معلومات هاااامه للعنايه بالشعر<<<< لايفوتكم يابنات

بين احضان الورد · 05-29-2009, 05:45 AM

الجزء الاول

بنات وبس

هااااااااااي صبااااااااااااايا

جايبه لكم

خبريه بتطيرلكن عـقـلاتـكـن

شعرك تاج جمالك يا آنسة

راح نشوف سوا في الموضوع

- الاجهزة اللي استخدمها لـ شعراتي .

- منتجات تصفيف احبها لشعري .

- عنايتي بـ شوشتي .

- تعطير الشعر .

- شامبوهات أحبها .

- صور للتسريحات الجديدهـ اللي دارجه .

::

كيرلي / ستريت / ويفي / كشة

الحالات اللي تكون فيها شوشتنا وعلى حسب الـ مود اللي احنا فيه

بتكلم بالتفصيل كيف أحوس بهالـ شوشة اللي ياما شافت وساكتة

<< تحب تلعب و تجرب

أول شي أحطه على شعري و هو لسا رطب

انشفه بالفوطه واحط نقطه - نقطتين من السيروم وادهن فيها " أطراف " شعري

السيروم يعطي الشعر الجاف لمعه , والاهم من كذا يحمي الشعر ويجهزه لاي شي راح تعملينه

يحميه من حرارة الفير - السشوار - منتجات التصفيف ... الخ

يعني أياً كان الستايل اللي بعمله في شعري اول شي احط سيروم عليه

اللي عامين أتعب و انا اقول رووووووعه

كذا ما يدبق مهوب ثقيل على عكس اللي عاليسار

ثنينهم ماخذتهم من " كارفور "

أضيع بدونه

سشواري كل من جربه سألني عنه .. مررررررره حار ولا يطفي ابد

اسمه elchim ولا يجي الا لون احمر

فيه هوا بارد بعد عشان تنشفون المناكير

اخذته من " قزاز "

سعره تقريبا 200 و شي المهم مهوب اكثر من 300

السر عشان تعطين شعرك حجم

لا توجهين عليه السشوار ابد من فوق كذا يهبط

نزلي راسك تحت و وجهي السشوار على شعرك وحاولي باطراف اصابعك تحركين جذور شعرك

النقطه الثانية أبد لا تقربين السشوار من شعرك

كل ما بعدتيه كان افضل

النقطه الاخيره وكثير بنات يسوونها و هي غلط

لا توجهين السشوار من تحت الشعر يعني عكس الاطراف

يعننك خطيره وبتنفشين شوشتك

هذي الطريقة مع الوقت تساعد على تقصف اطراف الشعر

الويفي كلنا نحبه

الشعر الغجري المغري وهـ بس

راح اقول لكم طريقتي

استخدمهم للبيت - جامعه - طلعة بنات - اغلب الوقت

بعد ما احط السيروم وانشف شعري بالهوا نص و نص مهوب مره

انزل راسي على تحت واحط بيدي من الكريم و ابدا اوزعه على الاطراف اكثر شي

و احاول اعرفط الخصلات عشان تاخذ الشكل الويفي وتتخصل بالكريم ولا يصير نافش

بعد ما اتاكد ان كل شعري تعبا .. انشفه مره ثانيه بالسشوارواكون منزله راسي على تحت عشان ياخذ حجم

بانتين و صانصلك كلهم كويسين

بس مع الوقت اكتشفت ان الصانصلك يطيح الشعر والبانتين لا

يعني البانتين حلو وعملي كـ استخدام يومي

جربوا اللي مكتوب عليه لتموجات متناسقه او شي زي كذا

تبون الصراحه ؟

عادي ما فرقت شعري فيه

يطلع ويفي صح .. بس بالضبط زي لما استخدم السشوار

عملت بحث كثير عن الشعر الكيرلي وكثير كانوا يتكلمون عن هذا " الموزع "

كيف طريقة استخدامه ؟

بعد ماتحطين كريم الكرلـله او الموس نفس الشي تعرفطين مجموعة خصل بيدك الين ماتقربينها من الجذور .. وتلصقين الموزع عليها تقريبا 30 ثانية

تصير الخصل مموجه

أخذته برضو من " قزاز " بس ابد مو متذكره السعر

::

يمكن كثير بنات يستصعبون استخدام الفير

يمكن يكون صعب من اول مره ولا يضبط .. بس مع المحاوله راح يصير شي مره سهل والنتيجه

بعد ما اتحمم واحط سيروم على شعري .. انشفه بالهوا

نبدا نشغل الفير عشان يحمى

نسشور الشعر بس سشوار سريع سريه وبدون لا تتسيح الخصلات مره

جيبي فوطه صغيره و حطي الفير عليها

ابدي فرقي شعرك .. افرقيه على شكل + يعني 4 اقسام

ابدي مثلا بالجزء اللي عاليسار من ورا لانه اسهل تحكم

خذي خصله صغيره بيدك اليسار , باليمين امسكي الفير واقلبيه على تحت خلي راسه موجه لتحت

واضغطي على المكبس يعني افتحيه , لفي الخصله بيدك اليسار على الفير

لفي بقوة ورجعي الخصله كل مالفيتيها على ورا

سكري المكبس عالخصله واتركي بالاخير طرف الخصله تقريبا 3 سم وخليك شاده بيدك طرف الخصله

انتظري تقريبا 30 ثانيه .. افتحي المكبس وشيلي الخصله بشويش بعدي عنها الفير بالتدريج عشان لا تنفك الخصله

امسكي نهاية الخصله بيدك اسحبيها على تحت شوي وبخي عليها سبراي مثبت من الجهتين

كملي كذا الين ماتخلصين كل الشعر

مع العلم ان الخصل اللي قدام لا تطولين مدة الفير عليها لان خصل الشعر رقيقه

بعد ماتخلصين بييصير شكل شعرك يحوم الكبد

لا تخافين .. نزلي شعرك على تحت وابدي فككي الخصل باطراف اصابعك وبخي سبراي مثبت

بعدين اعمليه زي ما انتي حابه

يا تتركينه مفروق من النص ويكون natural

أو تعملين بف صغير من قدام وتثبتيه ببنسه ..

او تحطين طوق او باند اللي انتي حابه .

الفير اخذته من " اكسترا " .

اخذته من " اكسترا " برضو

يعطي الشعر لوك مموج متعرفط يارب تكونون تخيلتوا كيف

تصير الخصله طالعه نازله كنها مطبات

أفضل iron للشعر

استخدمها لما اسشور شعري ليس و حابه ارتب النهيات

او اذا ابي ارتب الغره

بين احضان الورد · 05-29-2009, 05:49 AM

الجزء الثاني

منتجات تصفيف الشعر

راح اقول لكم عاللي أحبهم

رغوات الشعر لـ شعر ويفي منكوش
استخدمهم بالضبط نفس طريقتي لما أكرلل شعري بالكريم حق بانتين " راجعي الرد "
الرغوة عاليسار ممتااااااازة يا بنات للي شعرها كثيف و سميك لانها ثابته وتمسك

الحلو في الرغوة اللي عاليمين حقت new wave انها تحمي الشعر من حرارة السشوار
اخذتهم من " كارفور " .

البخاخ اللي عاليمين أبخه عالخصله قبل لا اعملها بالفير
تحمي الشعر من الحراره .

اللي عاليسار كريم احطه على شعري قبل لا اعمله ليس و استخدم الـ iron
تحمي من الحراره ولا تخلي الاطراف تنفش
من " كارفور " .

طبعا اخذتهم على طول من قريت عليهم curl power
اي شي فيه كيرلي يجذب سبحان الله
بس انو مافرقت شعري مره فيهم .. عادي نفس مفعول الرغوة وكريم بانتين
اللي عاليمين سبراي يفرق خصلات الشعر واللي عاليسار رغوة .

شامبوهات

مره أحبه للاستخدام اليومي و للشعر الجاف
يرطب و ريحته حلوة في الشعر

أخذتهم من "سيفورا" مرررره حلوين

ريحتهم cinnamon ويعطون الشعر لمعه ..
الفكره الجديده في هالمجموعه ان معها scrub لفروة الشعر !

عشان تنظف من بقايا منتجات الشعر و تصير تتنفس كويس
تحطين شوي بـ يدك وتفركين فيه فروة راسك بدون ماتحطين على اطراف شعرك
بعد ماتغسلين السكرب تغسلين كل الشعر بالشامبو بعدين تحطين الماسك

الكــــنــــز

لازم كلكم تجربون هذا الماسك
أتعب وانا اقول مغذي ومرطب للشعر ويعطيه لمعه و ريحه
حتى الشامبو حقهم والسيروم روووعه .. بس يوم اصور كان مخلص الشامبو
منتجات كيرستاس تلقونها في الكوفيرات الكبيره يبيعونها
بنات الخبر تلقونها عند " النافع " & " بريما دونا " .
انا ما استخدمهم بشكل دايم لانهم غالين مابي يخلصون
استخدمهم قبل مناسبه او لا بغيت ادلع نفسي بشاور محترم

العـنايه بالشعـر

دايم كنت اقول الشعر الحلو وراثه و محد يقدر يغيره
بس بعيوني شفت تحولات لشوش صديقاتي
تحولت شعورهم من ليف الى كشش حلوة
العناية والاهتمام تجيب نتيجه مهوب كلام فاضي و تضييع وقت
والاهم ان ننتبه لاكلنا .. يعني مهوب تحطين حيلك بهالزيوت والكريمات وانتي اكلك فاست فود وشبسات وخرابيط
" الجرجير , الجزر , السمك , البيض , العسل ... " من الاشياء اللي تغذي الشعر ولازم تكون موجوده في اكلنا بشكل دايم مهوب مره بالسنه

" حمام زيت " اخذته من بنوتة تبيعه هنا في الاقلاع
شوي عليه روووووعه
استخدمه مره بالاسبوع , اغسل شعري بشامبو بعدين انشفه بالفوطه وابدا اوزع الكريم على كل شعري
وافرك الفروة باطراف اصابعي عشان يتحرك الدم فيها وتتغذى
بعدها اللي عندها بخار تقعد تحته 20 دقيقه او نص ساعه
اللي ماعندها تلف شعرها بنايلون شفاف .

اقل شي مره بالشهر نعمل خلطة زيوت لـ " تغذية الشعر " و ترطيبه
تاخذون الزيوت اللي انتوا حابينها واهمها " الخروع "
بعد ما تخلطونهم سوا تقريبا ملعقة من كل نوع على حسب طول شعرك
حاولوا تسخنونهم على النار شوي , عشان لما تحطون الخلطه على شعركم تكون دافيه ومفعولها يزيد
ممكن لو حابين تهرسون فص ثوم معهم
برضو فيه خلطه عملتها صاحبتي تقول تكثر منابت الشعر
بالخلاط " جرجير + زيت جرجير " وتفرك فيه منابت شعرها وتخليه نص ساعه تحت البخار وكل شوي تسوي مساج للفروة

لتعـطير الشعـر

خلطه اعملها و احطها في الشاور
بعد ما اتحمم قبل لا اطلع اشطف شعري فيها والريحه تصير
تاخذين علبة مويه وتفضّين ربعها
تعبين الربع الباقي موية ورد
احط نقطتين دهن عود - نقطتين خمرية شعر من القرشي - مسك ابيض سائل من القرشي
اخر شي ارمي كسرة بخور او عود او دخون الي انتوا تسمونه
خلوها في الشاور وقبل لا استخدمها اخضها كويس واحط بس على اطراف شعري من تحت
لانو اخاف يدهّن من فوق واخاف على فروة راسي تنعدم من العطور
لما تنشفون شعركم بالسشوار وتشمون الريحه ادعولي

هذي عطورات الشوشة
- الي عاليمين حق ميكاليف ريحته ثقيله فـ قررت اخليه لشعري لما انعزم .. عارفه العطور مو كويسه للشعر ما اسوي هالحركه دايم ومتحسفه بالعطر
- اللي ورا الطويل هذا دهن عود من أجمل اظن اسمه سيف العرب .. مرررررره بطل احط كم نقطه على اطراف شعري
واحيان احط ورا عند رقبتي عشان لا تصير ريحته غثيثه لما احد يسلم علي
- التوله الصغيره خمرية شعر من القرشي حلوة ريحتها غالب عليها دهن عود
- عطر الشعر من شانيل # 5 مرررررره حلوة ريحته مع البخور
- اللي عاليسار خمريتين للشعر اخذتهم من كشك في مجمع السيف بالبحرين
الزرقا بالبخور ودهن العود , الثانيه بريحة الفواكه تحسفت انو اخذتها مهيب مره واو

" للضرورة فقـــــط "

حركه شوي مو حلوه بس بقول لكم عليها لانها تحل ازمه
لما نكون مستعجلين والا ورانا اختبار والا طب عليكم احد فجأه بالبيت وشعركم مدهّـن
حطوا شوي بودره على جذور الشعر وحركوا كويس الين مايروح اللون الابيض وكذا تروح اللمعه

و فيه برضو dry shampoo اخذته من سيفورا
نفس الفكره تبخين على جذور شعرك اللي تلمع
و لاتنسون تاخذون شاور اول ما ترجعـون !

:

:

:

:

إن شاء الله استفدتوو

ادري تفلسفت واااايد

تطمنو معاي بندوول

تلاقونه

عند مهااا

تقبلوو تحياااتي

بباقه من الورد

`·.ڛحَڒ آڸۉج‘ـۉد`·. · 05-29-2009, 01:19 PM

تسلمين ياقلبي....× جد راح نستفيد منك...× ومشكوره ...× بس حسيت انك تعبتي .. وانتي تكتبين.. ع العموم مجهودك ماراح ببلاش...×

ننتظر اطرووحاتك...× القادمه...×

مع ودي...×