـ ابتسامه ولا أحلى .

..: حد منكم شاف في الدنيا بدر *** مقبلٍ يمشي و من حوله بشر

من حلاه يزف للناظر ضياه *** إن ظهر للناس و لا ما ظهر

هذا ما هو بدر ليل يختفي *** مع طلوع الصبح و بزوغ الفجر

أو بدر يصبح بعد مده هلال *** هذا بدر مكتمل طول الشهر

هي عروس النور في هذا الزمان *** هي ملاكٍ بس في صورة بشر

من غلاها أنقول صلوا على الرسول *** يا اللي شفتوها بقلبٍ أو نظر

الله يا نور في ها الدنيا نراه *** مستحيل إن نشوفه في بشر

و التقت شمس الظهيره بالقمر ..

و في محياها بدى الصبح بضياه *** مشرقً و خدودها واحة زهر

و العيون اللي كما عين المهاه *** تمتزج فيها البراءة بالسحر

الليله .. الليله محلاها الليله *** الليله .. الليله حلوة و جميلة ..
.
.
.
.
شافت أنوار القصر مفتوحة ، أبتسمت ، أخيراً وصلت .. بس إن شاء الله ما أكون أضايقهم بشي ..!!

دخل السواق السيارة في الحوش الكبير تبع أبو عبد الرحمن .. نزلت من السيارة وهي تشيل الطرحة عن شعرها ..! شافت الباب ينفتح وتنزل منه بنت ، ناظرت في هالبنت .. يا الله كأني أعرفها ..! بس ما أذكر بالضبط من هي ..؟

مها بـ ابتسامه غرور ..: أهلين ملاك .

ملاك بـ ابتسامه ..: أهلين .

قربت لـ جهة الباب وهي مبتسمه ، مدت يدها لـ مها ، سلمت عليها مها من غير نفس ..!

دخلت مها .. و وراها ملاك..

ملاك بتردد ..: أأ... وش أسمك ..؟

مها ألتفتت لها ..: لهالدرجة ما تعرفيني ..!! أنا مهـا

ملاك عقدت حواجبها ، أي أدري أنها مها ، بس من باب التعارف أسأل عن الأسم حتى لو أني أعرفه ، صح ..؟!!

مها بعد ما وصلت لـ الدرج ..: شوفي سيتي بتوصلك لـ جناحك .. وأي شي تبغينه دقي تلفون على المطبخ وراح تكلمك سيتي ، لأن سيتي راح تكون شغالتك .

ملاك بلطف ..: ثانكس .

مشت عنها مها .. وتركتها تروح مع الشغالة ..! ناظرت ملاك مها بقرف .. وجع كأني شغالتها وأنا ما أدري ..!!

طلعت لـ الدور الثاني .. كانت تتأمل البيت اللي دخلت له .. واااااااو صراحة ولا بيت أمراء بـ الأثاث الفاخر .. وبرضوا أثاثه كان كله غربي ..!! غريب صراحة اللي أعرفه أن أي سعودي أكيد راح يخلي شي في بيته عربي .. حتى لو كان شي ما يسوى ..!

شوي إلا خبطت في شي قوي ..!

مسكت كتفها بقوة وهي تتألم ناظرت في الشخص اللي خبطها .. شافته يمشي ولا كأنه مسوي شي وحتى ما شافت وجهه ، بس شافت ظهره ..! ظهره يفكرها بأحد كان معها في إيطاليا ..!

- الحمد لله على السلامه ملاك ..!

حدقت بعيونها .. هذا الصوت تعرفه زييييين ، إلا وش أسم ولد عبد الرحمن ..؟ لاااااا ، لايكووون ......!

ملاك بشك ..: إبراهيم ..؟

ألتفت عليها وهو رافع حاجب ومبتسم..: زين أنك أفتكرتي ملوكه .

شهقت شهقة خفيفة .. وأنصدمت .. ما كانت تتوقع أنه هو بشحمه ولحمه .. أو بالأصح ما كانت تتوقع أنه ولد عبد الرحمن .. هذا صايع بكل معنى الكلمة .. حقير وكل يوم معه بنت ، والمشكلة أنه مرة بغى يعتدي عليها في إيطاليا ..! لكن اللي أنقذها هو ياسر يوم أستنجدت فيه ..! حست برعشة بجسمها وهي تشوفه يناظرها من فوق لـ تحت ، صدق حقير ..

نزل سيجارة من بنطلونه الشورت البيجي ..: كيفك ..؟

ملاك ..: تمام .

إبراهيم وهو ينفخ السيجارة من فمه ..: إلا قولي لي وش جابك لهنا ..؟ مو أنتي قلتي إنك ما راح تطبين السعودية ..!

ملاك ..: هذي بلدي .. ولازم أجي وأشوفها .

إبراهيم ..: هههههههههههههههههه بلدك اللي ماهي متحررة على قولتك ..! بلدك اللي فيها الأنثى ما تفتش و تعيش حياتها على قولتك ..! [ وبنظره حاده ] أشوفك جيتيها مثل الكلب .

ملاك ناظرته .. هذا الكلام معه ضايع .! حطت الطرحة على راسها .. ألحين تذكرت من هي مها .. ألحين عرفت من هذولا اللي دخلت عندهم .. ألحين توها تدري ليش أمهم مالها أي صوت .. أتاريها مطلقة من يوم ما جابت مها ..! كل المعلومات القديمة عن أبو إبراهيم عرفتها .. أو بمعنى أصح تذكرت من هي عائلة أبو إبراهيم ..!
.

 

 

["خ ــآلِـد؛]

*) الجزء الثاني (×'¨*


كانت تناظر في أخوها اللي كان يمشي من بين عمها وأبوها و ياسر و سعود ، كانت الأضواء مسلطة عليه .. أبتسمت أكثر يوم شافت أخوها أبتسم .. حست بيد أحد على كتفها ..! ألتفتت .. شافت ديمه مبتسمة.. ابتسمت في وجه ديمه .. رجعت نظرها لـ الكوشة ..

البنت الأولى ..: يختي شفتي هذاك الولد اللي لابس غتره بيضا ..؟

البنت الثانيه ..: العريس ..؟

البنت الأولى ..: لاآآ مو العريس .. الشاب الثاني .

البنت الثانيه ..: أيه .. وش فيه ..؟

البنت الأولى ..: وااااااااااااي يجنن .

البنت الثانية ..: من جد يجنن ..! ياحظ اللي بتاخذه .

دعاء جلست تدور بعيونها في الكوشة على اللي لابس غتره بيضا .. شافت ياسر هو اللي لابس غتره بيضا .. ألتفتت على البنات وهي تناظرهم بقوة .. خير يغازلونه قدامي ..!!

ديمه ..: دودو شوفي هذولي البنتين يغازلون رجلك .

دعاء بقهر واضح من عيونها ..: صدق ما يستحون .

ديمه ألتفتت على البنتين اللي كانوا يناظرون دعاء ..

ديمه ..: هي أنتي وأياها .. تراكم تتكلمون على رجل هذي .. [ وهي تأشر بـ أصبعها على دعاء ] ..

دعاء ناظرت فيهم بغضب .
.
.
.
( على الكوشة ) ..!
أبو ياسر وهو يبوس راس بنته ..: ألف مبروك يا بنتي .

هيفاء بخجل ضمت أبوها ..: الله يبارك فيك يبه .

أبو ياسر وهو يكلم وافي ..: حط بنتي في عيونك .. ترا هذي هيفاء .

وافي ..: عمي أنا أحطها في عيوني وأسكر عليها .

هيفاء أبتسمت بخجل ..

ياسر ..: مبرووووك يالنسيب .

وافي وهو يسلم على ياسر ..: الله يبارك فيك .. [ وبـ ابتسامه ] جايك الدور .. كلها شهر واحد .

ياسر ..: هههههههههههههههه الله يتمم على خير ..

وافي أبتسم ..

ناظرت في أخوها .. شافت في وجهه أبتسامه شاحبة .. ناظرت في عيونه .. ضمها بقوة ..: ألف مبروك هيفاء .

هيفاء وهي تدمّع ..: الله يبارك فيك ..

بعد عنها وهو يبتسم .. مسح دمعتها بـ أصبعه ..: وشوله هالصياح ..؟

هيفاء وهي تناظره و تبكي ..: ياسر أنتبه على نفسك ..

أبتسم وهز راسه بعلامة " طيب " .

سعود ..: ياخي وخر .. تراها هي بعد أختي لو تدري .

هيفاء أبتسمت ..: هلا بـ أخوي الثاني .

سعود ضم أخته ..: مبروووك هيوفه

هيفاء وهي مبتسمه ..: الله يبارك فيك سعود .. عقبالك .

سعود ..: هههههههههههههههه في أحلامك يا حلوة

هيفاء أبتسمت بس من دون ما تعلق ، يكره الزواج والمسؤولية بشكل ما تتوقعونه
.
.
.
قفلت باب الجناح بالمفتاح مرتين بعدما طلعت سيتي .. أبغى أحس بالأمان .. بس للأسف .. وجودي مع إبراهيم في بيت واحد .. هو بحد ذاته مو أمان ..

مشت لـ غرفتها .. وأنسدحت على السرير .. تدرون وش أحس فيه ألحين ..! أحس أني فرحانة .. لأن جسمي يلمس نفس الجو اللي يلمسه ياسر ..! ههههههههههههه أكيد بتقولون هذي مجنونة ..! يمكن مجنونة .. لكن مجنونة بحبه .. عشان كذا أنا وصلت له .. حتى لو راح لـ أخر الدنيا بكون وراه ..!

جلست تفكر باللي راح تسويه ، ما تدري .. قلبها مو مطاوعها تسوي كذا .. لأنها راح تأذي زوجته ، ويمكن تأذي أهله ..! لكن هي تبغى تحرق قلبه مثل ما حرق قلبها .. جلست تفكر وهي تناظر في السقف .. لكن سرعان ما داعب النوم أجفانها .. ونامت ..!
.
.
.
في المكان المخصص لـ موقف سيارة العريس ..!

- هيووفه لا تروحين تكفين .

هيفاء وهي تضم ديمه ..: حبيبتي ديوم عن حركات البزران حقتك .. كلها كم أسبوع وأكون عندكم .

ياسر ..: ديوم يالله ترى ما بقى إلا ساعة إلا ربع على الطيارة [ وألتفت على هيفاء ] زين أنك غيرتي ذاك الفستان .

هيفاء ..: ليه وش فيه ..؟

ياسر وهو مبتسم ..: بالله فيه أحد يروح المطار بفستان زواج ..؟

دعاء جات تركض وهي ناسية أن ياسر موجود ..: هيووفه .. خذي .

هيفاء شافت علبة صغيرة مغلفة بـ ورق تغليف الهدايا ..!

هيفاء وهي مبتسمه ..: شنوا هذا ..؟

دعاء وهي تبتسم ..: هدية عشانك يا دوبه .

هيفاء بضحكة ..: لي ..؟

دعاء ..: لا لأمي ..! [ وبضحكه ] يعني مديتها لك تبغينها لـ مين ..؟

هيفاء ..: مشكووره حبيبتي .

دعاء وهي تضم هيفاء وخشمها بدأ يحمر و عيونها وحواجبها ..!

دعاء وبصوت فيه الصيحه ..: هيوفه والله راح أشتاقلك .

هيفاء وهي مبتسمه ..: تشتاق لك العافية .. دودو خلاص .. ترى والله شكلي غلط إذا صحت

دعاء تبعد عنها وهي تبتسم ..: إلا وين وافي ما شفته ..؟ أبي أسلم عليه .

ياسر ..: تبغين تسلمين عليه ..؟

دعاء ألتفتت عليه ، كان قدامها بس هي ما أنتبهت له ..!

دعاء مسحت دموعها بكف يدها وهي تناظره ، لأنه كان يناظرها وكأنه يتفحصها ، وجع هذا ما يستحي كذا يناظرني .!

دعاء ..: أيه .. ألحين بدق عليه .

ديمه ..: أنزين بروح أجيب عباية هيفاء .

وافي وهو جاي ..: يا الله ياسر .. مشينا ..؟

ياسر وهو يناظره ..: وين يالأخو .. خلوا سعود يوديكم .

وافي ..: طيب سعود وينه ..؟

ياسر ..: مدري ، دق عليه .

وافي وهو يطلع من جيبه الجوال ..: أنزين [ وألتفت على دعاء ] دعاء نادي أمي و خالاتي أبي أسلم عليهم .

دعاء وهي رايحة ..: إن شاء الله .
.
.
.
.
وصلت لـ الطاولة اللي موجود فيها خالاتها والبنات ..

دعاء وهي تضم أمها من ورا ..: مامي .. يقول وافي تعالي أنتي وخالاتي يبغى يسلم عليكم .

أم وافي ..: إن شاء الله .

موضي ..: دعاء .

ألتفتت عليها دعاء ..: هلا .

موضي ..: وش هالشياكة والكشخة اليوم ..

دعاء بخجل ..: ههههههههههههه حلو ..؟

موضي ..: روووعه ما شاء الله .

دعاء ..: عيونك الحلوة .

نورس ..: والله راح نفقدها هالهيفاء .

هنادي ..: أي والله .. يا الله الله يسعدها .

دعاء وهي مبتسمه .: آمين ، بنات أسمعوا بروح أسلم عليهم وأجي ..

موضي ..: خذي راحتك .
.
.
.
هيفاء ..: تسلمين يا خالتي .

أم فيصل ..: أنتبهي على روحك ..

هيفاء بـ ابتسامه ..: إن شاء الله .

أم فيصل ألتفتت على ياسر اللي كان متركي على السيارة ويناظر في أصابع يدينه .

أم فيصل تناديه ..: يااااسر .

ألتفت ياسر لها و أبتسم ، قرب لـ عندها وباس راسها ..

ياسر ..: كيفك يا خاله ..؟

أم فيصل ..: تمام .. أنت وش أخبارك ..؟

ياسر ..: والله الحمد لله .

أم فيصل ..: وينك ما زرتني وما قلت عندك خاله تسلم عليها .

ياسر ..: والله مشاغل الدنيا ، حتى تخليك تنسين نفسك .

أم فيصل ..: ههههههههههههه الله يعين .

ياسر ..: آمين .

ألتفت ، شاف أمه تصيح وهي تضم هيفاء .. أبتسم .. والله هالحريم على طول تيار الدموع ينزل من غير ما يوقف ..!

ياسر ..: يمه الله يهداك .. ألحين بدل ما تسكتين ديوم قاعدة تبكين .[ قرب لعندها وباس يدها ] يمه .. كلها كم يوم وبترجع .

أم ياسر ..: والله قلبي ما يطاوعني تروح وتتركني .. لكن الشكوى لـ الله .

وافي ..: يا خالتي والله والله أحلف لك أني بحطها في عيوني .. [ وناظر في هيفاء اللي كانت تبكي .. وأبتسم ] ترى هذي هيفاء مو حيا الله .

أم ياسر ..: وأنا واثقة فيك .. إذا ما وثقت فيك ما كان عطيتك بنتي من زمان .

وافي ..: الله يسلمك .. [ وألتفت على أمه ] إلا يمه وين سارة و دعاء ..؟

أم وافي ..: هي قالت بتروح تجيب سارة وبتجي تسلم عليك .

دعاء وهي تمشي ومعها سارة ..

وافي أبتسم ..: سويره وينك ما شفتك اليوم إلا في البيت ..!

سارة جات تركض وضمت أخوها بقوة ..: وافي حبيبي وين بترووح ..؟

وافي وهو يضمها بقوة ..: بسافر .

سارة وهي تناظره بعيونها الواسعة العسلية المتفاجأه ..: لحالك ..؟

وافي ..: معي هيوفه .

ناظرت في هيفاء وأبتسمت ..: حلاص روح بس ترى تجيب لي هدية .

ياسر أبتسم .. يا حليلها والله .. أول مرة أسمع صوتها ..! دائماً مستحية وما تسلم علي إلا بالموت .. وإن سلمت لا تتكلم ولا تسمع ولا تناظر ..!!

وافي ..: ههههههههههههههه بجيب لك هديتين مو هدية .

ألتفت على أخته ..: يالله دعاء مع السلامه .

دعاء وهي تضمه و تبتسم ..: مع السلامة .. وأنتبه على نفسك وعلى هيفاء .

وافي وهو مبتسم ..: إن شاء الله .

كانت تتابع خطواتهم وهم يركبون السيارة ، أضطرت أنها تبتعد من هنا لأن سعود راح يدخل ويشيلهم .. لوحت لهم بيدها تودعهم وتدعي في نفسها إن الله يحفظهم ويوصلهم بالسلامة ..
.
.
.
يتبــع رجعت لـ وسط القصر .. شافت ديمه وهي حاطه راسها على الطاولة ، يا حليلك يا ديمة مسويه فيها أمس أنها ماهيب مهتمة بروحة هيفاء ..! جلست جنب ديمه .

دعاء ..: ديوووم ..!

ديمه وهي حاطه راسها على الطاولة ..: نعـم ..!

دعاء ..: أشرايك اليوم تنومين عندنا ..؟

ديمه رفعت راسها ..: لا .. أنتي تعالي عندنا .

دعاء ..: لا .. أنتي تعالي عندنا .. لأن ما فيه أحد تتغطينه ، وافي و سافر وما فيه إلا أبوي وأمي ومشعل وسوير .

ديمه ..: حتى أنا .. تو يوم كلمت سعود ، قال أنه ما راح ينوم في البيت .

دعاء ..: غريبة .. ليــه ..؟

ديمه ..: يقول أن أخويانه بينومون في الإستراحه وهو بيروح عندهم .

دعاء ..: وأخوك ياسر ..؟

ديمه تخوصرت ..: أقول .. لا يكون تتغطين منه ..؟

دعاء بخجل ..: لا بس أستحي أجلس قدامه .

ديمه وهي متنرفزه ..: دودو .. شوفي والله اليوم راح تنامين عندنا .. [ وبـ ابتسامه ] أنا حلفت .

دعاء وهي فاتحه عيونها عـ الأخر ..: خيييير .. هو على كيفك تحلفين ..؟

ديمه بـ ابتسامه ..: أيه على كيفي ، أنـا ديوم .. يالله بلا دلع وروحي قولي لـ أمك أنك راح تنومين عندها .

دعاء وهي تناظرها ..: ما أبي .. مو أنتي اللي غصبتيني أنوم عندكم [ وهي تحرك حواجبها ] أجل روحي وأستأذني منها أنتي .

ديمه وهي تقوم و بغرور ..: ولا يهمك .. أنا أمووون عند خالتي .

دعاء ..: ههههههههههههههه أوووكي بنشوف يا حلوة .

ديمه وهي تسحب دعاء مع يدها ..: قومي طيب .

جلست تضحك على حركات ديوم ، هذي بنت مجنونة ، بس يا رب أمي ما توافق ، صراحة أنا مالي خلق أشوف وجهه ..!
.
.
.
( في المطار ) ..!

وافي وهو يسلم على سعود ..: يالله أجل في أمان الله .

سعود بـ ابتسامه ..: مع السلامه .

هيفاء وهي تسلم على سعود ..: سعود أنتبه على نفسك .. أوكي ..؟

سعود ..: ههههههههههههه لا توصين حريص ..

وافي ..: توصي على شي ..؟

سعود ..: أبي سلامتكم .. تروحون وترجعون بالسلامة .

وافي ..: الله يسلمك .
.
.
.
مها متفاجأه ..: تعرفها ..؟

إبراهيم ..: أيـه .. [ وهي يناظر في الفراغ ] بس أنا مستغرب من شي واحد بس ..!

مها وهي تجلس جنبه على الكرسي ..: من وشوا ..؟

إبراهيم ..: هي دائماً معها واحد أسمه ياسر .. غريبة رجعت وتركته هناك .

مها ..: هو سعودي هذا اللي أسمه ياسر ..؟

إبراهيم ..: أيه .. يعني هي من حركاتها اللي عرفتها أنها ما تقدر تستغني عنه هالحيوان .

مها وهي تخمن ..: يمكن رجعت يوم هو رجع .. مو أنت تقول أنها ما تطيق السعودية ..!

إبراهيم وهو يناظر أخته ورافع حاجب ..: يمكن .. ليش لا ..!
.
.
.
.
ديمه ..: خالتي الله يخليك خلي دعاء تنوم عندنا الليلة .

أم وافي ..: والله كيفها إذا هي تبغى تنوم عندكم ما عندي مشكلة .

ديمه وهي تضحك و تناظر في دعاء .: هههههههههههههههههه شفتي أنتي ووجهك أني راح أخليك تنومين عندنا .

دعاء وهي تتكتف وتناظر في ديمه بقهر ..: أنزين متى بتروحون ..؟

ديمه وهي تناظر الساعة الألماس اللي في يدها ..: مدري .. ياسر يقول الساعة 2 راح نرجع .. وألحين الساعة 2 .

أم ياسر ..: ديوووم .

ديمه ..: هلا يمه .

أم ياسر ..: دقي على أخوك وقولي له يجي .. تراها الساعة 2

ديمه ..: أوكي .

جلست تفكر .. ما تدري تروح عندهم وإلا لا .. هي خايفة يصير شي بينها وبينه ..!
.
.
.
.
( في الطيارة ) ..!

وافي بـ ابتسامه ..: ألف مبروك يالغلا .

هيفاء مبتسمه من تحت النقاب ..: الله يبارك فيك .

وافي وهو ماسك يدها ..: والله ماني مصدق أنك خلاص صرتي زوجتي .

هيفاء ..: وافي .. ألحين إحنا في طيارة وقدام العالم .. بليز بلاش هالحركات ألحين .. خلاص ..؟

وافي ..: ألحين وش دخلهم فيني ..! أنا حر أسوي اللي أسويه .. مالهم دخل .. بس حسابك بعدين [ ويناظرها بـ ابتسامه ] بس خلينا نوصل بالسلامة .

هيفاء ولع وجهها ..!!

هيفاء تضيع السالفة ..: وافي .

وافي وهو مبتسم ..: عيونه .

هيفاء ..: تسلم لي عيونك ، مو أنت قلت أن السفر راح يكون بكرة ..! ليش قدمتها ..؟

وافي ..: والله ما لقيت حجز لـ بكرة [ وبـ ابتسامه ] و الحمد لله حصلت اليوم وفي الوقت المناسب .

هيفاء ..: ههههههههههههه أي والله في الوقت المناسب .
.
.
.
ركبت السيارة بصمت .. ما تدري ليه هي مستحية كذا ..!

دعاء وديمه ..: السلام عليكم .

ياسر و أم ياسر ..: وعليكم السلام .

أم ياسر ..: وراكم تأخرتوا .

ديمه ..: لا بس أخذت شريط الزفة من المصورة .. وش دراك يمكن تنسخة و تنشره لـ العالم .. عاد أختي ما شاء الله قمر [ وهي تسوي نفسها معصبة ] لكن مو من المصورة .. من هالهيفاء الخبلة .. ما صدقت على الله تشوف حبيب القلب وعلى طول نست نفسها ونست الشريط وذلفت ..!!

دعاء حطت يدها على فمها عشان ما تضحك بقوة ..!

ياسر ..: هههههههههههههههه يا الله يا ديوم ألحين كل هذا ومتحاملة على هيوفه المسكينه .

أم ياسر ..: الله يوفقها إن شاء الله .

ديمه ..: يمه .

أم ياسر ..: هلا .

ديمه وهي تناظر دعاء ..: شفتي دعاء .

دعاء وهي تناظر ديمه .. وش بتقول هالخبلة ..؟!

أم ياسر..: وش فيها ..؟

ديمه وهي مبتسمه .: مسوية فيها تتغلى علينا وما رضت تنوم عندنا إلا بعد ما حلفت .

أم ياسر مبتسمه ..: لييه ..؟

ديمه ..: مدري .. أسأليها .

دعاء وهي منحرجة ومعصبة في نفس الوقت .. مسكت كتف ديمه وقرصتها بقوة ..! ^_^

ديمه ..: آآآآآآآآآآي .

دعاء وهي تكلم ديمه بشويش ..: أحسن يالفضيحة .

أم ياسر ..: وليه يا دعاء ما بغيتي تنومين عندنا ..؟

دعاء وهي منحرجه مرررة ..: لا أبد خالتي .. بس قلت بضايقكم .

أم ياسر ..: ما فيها مضايقة .. على الأقل ونّسي ديوم .

ديمه ..: أي والله البيت ممل من دون هيفاء [ وألتفتت على ياسر ] يـسور حبيبي .

ياسر وهو مركز على الطريق ..: نعم ..!

ديمه ..: الله يخليك نفسي في باسكن .. الله يعافيك أشتري لي والله جوهانه .

ياسر ..: ليه ما أكلتي في القصر ..؟

ديمه ..: مالي نفس في العشا .. بس نفسي في أيس كريم .

ياسر وهو يناظر الساعة اللي في يده ..: ألحين الساعة 2 .. تلاقينهم مسكرين .

ديمه ..: لا ما يسكرون .. باسكن 24 ساعة مفتوح .

أم ياسر ..: ياسر إلا وين أبوك ..؟

ياسر ..: رجع من زمان لـ البيت .

أم ياسر ..: ليه عسى ما شر ..؟

ياسر ..: لا ، هو سلم على وافي و هيفاء وبعدها راح .. يقول أنه يبغى يروح الشركة بكرة مبكر .[ وألتفت على أمه ] والمشكلة أني أنا بعد بروح مبكر .

أم ياسر ..: ليه ..؟

ياسر ..: لأن وافي ماهوب موجود ، وبعد هالخبل سعيويد ماخذ إجازة .. يقول يبغى يسهر مع أخويانه .

أم ياسر ..: الله يعين .

ديمه ..: أف فكه البيت من دونه جنان .

أم ياسر ..: الله يصلحك بس .. ألحين البيت من دون سعود حلو ..! إلا يجيب المرض .

ديمه ..: وأنا وين رحت ..؟

ياسر ..: أنتي ما غير تنومين و أول ما تصحين من النوم على طول صاروخ عـ النت .. يعني ما نشوفك كثير .

ديمه ..: لا والله ..! والله العظيم أني أنطق في الصالة أبي أسولف مع أحد ما ألاقي ..! أضطر أني أسولف مع الشينة سولينيا .

ياسر ..: ههههههههههههه .

كانت تناظره في المراية اللي قبالها .. أول مرة في حياتها تشوفه يضحك .. أسنانه كانت حلوة .. مرصوصة رص ^_^ .. وإلا عيونه الواسعة .. صراحة من دون مجاملة اليوم طالع حلو .. يا الله والله أني ما أستحي قاعدة أناظر فيه .. بس لا تفهمون غلط أنا قاعدة أقول لكم شكله اليوم ..!

ياسر ..: وهذاني وقفت عند باسكن .. يالله ديوم وشوا تبغين ..؟

ديمه ..: أكيد توفي .

ياسر يناظر دعاء من المراية ..: ودعاء ..؟

رفعت عينها لـ المراية .. شافته يناظرها ..

ديمه ..: دعاء وش تبغين أيس كريم ..؟

دعاء ..: لا ما أبي شي .

ياسر ..: يمه بغيتي باسكن .

أم ياسر ..: لا عليكم بالعافية مالي نفس .
.
.
.

 

 

["خ ــآلِـد؛]

×•× البارت السابع ו×

" لو يسألوني .. ما راح يلاقون مني إجابة "..!

ר'*( الجزء الأول )×'¨*

( في الاستراحة )..!

مهند ..: سعود ، قبل ساعتين جاء أحمد لـ هنا .
سعود وهو رافع حاجب ومتعجب ..: وش يبغى ..؟
سالم وهو يناظر في مهند ..: يقول أنه يبغاك تزوره لحالك .
سعود يناظر فيه ..: وش يبغى فيني ..!
مهند ..: لا تروح عنده .
سعود بتعجب ..: أي طيب ليـه ..؟
مهند بعصبيه ..: ياخي أنت صاحي تروح له ..! ما تخاف يسوي فيك شي ..! هذا واحد راعي مخدرات .
سعود ..: بس لا تنسى كان واحد مننا .
سالم ..: قلتها .. كاااان مننا ..! وكان فعل ماضي ، و ألحين هو تغير ، تغير وصار مع شلة يوسف .
سعود وهو يشرب بيبسي ..: لا تخافون ما يقدر يسوي شي .
سالم و مهند ناظروا في بعض بـ دهشة ..!
سالم ..: سعود ما تذكر يوم طقك بالعجرة ..؟ وقعدت في المستشفى يمكن أسبوعين ..! تبغى تروح له مرة ثانية عشان يكون أخر يوم في عمرك ..!
سعود ..: ههههههههههههه سالم الله يصلحك ، تراك مكبر السالفة على غير سنع [ وبجدية ] ذيك المرة أنا تعمدت أني ما ألمسه ، والسبب اللي منعني من أني أضربه هي العشرة سنتين ، لكن هالمرة أنا ما راح أسكت له إن سوى شي ، وبعدين هالمرة راح أتكلم أنا وأياه ونشوف وش أخرة هالحركات هو وأخويانه .
دخل عبد الله لـ وسط الخيمة اللي مجتمع فيها ( صالح * سعود * مهند ) ..
عبد الله ..: شبـاب بتلعبون بالوت ..؟
سعود وهو يتربع ويصفق بحماس ..: أيه .. يالله تعال أنت والشلة الباقية نبي لعب سنع ..!
.
.
.
( بيت أبو ياسر ) ..!


دعاء وهي تطلع الدرج ورا ديمه ..: ديووم ما عندك بيجاما ألبسها ..؟
ديمه ..: إلا ، خذي من حقي وإلا من حق هيفاء .
ديمه وهي تفتح الدولاب اللي في غرفتها ..: أممممم تصدقين مقاسي أكبر من مقاسك بشوي ..! [ وهي تلتفت على دعاء ] أمشي نروح غرفة هيفاء ، راح ألقالك بيجاما من عندها ، لأن جسمك زي جسمها .
دعاء ..: مو مشكلة إذا كانت وسيعه ، عادي .. واللي يسمعك يقول أنك مررة دبه .. ترى الفرق بيني وبينك يمكن [ وهي تخمن ] أمممم 15 كيلو ..!
ديمه تناظر دعاء بغيض ..: في عييييينك يا عود الخيزران ، يمكن أسمن منك بـ 10 كيلو بس ، إلا تعالي .. كم وزنك .؟
دعاء ..: ههههههههههههه مالك دخل .. بس أسمعي إن ما طلع شي يناسبني ، ترى بيجيك شي ما يسرك .
ديمه وهي تفتح باب غرفة هيفاء ..: لا ، لا تخافين راح ألقالك .
وفتحت الدولاب حق هيفاء .. نزلت منه بيجاما برمودا لونها سماوي مع أبيض ، البلوزة مخططه بالعرض بالسماوي و بالأبيض .. والبرمودا سماوي سادة .
دعاء وهي تناظر البيجاما ..: ديوم يا حمارة ، تبغيني ألبس كذا عند أخوك ..؟ يالتافهة هذي مرة ضيقة ..!!
ديمه تخوصرت ..: لا بالله ..؟ أقول ألبسيها بلاش حركات مبزرة ، وإلا ترى تنومين بفستانك .
دعاء ..: أنزين أبي أدخل و أتروش .
ديمه ..: ليه ..؟
دعاء تتكلم بشويش وماسكة شعرها ..: أنتي ووجهك شعري كل أبوه اسبريه و رغوة ، تبغيني أنوم وشعري كذا..؟
ديمه ..: أنزين بنزل وأقول لـ سولينيا ترسل لك منشفة ..!
دعاء ..: أي وبعد الله لا يهينك ، أبي شامبو جونسون .
ديمه وهي مستغربة ..: ليه ..؟ عساك تستعملين حق الأطفال اللي يقولون " لا دموع بعد اليـوم " ..؟!
دعاء وهي تبتسم ..: أيـه .
ديمه فطست ضحك ..: ههههههههههههه الله يرجك دودو ، هذاك ما يستعملونه إلا لـ الأطفال ، ولا مو أي أطفال ، الأطفال اللي في المهاد .
دعاء ..: ديوم يالحمارة لا تتريقين علي ، ترى كلنا نستعمله أنا و شعولتي وسويره ، والله ريحته تجنن ، المهم أبيه .
ديمه ..: من وين أجيب لك ..؟! [ وقالتها بضحكه ] إحنا ما عندنا بزرآن .
دعاء بغيض ..: أنزين جيبي أي شامبو أنتي ووجهك .
ديمه ..: أووووووكي .
.
.
.
نزلت لـ الصالة وهي تضحك ، يا حليلك يا دودو ، أنا أشهد أنك بزر ..
ياسر ..: يا الله سترك ، ديوم تضحك ، أجل فيه سالفة ..!
ديمه ..: سولينيا ..!!
سولينيا ..: Yes Dima..؟
ديمه ..: جيبي منشفة و شامبو وعطيها دودو في غرفة هيفاء .
سولينيا ..: Ok
ديمه وهي تجلس جنب ياسر ..: خير ..! بغيت شي ..؟
ياسر ..: لا بس أنا أسأل وش فيك تضحكين ..؟
ديمه ..: ههههههههههههه أبد بس دعاء تستعمل شامبو جونسون لـ الأطفال .
ياسر أبتسم بضحكه ..: أيه وبعدين ..؟
ديمه ..: أنت تعرف شامبو جونسون حق " لا دموع بعد اليوم " ..؟
ياسر ..: وش فيها إذا الواحد أستعمله ..!
ديمه ..: أقول ألفقها ، هذا الشامبو ما يستعملونه إلا لـ الأطفال حقين المهاد ، تجي بنت كبرها 18 مدري 19 تستعمله ..!
ياسر وهو يقوم ومتوجه لـ الدرج ..: أقول أنتي ألفقيها ، أجل اللي يستعملونه هم اللي في المهاد بس ..؟ أجل باقي الأطفال وشوا يستعملون ..! [ وألتفت عليها ] تصبحين على خير [ وبضحكه] يا الكبيرة ..
ديمه تناظره بغرور ..: وأنت من أهله .
.
.
.
.
نزلت من الحمام [ وأنتوا بكرامة ] وهي تنشف شعرها بالمنشفة ، وصلت لـ المرآيه .. حطت المنشفة على الطاولة ، ومسكت المشط وجلست تمشط شعرها بـ روقان ، يا زين الوحدة إذا شالت هالألوان اللي في عيونها ، صراحة أنا أأيد الشكل الرباني أكثر من الماكياج الصارخ ، مدري أشلون يصير شكل الوحدة إذا حطت هالألوان على عيونها..! ممكن ألوان خفيفة تنبلع ، لكن الماكياج الكثير يخلي الوحدة كأنها جنية ^_^ أستغفر الله بس .
تركت شعرها مفتوح على راحته ، فتحت شنطتها ونزلت عطرها ( Miss Dior ) وبخت لها في شعرها و لبسها ، عاد تصدقون أنا مهووسة ببخ العطر في الشعر ..! وبذات إذا كان الشعر مبلل ..! تدرون ليه ..؟ لأن إذا كان الشعر مبلل تمسك فيه ريحه العطر كم يوم ..! شفتوا الخبرة كيف ..!
شالت فستانها وحطته في الدولاب .. ابتسمت وهي تتذكر موقفها معه في السوق ، ما تدري ليه ابتسمت ..! ناظرت في الفستان مرة ثانية .. يا ترى هو يفكر فيني ألحين وإلا لا ..؟
نزلت من غرفة هيفاء بعد ما طفت الأنوار وقفلت الباب وراها ، مشت لـ جهة الدرج ، وطلت براسها عشان تشوف إذا هو فيه وإلا لا ، بعد ما تأكدت أنه مو موجود نزلت لـ الدرج بـ أصابع رجلينها وكأنها حراميه ..! مشت إلى المطبخ بهدوء ، فتحت درج الكاسات بشويش ونزلت منه كاس وصبت لها موية ، كانت تشرب بسرعة عشان ما يشوفها ، وهي تشرب سمعت صوت أذان الفجر ، ناظرت في الساعة 4 إلا عشر ..!
- بووووووووه .
تفاجأت بالصوت ، ومن الخوف شرقت بالمويه .
دعاء وهي تحط الكاس على الطاولة ..: كح كح ...
ديمه وهي تخبط دعاء من ظهرها ..: بسم الله عليـك .
ناظرت فيها بحقد ..: وجع ديوووم كح ، كنت بموت والسبة أنتي .
ديمه ..: والله ما كنت أدري أنك خوافة كذا .
دعاء مسكت الكاس ورشت الموية الباقية في ديمه .
ديمه وهي تشهق ..: يآآ نذلة ..
دعاء وهي تضحك ..: أحسن ، يا الله أمشي ننوم .
ديمه وهي تمسح الموية من وجهها ..: أوريك حسابك بكرة .
دعاء وهي تطلع من المطبخ ..: يختي وش ذا بيتكم برد .
ديمه وهي تناظر رجلين دعاء ..: لأنك ما لبستي شبشب .
دعاء ..: تبغيني أمشي في بيتكم بـ كعبي حق العرس ..!
ديمه ..: هي أنتي ، اللي يسمعك يقول إحنا أهل فقر ، ألحين بنرقى فوق وبعطيك الشبشب حقي .
دعاء وهي تمشي ورا ديمه ..: ديوم .
ديمه وهي تدخل الغرفة ..: هممممممم .
دعاء ..: ما بتطلعون شالية وإلا شي زي كذا ..؟
ديمه ..: والله مدري ، سعود يقول أمس لما يرجعون وافي وهيفاء من شهر العسل ، راح نروح شالية بس ما حدد في أي يوم .
دعاء بـ إحباط ..: وش ذا ..! والله ملل هالعطلة .
ديمه وهي تلبس الجلال حق الصلاة ..: من جد ..! بس الشكوة لـ الله .
وكبّرت عشان تصلي الفجر ..!
.
.
.
( 11:00 الصباح ) ..!


قامت من السرير وهي حاطه يدها على راسها ، وااااااااااو صداع رهيب ..! دخلت لـ الحمام [ وأنتوا بكرامة ] ناظرت في المرآيه ، شافت عيونها ذبلانة ومتفوخة ..! يا الله والله مو وقته .. غسلت وجهها ، أبتسمت وهي تاخذ فرشة الأسنان ، أمس لما كانت ترتب أغراضي الشغالة سيتي .. قالت أني حلوة ..! يا حليلها والله وتعرف تتكلم ..! فرشت أسنانها ونزلت .. فتحت الدولاب حق الملابس ونزلت تنوره إلى تحت الركبة لونها أبيض وبلوزة كمها جابونيز أسترتش لونها فوشي وفيها دوائر ومربعات بـ ألوان كثيرة ..!
دخلت لـ المطبخ الموجود في الجناح حقها .. أنصدمت لما شافت أن فيه فطور في المطبخ ..! يمه من اللي سواه ..؟
راحت تركض لـ التلفون ، طلبت سيتي
ملاك ..: Who put food in my hose
من الذي وضع الأكل في بيتي
سيتي ..: Anna Madam
أنا مدام
ملاك ..: How? I've closed the door well
كيف ؟ أنا أغلقت الباب جيداً ..!
سيتي ..: Yes, Madam, IBrahim is from opening the door to me
نعم مدام ، إبراهيم هو من فتح الباب لي
ملاك بخوف ..: IBrahim
إبراهيم
سيتي ..: Yes
نعم
ملاك ..: Well, good bye
حسناًَ ، مع السلامة
قفلت السماعة بـ قهر ، صدق حقير وكلب ، أشلون يدخل الجناح من دون أمري ..! وإلا أشلون معه مفتاح لـ شقتي ..؟ جلست تلتفت في كل مكان من الجناح حقها ، خايفه يكون موجود معها ألحين ..!
.
.
.
( في الشركة ) ..!

ياسر ..: أي خلاص ، كل شي تمام ، بس باقي توقيع أبوي وعمي [ وألتفت على السكيورتي ] وده لـ مكتب المدير .
السكيورتي ..: إن شاء الله طال عمرك .
طلع السكيورتي .. تنهد بقوة و حط راسه على الطاولة .. يا رب صبرني ، والله فيني نوم بشكل ما تتصورونه ، تخيلوا نمت بعد صلاة الفجر وصحيت الساعة 8 الصبح ..! وبعد وش أسوي مع عرسي اللي بعد 29 يوم ، وأنا إلى الآن ما فكرت بـ شي أو سويت شي لـ عرسي ، أصلاً عمي وأبوي هم اللي عليهم كل شي .. هم يفصلون وأنا ألبس ..!
مسك جواله ، من زمان عنك يا محيميد ..
- ألوووووو .
ياسر بـ ابتسامه ..: وينك يالقاطع ..؟
محمد ..: ههههههههههههههه هلاااا والله ، وش أخبارك ..؟
ياسر ..: الحمد لله ، أنت وش علومك .. [ وبضحكه ] وش أخبار خشمك ..؟
محمد وهو يمسك خشمه ..: الحمد لله ، تصدق خشمي صار أحلى من أول ..!
ياسر ..: ههههههههههههههههه قول والله ..!
محمد ..: ههههههههههههه والله ، الظاهر أننا أستفدنا من الحادث .
ياسر ..: أعوذ بالله .
محمد ..: الحمد لله على كل حال ، إلا أقول ..!
ياسر ..: سم .
محمد ..: سم الله عدوك ، أبوي يبغى يسلم عليك ، يقول ما شافك من زمان .
ياسر ..: ههههههههههههههه ولا يهمه أبو محمد ، إن شاء الله الليلة عندكم .
محمد ..: إن شاء الله .
ياسر ..: يالله تامر على شي ..؟
محمد ..: سلملي على أبوك و وافي ولد عمك ، وقول له مبروك الزواج [ وبضحكه ] وعقابلنا .
ياسر ..: أنا خلاص قاضي ما بقى لي أدخل عش الزوجية إلا كم يوم ، وأنت متى إن شاء الله ..؟
محمد ..: ههههههههههههه أنا إلى ما يفضى مزاجي ، بعدها أفكر أتزوج .
ياسر ..: ههههههههههههههههه الله يوفقك ، يالله أجل سلم على أبوك وماجد .
محمد ..: يوصل ، يالله في أمان الله .
ياسر ..: مع السلامة .
.
.
.
جلست من السرير ، ألتفتت على ديمه اللي كانت نايمه ، والله هالديوم مجنونة من جد ..! ناظرت في الساعة ، يوووووه الساعة 1 ونص ..!
قامت على الحمام [ وأنتوا بكرامة ] عشان تتوضأ وتصلي ، بعد ما خلصت من الصلاة .. راحت عشان تقوم ديوم .
دعاء وهي تخبط ديمه على كتفها ..: ديوم قومي تراها قربت الساعة 2 .
ديمه وهي تلف على الجهة الثانية ..: دعاء دقيقة .
دعاء ..: ههههههههههه ديوم قومي تراك بتضيعين صلاة الظهر .
ديمه وهي تجلس وتحك عيونها ..: كم الساعة ..؟
دعاء ..: الساعة 2 إلا ربع ، يالله قومي صلاة .
ديمه وهي رايحه لـ جهة الحمام ..: أي صح صباح الخير .
دعاء ..: ههههههههههههههه ديوم ألحين مساء الخير .
ديمه وهي تدخل الحمام ..: اللي هو ..!
ابتسمت دعاء ، شوي مسكت بطنها وهي تتألم ، وااااي بطني يعورني جوعانه ^_^ تخيلوا من أمس الظهر ما أكلت شي ..!
نزلت ديمه وهي تبتسم وتمسح وجهها ويدينها بـ المنشفة ..: صليتي ..؟
دعاء ..: يس ، ديوم ترى جوعانه .
ديمه ..: ههههههههههههههه حتى أنا والله جوعانه ، أشرايك ننزل في الحوش شكل الجو اليوم روعه .
دعاء ..: يالله .
ديمه ..: أنزين بصلي وبعدين ننزل .
قامت دعاء وفتحت الشباك .. نزلت راسها وهي مغمضة عيونها برومانسية وهي تستنشق الهوا الطبيعي .. كانت روعه بـ خصلات شعرها اللي كانت تتطاير مع الهوا وكأنها تبغى تطير معه ..! ، فتحت عيونها وناظرت في المسبح الكبير الموجود في نص الحوش ، يمه أنا أخاف من المسبح ..! يا كثر ما علمني وافي السباحة .. بس أنا كنت أخاف وما أسوي الحركات اللي هو يعلمني أياها ، ابتسمت يوم تذكرت وافي ، يا ترى وش يسوي هو و هيوفه ألحين ..!؟
ديمه وهي ترفع جلال الصلاة ..: يا الله ..؟
دعاء ..: أقول عطيني لبس .
ديمه ..: ليه ..؟
دعاء ..: تبغيني أنزل لـ برا بالبيجاما ..؟
ديمه ..: أيه وش فيها ، عـآآدي مرة .
دعاء تخوصرت ..: لا والله ..!
ديمه ..: أيه .. أقول بلا دلع يالله أمشي .
وسحبت دعاء بيدها لـ برا الغرفة ..!
.
.
.
.
يتبـــع ..

 

 

["خ ــآلِـد؛]

حطت الريموت بكل ملل ، أوووف والله ملل هنا ، يا زين إيطاليا بس ..! قامت بعد ما أخذت الشيله ، ناظرت في شكلها ، ما حطت ولا شي من مستحضرات التجميل ، تخاف يشوفها أبو إبراهيم بعدين يمكن يزعل ، لفت الشيله أي كلام ، هي ما تعرف تلبس الشيله إلا يوم جات هنا ..!

نزلت من الجناح حقها وقفلت الباب وراها .. ما تذكر في أي طريق هي رقت منه أمس ..! مشت بين الممرات إلى ما لقت الدرج ، نزلت منه .. كانت تسمع صوت التلفزيون مرة عالي ، طلت براسها ، شافت رجال كبير في السن قاعد عنده ، الظاهر أنه " عمي عبد الرحمن " نزلت إلى آخر الدرج ..

ملاك بـ خجل ..: السلام عليكم .

أبو إبراهيم ألتفت يناظر ، بعدها أبتسم ولوح بيده تقرب لـ عنده ..: تعالي وأنا عمك .

قربت لـ عند أبو إبراهيم ..

ملاك ..: كيفك عمي ..؟

أبو إبراهيم ..: الحمد لله تمام .. أنتي وش علومك ..؟

ملاك وهي تجلس ..: الحمد لله .

أبو إبراهيم ..: إن شاء الله أرتحتي عندنا .

ملاك وهي تناظره ..: الحمد لله .

مها وهي جايه من المطبخ ..: يبه أقول لهم يحطون الغدا .

أبو إبراهيم ..: أخوك موجود في البيت ..؟

مها وهي تناظر ملاك ..: أيه .

أبو إبراهيم ..: أجل قولي لهم يحطونه .

مها وهي رايحة ..: إن شاء الله .
.
.
.
جالسة على الكرسي ومعها عصير برتقال طازج بآآآرد وبوسطه قوالب الثلج اللي تعطي العصير شكل ثاني ..: وااااااو ديوم والله العصير روعه .


ديمه بغرور ..: هذا شغل يدي يا ماما .

دعاء وهي تشرب من العصير وتناظر في المسبح اللي كان قدامها ..: تسلملي إيدينك [ وألتفتت على ديمه ] إلا أقول ديوم .


ديمه وهي تاكل بسكوته ..: شنوا ..؟

دعاء ..: أشلون تسبحين من دون ما تغرقين ..؟

ديمه ..: عساك لسى ما تعرفين تسبحين ..؟

دعاء وهي تهز راسها ..: نوو [ وبضحكه ] أصلاً وافي بغى يعلمني ، لكن أنا عييت ، خلاص راح يروح تعبه في أدراج الرياح ، لأني من جد من جد مال أمي في السباحة .

ديمه..: تبغيني أعلمك ..؟

دعاء بخوف ..: لاآآ لاآآ إلا أنتي ، أنا أأتمن روحي على أي أحد إلا أنتي بصراحة .

ديمه تناظرها بنص عين ..: أي ليـه عاد ..!

دعاء ..: حبيبتي .. تراني أبي روحي يا قلبي أنتي .

ديمه وهي تنسدح على الكرسي ..: كيفك ، عاد أنا قدمت لك يد الفزعة أنتي ووجهك ، لكن وجهك مو راعي فزعات أبد .

دعاء وهي تبتسم ..: أنا عارفة أن وجهي ما هو وجه فزعات .

قامت من الكرسي بعد ما حطت كاس العصير على الطاولة ، وقربت لـ عند المسبح وهي تناظر في المويه ، هي تحب المويه ما تنكر ، بس تخاف من السباحة .. كم مرة سمعت بـ خبر موت شخص والسبب هـ المسبح ..! رفعت أطراف البرمودا إلى ركبتها ، جلست على حافة المسبح وهي تدخل رجلينها بـ ابتسامه .. واااااااو المويه باردة .. دخلت يدها وهي تلمس المويه بكل رقة .. ليت وافي موجود ، وافي يمتعها بسباحته .. فنان بمعنى الكلمة .. بعد ديمه فنانة في السباحة .. ألفتت على ديمه .

دعاء ..: ديوووم ..!

ديمه وهي مغمضه عيونها ..: همممممم .

دعاء ..: قومي تسبحي .

ديمه تفتح عيونها ..: ما راح أتسبح إلا إذا تسبحتي .

دعاء ..: ديوووم عفيه الله يخليك قومي تسبحي .

ديمه ..: قلت لك ما راح أتسبح إلا إذا تسبحتي معي .

دعاء ..: أوكي ، بس إن لمستيني يا ويلك .

ديمه وهي تنقز ..: أوكي .. دقايق أروح أجيب ملابس السباحة .

دعاء وهي تركض وراها ..: بجي معك .
.
.
.
قاعدة على سفرة الغداء من دون ما تتكلم ، ناظرت في إبراهيم ، شافته يناظرها ويتبوسم ، عما تعميه هو وعيونه ، أنا ماني مهتمة له صراحة .. أنا لو أدري أن عمي عبد الرحمن ولده هذا الحقير كان ماجيت ..!

أبو إبراهيم ..: ملاك .

ألتفتت ملاك لـ عبد الرحمن ..: نعم عمي .

أبو إبراهيم ..: تذكرين أختي منيرة ..؟

ملاك وهي تترك الملعقة وتفكر ..: لا والله ما أذكرها .

أبو إبراهيم ..: تسلم عليك.

ملاك بـ خجل ..: الله يسلمها .

وقامت وهي تقول ..: الحمد لله .

مها ..: بدري ..!

ملاك ..: مشكورة .. بس الحمد لله شبعت .

مها ..: أنزين لا ترقين أبي أسولف معك .

ملاك ..: أوكي .

جلست عند التلفزيون تنتظر مها اللي دخلت لـ المطبخ ..!

- إلا أقول عجبك الفطور ..!؟

ألتفتت عليه .. شافته يجلس معها في الصالة ..!

إبراهيم بـ حقارة ..: جيتي ورا ياسر ، صح ..؟

ملاك تناظره وكأنها تقول .. وش دخلك بالموضوع ..؟

إبراهيم وهو مبتسم ..: أنا عارف أنه هنا ، فيه واحد قال لي أنه شافه في الكوفي مع واحد..! مو هذا اللي جيتي عشانه ..؟

ملاك ولا تكلمت ولا كلمه ..

إبراهيم يكمل تحقيقه ..: ملاك وش ناويه عليه ..؟

ملاك بعصبيه وهي ترص على أسنانها وتتكلم بشويش ..: إبراهيم مالك دخل ، خلك بـ مسؤولياتك أصرف لك .

إبراهيم ..: هههههههههههههههه حياتي أنتي ، تفتكرين إني ما أعرف عن أخباره ..!؟ [ وابتسم بـ شر ] أنا أعرف عنه كل صغيره و كبيره ، ويكون في علمك زواجه راح يكون بعد شهر .

ملاك بـ استغراب ..: مو تزوج وخلّص ..؟

إبراهيم ..: ههههههههه من اللي قال لك أنه تزوج ، هو راح يتزوج بعد شهر بالتمام [ وبحقاره ] وهذي اللي راح يتزوجها تصير بنت عمه وأحلى منك .

ملاك ناظرته ..: وأنا وش علي منها ..؟

إبراهيم ..: ههههههههه على غيري ملاكو .. أنتي ما جيتي هنا إلا عشانه هالوصخ [ وألتفت عليه ] لكن إذا تبغين أي مساعدة أنا حاضر ، [ وابتسم ] أنا ناوي عليه نية شينه وإذا أنتي مستعدة تدخلين معي ، فـ رقمي عند الطلب يا حلو.

راح وتركها مستغربة ..! أشلون عرف أني جايه عشان ياسر ..!؟
.
.
.
( 3:00 الظهر ) ..!

دخل الحوش وهو تعبان ، يكفي أنه ما نام وفوق هذا الشغل اللي كان في الشركة .. كان ضغط علينا بشكل ما تتصورونه ..!

وهو داخل لـ البيت سمع أصوات .. الظاهر أنها ديوم ..! قرب لـ جهة المكان اللي موجود فيه المسبح .. شاف دعاء اللي كانت واقفة عند المسبح .. وديمه اللي في وسط المسبح ..

دعاء وهي واقفة عند الدرج حق المسبح ..: ديوووووم والله إن لمستيني لـ أتركك وأروح أبدل هاللبس .

ديمه وهي في المسبح عند الدرج ..: هههههههههههههه يالخوافة .. والله ما راح أسوي لك شي .. أنتي بس أنزلي وأنا بكون ماسكتك .

دعاء ..: أي أنا خوافة .. [ وهي تشوف ديوم تمد يدها] أقول بعدي مناك بس ، أنا بنزل لـ حالي [ و ألتفتت وكأنها تدور شي ] ديوم فين هذاك البلاستك اللي يخليني ما أغرق ..؟

ديمه ..: ما عندنا ، تدرين كل أبونا نعرف نسبح .

دعاء بـإحباط ..: أجل ما بسبح .

ديمه ..: إييييييش ..؟

دعاء بخوف ..: والله حقكم يخوف ، يختي كله غويط ..! [ وبـ ابتسامه حلوة ] شوفي أنا بس بجلس وبدخل رجليني في المسبح ، وأياني وأياك تلمسين رجليني .. ترى والله لـ أزعل و أرجع بيتنا .

ديمه ..: ههههههههههههههه والله أنك خوافة .. الله يعين أخوي عليك .

دعاء تخوصرت ..: ليه وش فيني يا حلوة ..؟

ديمه وهي ما تدري أن ياسر موجود ويراقبهم ..: أخوي ما يحب حركات البنات الخوافات والدلوعات .

دعاء وهي تفك شعرها بـ غرور ..: يختي هو يقدر يحصل وحده مثلي ..؟

ديمه ..: وأنتي بعد يحصل لك تحصلين زي يسوري ..؟

دعاء وهي تضحك ..: ههههههههههه شوفي من ناحية واحد مغرور و حلو فما حصلت .

ديمه وهي تصفق بحماس ..: يااااهوووو يا حركات ، دودو الكلام هذا واصل لـ أخوي إن شاء الله .

دعاء عصبت ..: هي أنتي ترى والله إن علمتيه يا ويلك .

ديمه وهي تبتسم بـ شر ..: أوكي تبغيني ما أعمله أنزلي واسبحي معي .

دعاء ..: ديوووووم وبعدين ..!

أبتسم وهو يسمعهم .. زين أعتراف خطير ..! دخل البيت وهو يضحك .. والله إن ما طلعت ديوم ريحتها ما أكون ياسر .. ألتفت على المرآية اللي في وسط الممر ، أبتسم وهو يزين الشماغ بغرور .. زين أني طلعت عندها حلو ..! رجع نظره لـ الصاله .. وأنا وشوا يهمني إذا أعترفت ..؟ أنا واثق من نفسي .. وبعدين هي ما تهمني ..! لا أقولكم شي .. أنا صح أول ما تهمني .. بس ألحين أهتم لها .. تدرون ليه .؟ لأنها ببساطة راح تكون زوجتي .. ويكون في علمكم .. إلى الآن أعتبرها بزر ..!
.
.
.
.
في مكان ثاني ( كوالالمبور) ..!

( 8:00 مساءً ) ..!

وافي وهو يلبس الجزمة [ وأنتوا بكرامه ] ..: هيوفه حبيبتي .

هيفاء في الغرفة تلبس العباية ..: هلا .

وافي ..: يا الله .

هيفاء وهي تنزل ..: وش رايك ..؟

كانت لابسه وبكل بساطه عباية على الكتف واسعة وشيله سودا ملفوفة بـ إحكام .

وافي وهو يمسك ذقنها ويتأملها بحب ..: أهم شي وجهك ما فيه أي من هالخرابيط اللي تحطونها .

هيفاء بـ ابتسامه ..: نوو ما فيه .

وافي وهو يمد يده لها ..: Let us if we go

هيفاء وهي تمسك يده ..: هههههههههه يالله .

وافي وهو نازل من فندق ( شيراتون كوالالمبور ) ..: وين تحبين نروح ..؟

هيفاء ..: أي مكان .. أنا ما أعرف شي هنا .

وافي ..: حتى أنا والله .. أخر مرة رحت لها يمكن قبل 5 سنوات [ وألتفت عليها ] بس أشرايك نروح برج بتروناس فيه سوق ..؟

هيفاء وهي تأشر على البرجين ..: عساهم هذوليك ..؟

وافي ..: ههههههههههههه أي يا بعدهم ، أشرايك نروح له .

هيفاء بـ ابتسامه ..: اللي تشوفه حبي [ وتسأل ] بس نروح له مشي وإلا بالسيارة ..؟

وافي ..: لا مشي .. لأنه يبعد بس 10 دقايق عن هنا .. [ وابتسم بخبث ] لكن إذا أنتي عجّازة ولا تبغين تمشين أنا أشيلك .

هيفاء بإحراج ..: لا أمشي لو تبغى يوم كامل ولا أنك تشيلني قدام العالم .

وافي ..: وهذولي العالم يدرون أنك هيفاء بنت راكان ..؟

هيفاء ..: ههههههههههههه أكيد لا .
.
.ר'*( الجزء الثاني )×'¨*
ماسكة المنشفة وقاعدة تنشف شعرها فيها ..: أصلاً مو منك .. من اللي يتسبح عشانك .

دعاء وهي تضحك ..: ههههههههههههه والله كنت بدخل بس مافيه البلاستك حق الإنقاذ ..!

ديمه وهي تسوي نفسها زعلانه ..: أقول بعدي مناك بس ..[ وقامت ] يالله قومي غدا .

دعاء ..: ما أشتهي .. روحي أنتي وتغدي وبعدين تعالي .

ديمه وهي تفتح الباب ..: كيفك .

وقفلت الباب ونزلت .. ابتسمت .. والله فله دعاء .. يالله كلها كم يوم وبتسكن عندنا ..!

جلست على طاولة الأكل .. وهي تسمي .

أم ياسر ..: وين دعاء ..؟

ديمه ..: قالت مالها نفس تاكل .

أبو ياسر ..: دعاء هنا ..؟

ديمه ..: أيه .

أبو ياسر ..: قولي لها تنزل .. نبغى نشوفها .

ديمه وهي تاكل وتناظر في ياسر اللي ياكل وهو ساكت ..: يبه حرام عليك تحرج البنت .

رفع ياسر نظره لـ ديمه من دون ما يتكلم .

أبو ياسر ..: من وشوا أحرجها ..؟

ديمه وهي ما زالت تناظر في ياسر ..: البنت مستحيه لا تنسى زواجها على هذا [ هي تأشر على ياسر ] بعد كم يوم .

أم ياسر ..: لا فيها إحراج ولا شي .. وبعدين إحنا أهلها .

ياسر وهو يحط الملعقة ..: أنا بناديها .

طلع لـ غرفة ديمه .. طق الباب ..!

دعاء ..: ههههههههه أبوك يالأدب .. أقول أدخلي ديوم .

ابتسم ، ما يدري وش بيصير لها لو درت أني أنا مو ديوم ...!!

فتح الباب .. شافها شبة مسدوحة على السرير وعيونها على الجوال ..

دعاء مبتسمه و عيونها على الجوال ..: ما شاء الله .. أجل على طول تغديتي .. أتاريك تسوين رجيم وأنا ما أدري .

رفعت نظرها لـ جهة الباب .. تمنت أن الأرض تنشق وتبلعها .. ولا وبعد لابسه هالبيجاما اللي كانت استرتش.. عدلت جلستها بـ إحراج .

ياسر وهو مركي يده على كيلون الباب و مبتسم ..: ما تبغين غدا ..؟!

دعاء وخدودها حمراا .. ابتسمت وهي منحرجة ..: لا .. شكراً .. عليكم بالعافية .

ياسر وهو يقرب لـ جهتها ..: ما يصير .. قومي قدامي تغدي ويانا .

دعاء وهي تشوفه يقرب ويجلس جنبها في السرير .. لاااا والله ترا بصيح ..!

دعاء وكأن النفس بدا ينقطع عندها ..: لا والله مالي نفس .

ياسر وببرود ..: لييش .. لأني موجود ما تبغين تنزلين ..؟

دعاء ..: ...........

ياسر ..: ترى بترك البيت وبطلع إذا أنتي ما نزلتي ..!

دعاء وهي تناظره برجا .. ما تبغى تنزل بالبيجاما ..: يـ .. يآسر والله ماني مشتهيه .

ياسر وهو يناظر عيونها اللي تترجاه ..: أي طيب ليه ما تبغين تنزلين .. إذا ما تبغين غدا عادي .. أجلسي وسولفي معهم .

دعاء .. مالقت عذر تقول له .. لو تذبح عمرها ما راح تقول له عشان البيجاما ..

قامت وهي منحرجة ..: أوكي .

ياسر قام ومشى قدامها ووقف عند الباب ..: يالله قدامي أشوف .

دعاء وهي تحس نفسها بتطيح في أي لحظه ..: طيب .

مشت قدامه وهي مغمضه عيونها .. ما تبغاه يشوفها.. الود ودها أنها تحط يده على عيونه عشان ما يشوفها .. الله ياخذ إبليسك يا ديوووم .. أنا أوريك ..!

كان الود وده يضحك بأعلى صوته .. هو دائماً يحب يحرجها ويحب يخوفها .. ما يدري ليه .. ابتسم بخبث .. الأيام بيني وبينك ..إن ما خليتك تتمنين الموت من الإحراج ما أكون ياسر ^_^

نزلت الدرج ..: السلام عليكم .

أبو ياسر يلتفت وهو يبتسم ..: هلا والله بالغالية .. تعالي .

قربت لـ عنده وسلمت عليه .

أبو ياسر ..: وش أخبارك .؟

دعاء ..: الحمد لله .. أنت كيفك ..؟

أبو ياسر ..: بخير بشوفتك .. أجلسي .

جلست جنب ديمه وهي تناظرها وكأنها تقول وعدك بعدين ..

ديمه ..: ههههههههههههههههههههههه .. دودو لا تصيرين شريرة بليز .

دعاء وهي رافعه حاجب ومتعجبة .. وش فيها هالمجنونة ..؟

ديمه..: بلاش هالنظره .. [ وهي تحرك الملعقة في الصحن وكأنها بريئة ] والله قلت لهم مالها نفس بس هذا [ وهي تأشر على ياسر ] هو اللي قال أنا بناديها .

دعاء سكتت بس ابتسمت .. وجع والله هالبنت فضيحة من جد ..!!

أم ياسر وهي تحط صحن لـ دعاء فيه ( مكرونة بشمل ) .. و ( ورق عنب )

أم ياسر ..: دعاء خذي .

دعاء وهي تمد يدها وتاخذ الصحن ..: مشكورة خالتي .

أم ياسر ..: تبغيني أحط لك رز .

دعاء تأشر براسها بمعنى لا ما تبغا ..

أبو ياسر ..: ترى كلمني وافي وقال أنهم وصلوا بالسلامه .

أم ياسر ..: ورا ما قلت لي أكلمهم ..؟

أبو ياسر ..: كلمني وأنا في الشركة .. وبعدين قال سلملي عليهم كلهم .

ياسر ..: الله يسلمه .. عاد ألحين تلاقون عندهم الساعة 8 أو 9 الليل .

أبو ياسر ..: أيـه [ وابتسم ] وإحنا عندنا عصر .. سبحان اللي خلق هالدنيا ..
.
.
.
.
- وشوفي هذي ..؟

ملاك ..: هذي أمك ..؟

مها ..: أيه .

ملاك بمجاملة ..: ما شاء الله حلوة .

مها تناظرها ..: أكيد .. هذي أمي .

ملاك ما تكلمت ..

مها ..: وشوفي هذي .

ملاك ..: من هذي ..؟

مها ..: مدري والله .. بس أبوي يقول أنها صديقته .

ملاك وهي تناظرها ..: غريبه ..!

مها ..: لا غريبه ولا شي .. عادي عند أبوي .. [ و ألتفتت عليها ] بس تدرين .. هذي أنا أكرهها.

ملاك ..: ليييه ..؟ حرام عليك شكلها طيووبه مرة .

مها وهي تناظر الصورة بـ حقد ..: هذي سبب طلاق أمي من أبوي .

ملاك ناظرت في مها .. ما تدري ليه مها دخلت قلبها بسرعة .. رغم أنها مغرورة مثلي حبتين .. إلا أنها دخلت قلبي .. أحس أنها مثلي ..! يا سبحان الله شتان بينها وبين أخوها ..

ناظرت في مها.. شافت دمعه عند رموشها تبغى تنزل ..!

ملاك ..: مهو حبيبتي ..!

مها وهي تمسح دمعتها .: هذي لو أنها ما ظهرت في حياتنا .. كان ألحين إحنا عايشين بسلام ومعنا أمي .

ملاك وفضولها يذبحها.. ودها تسأل عن هالحرمة .. ما تدري ليه ..؟

ملاك ..: طيب ممكن سؤال ..؟

مها ..: أسألي .

ملاك ..: يعني لو أنها تهم عمي كان تزوجها ..؟

مها ..: والله ما أدري عنه بس أول ما طلق أمي سافر لـ إيطاليا عندها بحكم أنها إيطاليه وتركنا عند أمي .. وبعدين رجع بعد يمكن سنتين .. وقال أنها ماتت .. جاها سرطان الرحم .

ملاك ..: يا الله ..!! الله يرحمها .

مها ..: آمين . [ وبعدها ألتفتت على ملاك ] ..: ملاك ..!

ملاك ..: نعم .

مها بـ استغراب ..: أشلون تعرفين أبوي ..؟

ملاك وبكل بساطة ..: والله شوفي أنا ما أعرفه .. بس أبوي الله يرحمه كان يعرفه .

مها ..: تصدقين أنك تشبهين لـ هذي الحرمة مرررة .

ملاك وهي ترفع حاجب ..: لآآآآ ويين ..!! هههههههههه أنا وين وهي وين .

مها ..: ناظري عيونها .. مرة زي عيونك .

ملاك وهي تسحب الصورة من يد مها وتتأمل الحرمة ..!

ملاك بـ ابتسامه ..: مو يقول لك المثل يخلق من الشبة أربعين .

مها وهي مو مقتنعة ..: يمكن ..!!
.
.
.
( كوالالمبور 9:30 مساءً ) ..


وافي ..: وش رايك ندخل هالجسر اللي بين الأبراج ..؟

هيفاء وهي ماسكة يد وافي بخوف ..: لا والله يخوف .

وافي وهو رافع راسه يشوف الجسر ..: والله ما يخوف [ وألتفت عليها ] بعدين لا تخافين دامك معي يا قلبي .

هيفاء وهي تناظر وافي ..: يمه .. لآآآ أخاف .

وافي وهو يناظر الساعة ..: يوووه بالله لنا ساعة ونص نفرفر في هالسوق ..!

هيفاء وهي تناظر ساعة وافي ..: أي والله ..

وافي ناظر في هيفاء اللي جلست على الكرسي ..: شكلك تعبتي .

هيفاء ..: هههههههههه أول ما عرفت أن لنا ساعة ونص في السوق تعبت ..

وافي جلس جنبها وهو يضحك ..: هههههههههههههههههههه

هيفاء ..: تدري أني ما أحب أقعد أمشي في السوق كثير ، أتعب على طول .[ وبـ ابتسامه رومانسيه ] بس يوم أني معك نسيت كل التعب .

وافي وهو يبوس يدها ..: الله لا يحرمني منك .. [ وأبتسم ] تبغيني أشيلك ..؟

هيفاء بحيا ..: لا وش تشيلني ..!

وافي وهو يمسكها مع خصرها ..: طيب يالله نرجع الفندق ، وبكرة الصبح نرجع لـ البرج لأن أكيد ألحين لو طلعنا ما نقدر نشوف في الظلام .

هيفاء ..: أوكي .
.